ROMANOS 4:6 - Nuevo Testamento en Quichua Cañar 1996

⁶ Mandac Davidpish Taita Diosman ima allita mana ruhuashca cacpipish, paihuan alli tucuchun chasquicpi, cushicushcataca ñami huillashca.

Dios Rimashcata Quillcashcami

⁶ Ima allita mana ruhuacpipish, Dios chasquicpi, cushicunamanta David huillashpaca:

ROMANOS 4:6 ပူးပေါင်းရင်းမြစ်များ

SAN MATEO 25:19

Tauca huatacuna q'uipa chai amo cutimushpaca, paipac serviccuna mashna cullquita mirachishcatami tapurca.

ROMANOS 1:17

Chai alli huillaimi ima shina Taita Dioshuan alli tucunata ricuchin. Chai alli huillaimi crishcallamanta Taita Dioshuan alli tucuna cashcata nin. Shinallatac Dios quillcachishcapica: “Taita Dioshuan alli tucushcacunaca crishcallamantami causanga” ninmi.

ROMANOS 3:27

Shina cacpica, shuc runaca pai ruhuashcallahuanca Taita Diospac ñaupapica, ¡maitatac jatun tucungayari! ¿Imamantatac chashnaca canga? Chashna tucunaca mana mandashcacunata pactachishcamantachu, ashtahuanpish crishcamantami chashnaca tucun.

ROMANOS 4:11

Abrahamtaca crishcallamantami Taita Diosca paihuan alli tucuchun chasquirca. Ashtahuanpish Dios chasquishcata ricuchingapacmi, q'uipata circuncisionta ruhuarca. Chashnami Abrahamca mana circuncisionta ruhuashca cashpapish, tucui criccunapac taita shina tucurca. Taita Diosca paicunatapish crishcallamantami paihuan alli tucuchun chasquirca.

ROMANOS 4:24

ashtahuanpish ñucanchicmantapish ninmi. Ñucanchic Apunchic Jesusta huañushcacunapuramanta causachic Taita Diosta crishcamantami, paihuan alli tucuchun ñucanchictapish chasquin.

ROMANOS 4:5

Shina cacpipish juchacunata perdonashpa, paihuan alli tucuchun chasquiclla Taita Diosta cricpica, paiman ima allita mana ruhuashca cacpipish, crishcallamantami paihuan alli tucuchun chasquin.

ROMANOS 4:7

Davidca: “Millaita ruhuashca cacpipish, Dios perdonashpa, juchata anchuchishcacunamanca ¡mai cushicuimi!

ROMANOS 4:9

Shina cacpica, ¿circuncisionta*f** ruhuashcacunallachu chai cushicuitaca chasquinga? Mana cashpaca, ¿circuncisionta mana ruhuashcacunapish manachu chasquinga? “Abrahamtaca crishcallamantami Taita Dios paihuan alli tucuchun chasquirca” nishpaca, ñami nishcani.

1 CORINTIOS 1:30

Ashtahuanpish Taita Diosllatacmi cancunataca Apunchic Jesucristohuan shuc shinalla cachun ruhuarca. Cristomantami Diosmanta yachashpa, paihuan alli tucushpa, Taita Diospaclla causashpa quishpiringuichic.

2 CORINTIOS 5:21

Apunchic Jesucristo mana juchayuc cacpipish, Taita Diosca ñucanchic juchacunamantami llaquita apachun curca. Shina cacpica, Jesusmantami Taita Dioshuan alli tucunchic.

GÁLATAS 3:14

Taita Abrahamman Taita Dios allicunata cusha nishcata Jesucristomanta mana israelcunapish chasquichun, shinallatac Dios cusha nishca Espirituta ñucanchic crishcamanta chasquichunmi, chashnaca tucurca.

GÁLATAS 4:15

¿Utcaman cushi cashcataca ñachu cungarircanguichic? Utcamanca ima shina ñahuita llucchishpa ñucaman cunalla cacpica, llucchishpa cunguichicmanmi carcanguichic. Cancuna chashna cashcataca ñucallatacmi alli yachani.

EFESIOS 1:3

Cristohuan shuc shinalla tucushcamantami, ñucanchicmanca paipac Espirituta cushpa, jahua pachapi tiyac tucui laya allicunata Taita Diosca curca. ¡Chaimantami ñucanchic Apunchic Jesucristopac Taita Diostaca alli nicunalla canchic!

FILIPENSES 3:9

Cristohuan causana yuyailla cashpami, mandashcacunata pactachishpalla alli ricurinataca mana munani. Ashtahuanpish Cristota crishcallamantami, Taita Diosca paihuan alli tucuchun ñucataca chasquirca.

2 TIMOTEO 1:9

Taita Diosmi paipaclla causachun nishpami, ñucanchictaca quishpichishpa c'ayarca. Mana ñucanchic ima allita ruhuashcamantachu quishpichirca, ashtahuanpish Taita Dios c'uyashcallamantami, Jesucristohuan ñucanchic shuc shinalla tucucpi quishpichirca. Cai pacha manarac tiyacpimi, ñucanchictaca Taita Diosca c'uyashpa, chashnaca ruhuasha nishca.

SANTIAGO 2:18

Ashtahuanpish maijanca: “Canca cricmi cangui, cutin ñucaca allicunata ruhuacmi cani” ningachari. Chashna nictaca: “Ima allita mana ruhuashpaca, can crishcata ricuchinguichari” ninimi. Cutin ñucaca imatapish allita ruhuashpaca, cric cashcatami ricuchisha.

2 PEDRO 1:1

Ñucaca Jesús acllashca huillac, shinallatac Jesucristopacta ruhuac Simón Pedromi cani. Ñucanchic Dios Quishpichic Jesucristo cashcata ruhuac cashcamanta, ñucanchic shinallatac sumaimana crishcata chasquiccunamanmi, “allillachu canguichic” nishpa quillcashpa cachani.