ROMANOS 3:27 - Nuevo Testamento en Quichua Cañar 1996

²⁷ Shina cacpica, shuc runaca pai ruhuashcallahuanca Taita Diospac ñaupapica, ¡maitatac jatun tucungayari! ¿Imamantatac chashnaca canga? Chashna tucunaca mana mandashcacunata pactachishcamantachu, ashtahuanpish crishcamantami chashnaca tucun.

Dios Rimashcata Quillcashcami

²⁷ Mandashcacunata pactachishcamanta jatun tucuc runaca, ¿imatac jatun? Chaica yangallami. ¿Imatac ruhuashcamanta Diosca chasquin? ¿Mandashcacunata pactachishcamantachu chasquin? Mana, ashtahuanpish crishcallamantami chasquin.

ROMANOS 3:27 ပူးပေါင်းရင်းမြစ်များ

MARCOS 16:16

Maijanpish cai alli huillaita crishpa bautizarictaca, quishpichishcami canga. Ashtahuanpish cai alli huillaita mana crictaca, huiñaitami llaquiman cachashca canga.

SAN JUAN 3:36

Maijanpish paita cricca huiñai causaita charinmi. Maijanpish paita mana cricca mana huiñai causaita charinchu, ashtahuanpish paitaca Taita Diosca p'iñacungallami.

ROMANOS 10:5

Mandashcacunata pactachishpalla Taita Dioshuan alli tucunamanta Moisés quillcashpaca: “Maijanpish mandashcacunata pactachicca, pai pactachishcamantaca causangami” ninmi.

ROMANOS 11:6

Paicunataca Taita Diosca paipac c'uyaillamantami acllarca. Mana ima allita ruhuashcamantachu paicunata acllarca. Paicuna allita ruhuashcamanta acllashca cacpica, Taita Diospac c'uyaica yangallami canman.

ROMANOS 2:17

Israelcunapuramanta canca: “Israelmi*f** cani” nishpami, “Moisés mandashcacunallapi shunguta churashpa, Dioshuan allimi cani” nishpa puringui.

ROMANOS 2:23

Mandashcacunata charishcamanta jatun tucushpaca, ¿ima nishpatac canca chai mandashcacunata mana cazushpa, Taita Diostaca yangapi churanguiyari?

ROMANOS 3:19

Taita Dios taripana punzhapi tucui mashna imata mana nishpa upalla saquirichunmi, tucui Moisés mandashcacunaca chai mandashcacunata cazuccunaman huillacun. Chaitaca yachanchicmi.

ROMANOS 3:26

Taita Diosca cunanpish paihuan ima shina alli tucuna cashcata ricuchinmi. Chaimantami Jesusta criccunataca pai cashcata ruhuac cashca shinallatac, paicunatapish paihuan alli tucuchun chasquin.

ROMANOS 4:2

Taita Abraham pai imata ruhuashcamanta Taita Dios paihuan alli tucuchun chasquishca cacpica, jatun tucuipacmi carca. Shina cacpipish, Taita Diospac ñaupapica mana jatun tucuipacchu carca.

ROMANOS 7:21

Ñuca ima allita ruhuasha nicushpapish, ñucapi tiyac juchaca mana allicunallata ruhuachic cashcatami yachani.

ROMANOS 7:23

Shina cacpipish, ñucapi tiyac munaimi ima allita ruhuasha nicucpipish, ñuca allita ruhuana yuyaicunata jarcan. Chashna cashcamantami ñucapi tiyac munaicunaca juchapi huatashca shina charicun.

ROMANOS 7:25

Taita Diosllami ñucanchic Apunchic Jesucristomanta chai huañuimantaca anchuchinga. Chaimantami paitaca pagui nini. Ñuca yuyaihuanca Dios mandashcacunata pactachinatacmi yuyani. Shina cacpipish ñuca munaihuanca, jucha mandashcatami ruhuacuni.

ROMANOS 8:2

Jesucristohuan shuc shinalla tucushpa causaccunataca, Diospac Espíritu causaita cushpa mandacushcamantami, jucha mandashpa causanamantapish, huañuimantapish chashnaca cacharichirca.

ROMANOS 9:11

Paicuna manarac huacharicpi allita, mana allita manarac ruhuacpimi, Taita Diosca Rebecamanca: “Punta churimi q'uipa churita servic canga” nishcami. Dios quillcachishcapipish: “Jacobotami c'uyarcani, Esautaca p'iñarcanimi” ninmi. Chashnami Taita Diosca pai munashca shinata ruhuashpa, paicuna ima ruhuashcatapish mana yuyarishpa, pai acllasha nishcacunallata acllac cashcata ricuchin.

ROMANOS 9:31

Ashtahuanpish israelcunaca*f** Moisés mandashcacunata pactachishpa, Taita Dioshuan alli tucushun nicushpapish mana pudircacunachu.

ROMANOS 9:32

¿Imamantatac chashnaca carca? Paicunaca crishcallamanta Taita Dioshuan alli tucunata mana munarcacunachu, ashtahuanpish mandashcacuna nishcata pactachishpami, Taita Dioshuan alli tucunata munarcacuna. Chaimantami mitcarina rumipi mitcarircacuna.

1 CORINTIOS 4:7

Shinashpaca, ¿pitac cantaca: “Canmari chaishuccunata yalli alli cangui” ningayari? Tucui can charishcacunaca, ¿manachu Dios cushca? Cutin Dios cushcacunallahuantacca, ¿ima nishpatac can quiquinllatac charishca shina, jatun tucunguiyari?

GÁLATAS 2:16

Shina cacpipish Moisés mandashcacunata pactachishcallamantaca, Taita Diosca pitapish mana paihuan alli tucuchun chasquinchu, ashtahuanpish Jesucristota crishcallamantami paihuan alli tucuchun chasquin. Chaitaca yachanchicmi. Chaimantami ñucanchicpish mana Moisés mandashcacunata pactachishcallamanta, ashtahuanpish Jesucristota crishcallamanta Taita Dioshuan alli tucushca cangapac crishcanchic. Moisés mandashcacunata pactachishcallamantaca, Taita Diosca pitapish paihuan alli tucuchunca mana chasquinchu.

GÁLATAS 3:22

Ashtahuanpish Dios quillcachishcapi nishca shinaca, maijanpish Jesucristota crishcallamanta Dios cusha nishcata japichunmi, juchaca tucui gentecunata huatashca shina charicun.