ROMANOS 4:12 - Nuevo Testamento en Quichua Cañar 1996

¹² Abrahamca circuncisionta ruhuashcacunapacpish taitami. Mana circuncisionta paicuna ruhuashcallamantachu, ashtahuanpish Abraham manarac circuncisionta ruhuashpa, pai crishpa ima shina causacushcata yuyarishpa c'aticushcamantami paicunapac taita.

Dios Rimashcata Quillcashcami

¹² Abrahamca circuncisionta ruhuashcacunapacpish taitami. Paicunaca mana circuncisionta ruhuashcallachu carca. Chaica, Abraham manarac circuncisionta ruhuashpa, crishpa causacushcata caticcunami carca.

ROMANOS 4:12 ပူးပေါင်းရင်းမြစ်များ

SAN MATEO 3:9

‘Ñucanchicca, ñaupa taita Abrahampac huahua huahuacuna cashcamantaca quishpirishunllami’ nishpaca, ama yuyacuichicchu. Ashtahuanpish ñucaca ninimi: Taita Diosca cai rumicunatapish Abrahampac huahua huahuacunata ruhuasha nishpaca, ruhuanmanllami.

ROMANOS 4:11

Abrahamtaca crishcallamantami Taita Diosca paihuan alli tucuchun chasquirca. Ashtahuanpish Dios chasquishcata ricuchingapacmi, q'uipata circuncisionta ruhuarca. Chashnami Abrahamca mana circuncisionta ruhuashca cashpapish, tucui criccunapac taita shina tucurca. Taita Diosca paicunatapish crishcallamantami paihuan alli tucuchun chasquirca.

ROMANOS 4:13

Taita Diosca Abrahammanpish, paipac huahua huahuapuramanpish cai pachataca cusha nircami. Abrahammanca mana Moisés mandashcacunata pactachishcallamantachu cusha nirca, ashtahuanpish crishcamanta Taita Dios paihuan alli tucuchun chasquishpami cusha nirca.

2 CORINTIOS 12:18

Titotami cancunata ricugrichun mañarcani. Shinallatac shuc cric huauquitapish paihuan cacharcanimi. ¿Titochari imatapish umashpa cancunamanta quichurca? Ñucanchicca, ¿manachu shuc yuyailla tucushpa, ishcaindicta chai shinallatac ruhuarcanchic?

1 PEDRO 2:21

Chai shina causachunmi Taita Diosca c'ayarca. Cristoca pai llaquita apashca shinallatac cancunapish llaquita apachunmi, cancunamanta llaquita aparca.