ROMANOS 5:14 - Nuevo Testamento en Quichua Cañar 1996

¹⁴ Shina cacpipish Adanpac causai punzhamanta Moisespac causai punzhacamanca, tucui juchayuccunami huañuna carca. Shinallatacmi maijanpish juchata ruhuaccunaca Adán shina Dios mandashcataca mana cazushpa juchallishpapish, mana juchallishpapish huañuna carca. Adanca chai shamuna cashca runata ricuchicllami carca.

Dios Rimashcata Quillcashcami

¹⁴ Shina cacpipish, Adanpac causai punzhamanta Moisespac causai punzhacamanmi huañuica ña tiyarca. Adán shina Dios mandashcacunataca mana cazushpapish huañurcami. Adanca chai shamuna cashca runata ricuchicmi carca.

ROMANOS 5:14 ပူးပေါင်းရင်းမြစ်များ

ROMANOS 5:12

Shuc runa juchallishcamantami cai pachapi juchaca yaicurca. Chai juchamantami huañuica tiyan. Shinallatac tucui mashna juchallishcamantaca huañunami can.

ROMANOS 5:17

Shuc runa juchallishcallamanta tucui gentecuna huañuna cacpica, Taita Diosca c'uyashcallamanta Jesucristota cachashpa, paihuan alli tucuchun chasquishcacunacarin Cristollamantami mushuc causaita causanga.

ROMANOS 5:21

Ima shinami juchaca cai pachaman yaicushpa tucuita huañuiman aparca, chai shinallatacmi Taita Diosca paipac c'uyaillamanta, Apunchic Jesucristomanta paihuan alli tucuchun ñucanchicman huiñai causaita cunga.

ROMANOS 8:20

Tucui cai pachapi Taita Dios ruhuashcacunaca, mana paicuna munaillamantachu Taita Dioshuan cushicunamantaca ch'icanyarishpa, yangalla tucurca, ashtahuanpish Diosllatacmi punzhanta shuyachun nishpa chashnaca ruhuarca. Shina ruhuacpimi,

ROMANOS 8:22

Cai pachapi tucui ima tiyashcacunaca, shuc huarmi sajuarina nanaihuan llaquita apashpa “¡alau!” nicuc shina, cunancaman llaquita apacushcatami yachanchic.

1 CORINTIOS 15:22

Ima shinami Adanpac huahuacuna cashcamantaca tucui gentecuna huañuna can, chashnallatacmi Cristota crishcamantaca tucui paita criccuna paimanta causaita charinga.

1 CORINTIOS 15:45

Dios quillcachishcapica: “Taita Diosca punta Adantaca causaiyuctami ruhuarca” ninmi. Cutin q'uipa Adantaca causaita cuc Espirituyuctami Taita Diosca ruhuarca.

HEBREOS 9:27

Shinallatac tucui mashnami shuc cutinlla huañuna canchic. Chai q'uipami Taita Dios taripana punzhaca shamunga.