ROMANOS 5:21 - Nuevo Testamento en Quichua Cañar 1996

²¹ Ima shinami juchaca cai pachaman yaicushpa tucuita huañuiman aparca, chai shinallatacmi Taita Diosca paipac c'uyaillamanta, Apunchic Jesucristomanta paihuan alli tucuchun ñucanchicman huiñai causaita cunga.

Dios Rimashcata Quillcashcami

²¹ Ima shinami juchaca cai pachaman yaicushpa tucuita huañuiman aparca, chai shinallatacmi Diosca cuyashpa, Apunchic Jesucristomanta chasquishpa, huiñai causaita cunga.

ROMANOS 5:21 ပူးပေါင်းရင်းမြစ်များ

SAN MATEO 25:46

Chashnacunaca, huiñaita jatun llaquimanmi shitashca canga. Ashtahuanpish cashcata ruhuaccunaca, huiñai causaitami japinga— nirca.

SAN JUAN 1:14

Chai Rimashca Shimillatacmi runa tucushpa, yallita c'uyashpapish, Dios ima shina cashcata ricuchishpapish ñucanchichuan causangapac shamurca. Paitaca Taita Diospac shuclla Churi cashcatapish, pai sumac cashcatapish ricurcanchicmi.

SAN JUAN 10:28

Ñucaca huiñai causaitami paicunamanca cuni. Paicunaca mana chingaringachu, shinallatac pipish ñuca maquimantaca mana quichungachu.

ROMANOS 4:13

Taita Diosca Abrahammanpish, paipac huahua huahuapuramanpish cai pachataca cusha nircami. Abrahammanca mana Moisés mandashcacunata pactachishcallamantachu cusha nirca, ashtahuanpish crishcamanta Taita Dios paihuan alli tucuchun chasquishpami cusha nirca.

ROMANOS 5:12

Shuc runa juchallishcamantami cai pachapi juchaca yaicurca. Chai juchamantami huañuica tiyan. Shinallatac tucui mashna juchallishcamantaca huañunami can.

ROMANOS 5:14

Shina cacpipish Adanpac causai punzhamanta Moisespac causai punzhacamanca, tucui juchayuccunami huañuna carca. Shinallatacmi maijanpish juchata ruhuaccunaca Adán shina Dios mandashcataca mana cazushpa juchallishpapish, mana juchallishpapish huañuna carca. Adanca chai shamuna cashca runata ricuchicllami carca.

ROMANOS 5:17

Shuc runa juchallishcallamanta tucui gentecuna huañuna cacpica, Taita Diosca c'uyashcallamanta Jesucristota cachashpa, paihuan alli tucuchun chasquishcacunacarin Cristollamantami mushuc causaita causanga.

ROMANOS 6:12

Shina cacpica, cancunapac huañunalla cuerpopi tiyac juchacuna mandashpa millaita ruhuachichunca, ama saquinguichicchu.

ROMANOS 6:14

Cancunaca mana Moisés mandashcacunata pactachishpa causana cashcapichu causacunguichic, ashtahuanpish Taita Diospac c'uyaimantami causacunguichic. Chaimanta juchaca cancunataca ña mana mandanachu can.

ROMANOS 6:16

Shuc amota servingapac yaicushpaca, cazungapacmi yaicuna. Chaitaca cancunallatac yachanguichicmi. Shina cashpaca, chai amota serviccunami canguichic. Chai shinallatacmi jucha mandashcata ruhuacushpaca, huañuiman apac juchata servic shina juchata ruhuacunguichic. Ashtahuanpish Taita Diosta cazushpaca, paihuan alli tucuchun chasquishcacunami canguichic.

ROMANOS 6:23

Juchata ruhuashpa causacushcamantaca, huañuitami japina can. Ashtahuanpish ñucanchic Apunchic Jesucristohuan shuc shinalla caccunamanca, Taita Dios mai c'uyashpa, huiñai causaitaca yangami cun.

ROMANOS 8:10

Juchata ruhuashpa causacushcamantaca, cancunapac cuerpoca huañunami can. Shina cacpipish Cristo cancunapi causacushcamantaca, Dioshuan alli tucushcamantami, paipac Espíritu cancunamanca causaita cun.

TITO 2:11

Taita Dios tucui gentecunata quishpichisha nishpa, mai c'uyac cashcata ricuchishcamantami, chashnaca yachachina cangui.

HEBREOS 4:16

Chaimanta c'uyac Dios ñucanchicta llaquichun, shinallatac ima llaquihuan cacpipish paipac jatun c'uyaimanta ayudachun, paipacman tucui shunguhuan cuchuyashpa mañashunchic.

1 PEDRO 5:10

Ashtahuanpish asha punzhacaman llaquicunata cancuna apashca q'uipaca, Diosllatacmi pi mana juchanchipacta ruhuashpa, alli sinchiyachishca shina alli c'aticta ruhuanga. Paillatacmi ñucanchictaca Jesucristohuan shuc shinalla tucushcamantaca, paipac jatun c'uyaimanta huiñaita sumacyachishca cachun acllarca.

2 PEDRO 1:1

Ñucaca Jesús acllashca huillac, shinallatac Jesucristopacta ruhuac Simón Pedromi cani. Ñucanchic Dios Quishpichic Jesucristo cashcata ruhuac cashcamanta, ñucanchic shinallatac sumaimana crishcata chasquiccunamanmi, “allillachu canguichic” nishpa quillcashpa cachani.

1 JUAN 2:25

Jesucristoca huiñai causaitami ñucanchicmanca cusha nishca.