ROMANOS 6:18 - Nuevo Testamento en Quichua Cañar 1996

¹⁸ Jucha mandashca causacushcamanta ña cacharishca cashpaca, allita ruhuangapacmi Diosta serviccuna tucushca canguichic.

Dios Rimashcata Quillcashcami

¹⁸ Juchamanta cacharirishpaca, allita ruhuangapacmi Diosta serviccuna tucushcanguichic.

ROMANOS 6:18 ပူးပေါင်းရင်းမြစ်များ

SAN LUCAS 4:18

“Ñucaca Diospac Espirituhuanmi cani. Taita Diosca ñucata acllashpaca, llaquilla causac huacchacunaman alli huillaita huillachun, shungupi llaquirishpa causaccunatapish alliyachichunmi cacharca. Prezu caccunamanpish, ña chaimanta llucshina tiyashcata huillachun, ñahui mana ricuccunata ricucta ruhuachun, llaquichishca causacuccunata llaquimanta cacharichichunpish cacharcami.

SAN JUAN 8:32

Chai rimashcaca cashcata nic cashcatapish ricsinguichicmi. Chai cashcata nic rimashcami huatashca shina caccunataca cacharichinga— nirca.

SAN JUAN 8:36

Shina cacpica, Diospac Churi cancunata huatashca shina cashcamanta cacharichicpica, ña cacharishcatacmi canguichic.

ROMANOS 6:14

Cancunaca mana Moisés mandashcacunata pactachishpa causana cashcapichu causacunguichic, ashtahuanpish Taita Diospac c'uyaimantami causacunguichic. Chaimanta juchaca cancunataca ña mana mandanachu can.

ROMANOS 6:22

Ashtahuanpish cancunaca jucha mandashca causacushcamanta Taita Dios cacharichicpica, paita serviccunami tucushcanguichic. Chashna tucushpaca, Taita Diospaclla ch'icanyarishpa causashpa, huiñai causaita chasquishpami allita japircanguichic.

ROMANOS 6:7

Maijanpish huañushpaca, ña mana jucha mandashcachu causacun.

ROMANOS 8:2

Jesucristohuan shuc shinalla tucushpa causaccunataca, Diospac Espíritu causaita cushpa mandacushcamantami, jucha mandashpa causanamantapish, huañuimantapish chashnaca cacharichirca.

GÁLATAS 5:1

Moisés mandashcacunata cazushpa ama huatashca shina cachunmi, Jesucristoca ñucanchictaca cacharichirca. Shina cashcamanta ama cutinllatac huatashca shina tucunata yuyaichicchu.

1 PEDRO 2:16

Huatashca shinamanta cacharichishcami canguichic. Shina cashpapish “cacharishcami canchic” nishpaca, ima millaitapish ama ruhuaichicchu. Chaipac randica Diospacta ruhuaccuna shina causaichic.