ROMANOS 5:8 - Nuevo Testamento en Quichua Cañar 1996

⁸ Ashtahuanpish ñucanchic juchayuccuna cacpica, Cristo ñucanchicmanta huañucpimi, Taita Diosca ñucanchicta c'uyac cashcata ricuchin.

Dios Rimashcata Quillcashcami

⁸ Ashtahuanpish Diosca ñucanchic juchayuc cacpipish, Cristota ñucanchicmanta huañuchun cachashpami, cuyac cashcata ricuchin.

ROMANOS 5:8 ပူးပေါင်းရင်းမြစ်များ

SAN JUAN 15:13

Maijanpish paihuan apanacucmanta huañucmi, yallita c'uyashcataca ricuchin.

SAN JUAN 3:16

Taita Diosca cai pachapi causaccunata mai c'uyashpami, paipac shuclla Churita cai pachamanca cacharca. Pipish paita cricca ama chingarishpa huiñai causaita charichunmi, chashnaca cacharca.

ROMANOS 3:5

Cunanca gentecuna yuyashca shinami ñuca yuyaillamanta rimagrini: Ñucanchic mana allita ruhuashcacunallatac Taita Diosca cashcata ruhuac cashcata ricuchicpica, ¿imatatac nishun? ¿“Taita Dios llaquichicpica, millaimantami llaquichin” nishunchu?

ROMANOS 4:25

Apunchic Jesusca ñucanchic juchacunamantami japi tucushpa huañurca. Ñucanchic paihuan alli tucuchunmi, Taita Diosca Jesustaca huañushcacunapuramanta causachirca.

ROMANOS 5:20

Mandashcacunata Dios cucpica, juchaca ashtahuanmi mirarirca. Chashna miraricpicarin, Taita Diosca ashtahuanmi c'uyaita ricuchirca.

ROMANOS 5:6

Ñucanchic maita mana quishpiripac cacpimi, Taita Dios acllashca punzha pactacpi, Cristoca juchayuccunamanta huañurca.

ROMANOS 5:7

Cashcata ruhuacmantaca maijan huañusha nicushpapish, mana huañunmanllachu. Alli shunguyuc runamanta maijan huañusha nicushpapish, huañunmanchari.

ROMANOS 8:32

Taita Diosca paipac quiquin Churitaca tucui ñucanchicmanta llaquita apachunca, mana jarcarishpami saquircalla. Chashna saquishpaca, ¿manachu paipac Churita cushca shinallatac imatapish cunga?

ROMANOS 8:39

jahua pachapish, ucu pachapish, tucui ima tiyaccunapish, ñucanchic Apunchic Jesucristomanta ñucanchicta Taita Dios c'uyashcamantaca imapish mana anchuchingachu.

GÁLATAS 2:20

Ñucaca Jesucristohuanmi chacatashca shina cani. Chaimantami ña mana ñucalla causacuni, ashtahuanpish Cristomi ñucapica causacun. Shinallatac cunanca Diospac Churita crishcamantami causani. Paica ñucata c'uyashpami, ñucamanta huañurca.

EFESIOS 2:7

Jesucristomanta ñucanchicta mai llaquishpa, yallita c'uyashcata shamuc punzhacunapi ricuchingapacmi, chashnaca ruhuashca.

EFESIOS 5:2

Jesucristo ñucanchicta c'uyac shinallatac, cancunapish c'uyanacushpa causaichic. Paica c'uyashcamantami, Diosman cushpa rupachishca mishquiman ashnacuc shina cangapac, pai quiquinllatac japi tucushpa, ñucanchicmanta huañurca.

1 TIMOTEO 1:16

Jesucristo punzhanta llaquic cashcata ricuchunmi, yallita ñuca juchayuc cacpipish, Taita Diosca ñucata llaquirca. Chashnaca maijanpish mashna juchayuc cashpapish, Jesusta crishpaca huiñai causaita japinalla cashcata ricuchingapacmi, ñucataca acllarca.

HEBREOS 8:3

Tucui curacunata jatun mandac curacunami, Diosman imallata cushcacunata chasquishpa cungapac, animalcunata huañuchishpa Diosman cungapacpish acllashca can. Shina cashcamantami Apunchic Jesucristopish Diosmanca imallatapish cuna can.

1 PEDRO 3:18

Cristoca ñucanchic juchacunamantami, shuc cutinlla huiñai huiñaipac llaquita apashpa huañurca. Paica ñucanchicta Taita Diospacman pushangapacmi, manapish juchayuc cashpa, millaicunamanta llaquita apashpa huañurca. Paica aichallapimi huañurca. Shina cashpapish Dios causachicpimi, espiritupica huiñaita causacun.

1 JUAN 3:16

Jesucristo ñucanchicta c'uyashpa huañushcamantaca, ima shina c'uyana cashcataca yachanchicmi. Shina cashcamantami ñucanchicpish, criccunamanta huañuna cacpipish huañuna canchic.