ROMANOS 3:3 - Nuevo Testamento en Quichua Cañar 1996

³ Shina cacpica, paicunapuramanta maijancuna mana cazushpaca, ¿imashi tucunga? Paicuna chashna mana cazushcamantaca Diosca pai nishcataca, ¿manachu pactachinga?

Dios Rimashcata Quillcashcami

³ Paicunapuramanta maijancunaca mana cazurcachu. Paicuna chashna mana cazucpica, ¿Diosca pai nishcataca, mana pactachishpa saquingallachu?

ROMANOS 3:3 ပူးပေါင်းရင်းမြစ်များ

SAN MATEO 24:35

Jahua pachapish, cai pachapish tucuringami. Chashna tucucpipish, ñuca huillashcaca pactacungallami.

SAN JUAN 1:16

Paipac sumac charishcacunamantami tucui ñucanchicca c'atinta c'atinta allicunata chasquicunchic.

ROMANOS 10:16

Shina cacpipish mana tucuichu quishpirinamanta alli huillaitaca cazurcacuna. Chaimantami Isaiasca: “Mandac Dioslla, ¿ñucanchic huillashcataca pitac crishcayari?” nin.

ROMANOS 11:29

Taita Diosca cushpapish mana quichunchu. Shinallatac pai c'ayashpapish, “mana c'ayashcanica” nishpaca mana ninchu.

ROMANOS 9:6

Ashtahuanpish israelcunaman*f** Dios cushami nishcataca mana pactachishcachu nishpaca, mana ninichu. Taita Israelpac huahua huahuacuna mana tucui mashna israelcunatac cashcamantami chashnaca nini.

2 CORINTIOS 3:18

Chaimanta tucui ñucanchicca ñaupaman ñahuita jarcacushca pañuta anchuchishca cashpami, cunanca Apunchic Jesús sumaimana cashcata espejo shina ricuchicunchic. Shinallatac punzhantami pai shinallatac sumaimana tucushpa c'aticunchic. Paipac Espiritullatacmi pai shinallatac sumaimana cachun, ashtahuan ashtahuan allita ruhuashpa c'aticun.

2 TESALONICENSES 1:3

C'uyashca criccuna, cancuna crishpa, ashtahuan sinchiyashpa c'aticushcamanta, shinallatac caishuc chaishuchuan ashtahuan c'uyanacushpa causacushcamantaca, Taita Diostaca pagui nina cacpitacmi pagui nicunchic.

2 TIMOTEO 2:13

Ñucanchic pai ima nishcacunata mana pactachicpipish, paica imatapish pactachishpa c'atinmi. Paica pai ima shina cashcataca mana yanga ninllachu” nishcami.

HEBREOS 4:2

Paicuna shinallatacmi ñucanchicpish alli huillaitaca chasquircanchic. Shina cashpapish paicunaca alli huillaita cazushpa, criccunahuan mana tandanacurcachu. Chaimantami paicuna alli huillaita chasquishcaca, paicunamanca yangalla carca.