ROMANOS 6:16 - Nuevo Testamento en Quichua Cañar 1996

¹⁶ Shuc amota servingapac yaicushpaca, cazungapacmi yaicuna. Chaitaca cancunallatac yachanguichicmi. Shina cashpaca, chai amota serviccunami canguichic. Chai shinallatacmi jucha mandashcata ruhuacushpaca, huañuiman apac juchata servic shina juchata ruhuacunguichic. Ashtahuanpish Taita Diosta cazushpaca, paihuan alli tucuchun chasquishcacunami canguichic.

Dios Rimashcata Quillcashcami

¹⁶ Maijanpish amota cazungapac yaicushpaca, servicmi tucun. Chaitaca cancunallatac yachanguichicmi. Chai shinallatacmi jucha mandashca causacushpaca, huañuiman apac juchata servicunguichic. Ashtahuanpish Diosta cazushpaca, pai chasquishcami canguichic.

ROMANOS 6:16 ပူးပေါင်းရင်းမြစ်များ

SAN MATEO 20:4

Paicunata ricushpaca: ‘Cancunapish ñuca chagrapi uvasta pallangapac richic. Cancuna pallashcamantaca, mashna cullquita cuna cashcataca cushallami’ nicpi, paicunapish rircallami.

SAN MATEO 6:24

Maijanpish ishcai amotaca mana servi pudinchu. Chashna servicushpaca, shuc amotaca p'iñangami, caishuc amotaca c'uyangami. Shuc amo mandashcataca cazunga, caishuc amo mandashcataca mana cazungachu. Chashnami maijanpish charicyana yuyailla cashpaca, Taita Diostaca mana servi pudinga.

SAN JUAN 8:34

Shina nicpimi Jesusca cashna nirca: —Maijanpish juchata ruhuaccunaca juchapi huatashca shinami cancuna. Chaica chashnatacmi can.

ROMANOS 11:2

Taita Diosca callarimanta pachami israelcunataca acllarca. Chaimanta cunanca mana shitashcachu. Dios quillcachishcapi Eliasmanta ima nishcataca, ¿manachu yachanguichic? Chaipica pai Diosman mañacushpaca israelcunata juchanchishpami cashna nirca:

ROMANOS 12:1

Chaimanta ñuca c'uyashca criccuna, Taita Dios llaquishcamanta cancunapac cuerpota Taita Diosman cushpa, rupachishca shina paipaclla tucushpa, pai munashca shina causachunmi mañani. Chashna ruhuashpami, Taita Diosta tucui shunguhuan alli ninguichic.

ROMANOS 6:17

Cancunaca utcapi jucha mandashca causacushpapish, cunanca Diosmanta ima shina yachacushcacunata tucui shunguhuanmi cazushcanguichic. Chaimantami Diostaca pagui nini.

1 CORINTIOS 3:16

Cancunaca Dios causana huasi cashcata, shinallatac Diospac Espiritupish cancunapac shungupi causacushcataca, ¿manachu yachanguichic?

1 CORINTIOS 5:6

Cancunaca chai shina mana allicuna tiyashca jahuaca, mana jatun tucunachu canguichic. “Ashalla levadura tucui chaputa punguillichic” nishcataca, cancunallatac yachanguichicmi.

1 CORINTIOS 6:2

Diospaclla cac criccuna cai pachapi causaccunata taripana cashcataca, ¿manachu yachanguichic? ¿Cancuna cai pachapi causaccunata taripana cashca jahuachu, cai uchilla p'iñanacuicunataca mana allichi pudinguichic?

1 CORINTIOS 6:3

Angelcunatapish ñucanchic taripana cashcataca, ¿manachu yachanguichic? Chashna angelcunatapish taripac cashpaca, cai pachapi causaccunallataca, ¿ima nishpatac mana taripai pudinguichic?

1 CORINTIOS 6:9

Ama pandaringuichicchu. Ima millaitapish ruhuaccunaca Dios mandacucpica imata mana charina cashcataca, ¿manachu yachanguichic? Huaclliriccunapish, ruhuashcalla dioscunata adoraccunapish, cazarashca jahua shuc-huan chayariccunapish, huarmi shina canata munashpa c'aricunapura millaita ruhuaccunapish,

1 CORINTIOS 9:13

Maijanpish Diosman mañana huasipi servicca, chai huasiman apashca maijan micunatami micun. Chashnaca, chai altarpi serviccunaca Diosman cushpa huañuchishca animal aichatami micuncuna. Chaitaca cancunallatac yachanguichicmi.

1 CORINTIOS 9:24

Shuc callpanapi caccunaca tucuimi callpancuna. Shina cacpipish japina cashcataca shucllami japin. Chaitaca cancunallatac yachanguichicmi. Shina cashcamanta chai japinata cancunapish japingapacca, callpashpa mishanacuc shina alli causaichic.

2 PEDRO 2:19

Paicunallatac mana alli causaipi huatashca shina cashpapish, shuccunata huatashca shina causaimanta cacharichishun nincunami. Maijanpish paipac mapa munaicuna aticpica, chai munaipi huatashca shinami tucun.