ROMANOS 4:17 - Nuevo Testamento en Quichua Cañar 1996

¹⁷ Dios quillcachishcapica: “Tauca llactacunapi causaccunapac taitami cangui” ninmi. Abraham crishca Diosllatac chashna nicpimi, chashnaca tucun. Paimi huañushcacunatapish causachic, shinallatac ima mana tiyashcacunata ruhuac Diosca can.

Dios Rimashcata Quillcashcami

¹⁷ Dios quillcachishcapica: «Tauca llactacunapac taita cachunmi churani» ninmi. Abrahamca huañushcacunatapish causachic, ima mana tiyashcacunata ruhuac Diosta crishcamantami tucuipac taita tucushca.

ROMANOS 4:17 ပူးပေါင်းရင်းမြစ်များ

SAN MATEO 3:9

‘Ñucanchicca, ñaupa taita Abrahampac huahua huahuacuna cashcamantaca quishpirishunllami’ nishpaca, ama yuyacuichicchu. Ashtahuanpish ñucaca ninimi: Taita Diosca cai rumicunatapish Abrahampac huahua huahuacunata ruhuasha nishpaca, ruhuanmanllami.

SAN JUAN 5:21

Ima shinami ñuca Taitaca huañushcacunata causachishpa causaita cun, shinallatacmi ñucapish paipac Churi cashpa, causaita maijanman cusha nishpaca cuni.

SAN JUAN 5:25

Huañushca shina causaccuna Diospac Churi rimashcata uyana pachaca, ña chayamucunmi. Chaita uyana pachaca cunanllatacmi. Chaita uyaccunaca causaita charingami. Chaica chashnatacmi can.

SAN JUAN 6:63

Diospac Espiritumi causaitaca cun. Gentecunallamantaca mana causaica tiyanchu. Tucui ñuca nishcacunaca, causaita cuc Diospac Espiritumantami.

HECHOS 15:18

Ñaupamanta pacha tucui ima tucuna cashcata huillac Mandac Diosmi, chashnaca nicuni’ ninmi.

ROMANOS 3:29

¿Taita Diosca israelcunapaclla Dioschu? ¿Manachu tucui gentecunapac Dios canga? Ari, shinami can. Taita Diosca tucuipac Diosmi can.

ROMANOS 4:18

Taita Diosca Abrahamtaca: “Cambac huahua huahuacunaca achcami tucunga” nishcami. Abrahamca maita mana huahuata charipac cashpapish, crishpa shuyacushcamantami, chai nishca shinallatac tauca llactacunapi causaccunapac taita tucurca.

ROMANOS 4:2

Taita Abraham pai imata ruhuashcamanta Taita Dios paihuan alli tucuchun chasquishca cacpica, jatun tucuipacmi carca. Shina cacpipish, Taita Diospac ñaupapica mana jatun tucuipacchu carca.

ROMANOS 8:11

Jesusta causachic Diospac Espiritullatac cancunapi causacucpica, Diosllatacmi cancunapac huañunalla cuerpotaca cancunapi causac paipac Espiritumanta causachinga.

ROMANOS 9:11

Paicuna manarac huacharicpi allita, mana allita manarac ruhuacpimi, Taita Diosca Rebecamanca: “Punta churimi q'uipa churita servic canga” nishcami. Dios quillcachishcapipish: “Jacobotami c'uyarcani, Esautaca p'iñarcanimi” ninmi. Chashnami Taita Diosca pai munashca shinata ruhuashpa, paicuna ima ruhuashcatapish mana yuyarishpa, pai acllasha nishcacunallata acllac cashcata ricuchin.

ROMANOS 9:26

Shinallatac maipimi ‘cancunaca mana ñuca huahuacunachu canguichic’ nircani, chaillapitacmi ‘cancunaca causac Diospac huahuacunami canguichic’ nisha” nishcami.

1 CORINTIOS 1:28

Chai “yachacmi canchic” niccunataca mana valichishpami, cai pachapi mana alli nishca, imapacpish mana valichishca yangalla gentecunata Taita Diosca acllashca.

1 CORINTIOS 15:45

Dios quillcachishcapica: “Taita Diosca punta Adantaca causaiyuctami ruhuarca” ninmi. Cutin q'uipa Adantaca causaita cuc Espirituyuctami Taita Diosca ruhuarca.

1 TIMOTEO 6:13

Cantaca tucui cai pachapi causaita cuc Taita Diospac ñaupapi, shinallatac mandac Pilatoman cashcata nishpa allitac huillac Jesucristopac ñaupapimi, caicunataca mandani.

HEBREOS 11:12

Shinami Abraham ña huañunalla cashpapish, mama cucha yacu patapi tiyac t'iyu shina, shinallatac jahua cielopi tiyac lucerocuna shina, mana yupaipac huahua huahuacuna paimantaca mirarirca.

HEBREOS 11:3

Taita Diosca cai pachatapish, jahua pachatapish pai rimashcallahuanmi ruhuarca. Chaitaca crishcamantami yachanchic. Cunan ricushcata imapish mana ricuricmantami ruhuashca.

HEBREOS 11:7

Crishcamantami Noepish manarac ima tucushcata ricushpa, Dios mandashcata cazushpa, paipac aillu quishpirichun huambuc huasita ruhuarca. Pai crishcamantami, cai pachapi causac millai gentecunatapish llaquiman cacharca. Pai crishcamantami, Diosca paihuan alli tucuchun chasquirca.

1 PEDRO 2:10

Cancunaca ñaupaca Diospac huahuacunallapish mana carcanguichic. Ashtahuanpish cunanca Diospac huahuacunami tucushcanguichic. Ñaupaca Dios mana llaquishcami carcanguichic. Shina cashpapish cunanca Dios llaquishcami canguichic.

2 PEDRO 3:8

C'uyashca criccuna, caitapish yuyarichic: Apunchic Jesusmanca huaranga huataca shuc punzha shinallami, shinallatac shuc punzhaca huaranga huata shinallami.