ROMANOS 5:3 - Nuevo Testamento en Quichua Cañar 1996

³ Mana chaillamantachu cushicunchic, ashtahuanpish llaquita apashcamantapish cushicunchicmi. Chai llaquicunami mishangapac ashtahuan alli crina yuyaita cun.

Dios Rimashcata Quillcashcami

³ Mana chaillachu, ashtahuanpish llaquita apashcamantapishmi cushicunchic. Chai llaquicuna mana piñarina yuyaita cuc cashcatami yachanchic.

ROMANOS 5:3 ပူးပေါင်းရင်းမြစ်များ

SAN LUCAS 21:19

Chashna llaquichicucpipish, tucui shunguhuan c'atirashpami quishpiringuichic.

HECHOS 5:41

Ña mandaccuna cacharicpi llucshishpaca: “¡Jesús llaquita apashca shinami, paita c'aticushcamanta Taita Diosca ñucanchictapish llaquita apachun saquishca!” nishpami, Jesús acllashca huillaccunaca munai cushicushpa rircacuna.

ROMANOS 5:11

Chaillapish mana canchu, ashtahuanpish Apunchic Jesucristomanta Taita Dioshuan alli tucushcamantami Diosmanta cushicunchic.

ROMANOS 8:23

Mana paicunallachu llaquita apacun, ashtahuanpish Dios cusha nishcata japingapac ña paipac Espirituta chariccunapish llaquita apacunchicmi. Taita Dios paipac huahuacunata ricuchina punzhapi ñucanchic cuerpota huatashca shinamanta llucchictami shuyashpa, shungumanta llaquita apacunchic.

ROMANOS 9:10

Chaillapish mana canchu, ashtahuanpish ñucanchic ñaupa taita Isaacpac huarmi Rebecapish ishcai huahuatami charirca.

2 CORINTIOS 4:17

Cai causaipica ashacamanllami llaquita apacunchic. Chaica tucuringami. Ashtahuanpish chai llaquicunaca tucuimanta yalli huiñai causaiyuctami ruhuacun.

2 CORINTIOS 8:19

Alli nishcallapish paica mana canchu, ashtahuanpish paica ñucanchichuan pacta cullquita tandachishpa richun, tandanacushca criccuna acllashcapish canmi. Cai shina tandashpa apashpaca, Apunchic Jesús alli nishca cachun, shinallatac ñucanchic criccuna cuna munaita ricuchingapacmi, chashnaca ruhuacuncuna.

EFESIOS 3:13

Shina cashcamanta ñuca cancunamanta llaquita apacucpipish ama llaquirishpa, ashtahuanpish ñaupaman c'atichunmi mañani. Cancunapac allipacmi cashna llaquicunata apacuni.

FILIPENSES 1:29

Taita Dios cancunata acllashpaca, mana Cristota crichunllachu acllashca, ashtahuanpish paimanta llaquita apachunpish acllarca.

SANTIAGO 1:12

Imapish mana alli munaicuna shamucpi, chaita mishacmanca mai cushicuimi canga. Chashna mishacmi Dios paita c'uyaccunaman cusha nishca huiñai causai coronataca japinga.

1 PEDRO 3:14

Cancuna allita ruhuacushca jahua maijan llaquichicpica, cancunamanca mai cushicuimi canga. Cancunata p'iñaccunataca ama manchaichicchu, llaquillapish ama caichicchu.