ROMANOS 3:21 - Nuevo Testamento en Quichua Cañar 1996

²¹ Ashtahuanpish cunanca Taita Diosca mandashcacunata pactachishcallamantaca pitapish paihuan alli tucuchun mana chasquic cashpapish, ima shina paihuan alli tucuna cashcatami ricuchishca. Chaitaca Moisés mandashcacunapish, ñaupa huillaccunapish allimi huillan.

Dios Rimashcata Quillcashcami

²¹ Chaica, cunanmi Diosca mana mandashcacunata pactachishcallamanta chasquic cashcata ricuchishca. Chaitaca Moisés mandashcacunapish, ñaupa huillaccunapish allimi huillan.

ROMANOS 3:21 ပူးပေါင်းရင်းမြစ်များ

SAN LUCAS 24:44

Ña micushca q'uipami, Jesusca paicunataca: —Ñuca manarac llaquita apashpami, ima tucuna cashcataca cancunaman huillacurcani. Moisés mandashcacunapipish, Diosmanta ñaupa huillaccuna quillcashcacunapipish, Salmocunapipish ñucamanta tucui imalla nishcacuna pactachunmi, chashnaca tucurca— nirca.

SAN JUAN 1:45

Felipeca Natanaelta mashcangapac rishpa paihuan tupashpaca: —Moisés mandashcacunapi quillcashpa huillashca, shinallatac ñaupa huillaccuna quillcashcapi huillashca ñucanchic shuyacushca runahuanca ñami tuparcanchic. Paica Nazaret pueblomanta Josepac churi Jesusmi— nirca.

HECHOS 10:43

Diosmanta ñaupa huillaccunapish, tucuimi Jesusmanta huillashpaca: ‘Paita criccunallatami juchata ruhuashcamanta perdonanga’ nishpami huillarcacuna— nirca.

HECHOS 15:11

Ashtahuanpish Apunchic Jesús c'uyashcallamantami, ñucanchicpish paicuna shinallatac quishpichishca canchic— nirca.

HECHOS 26:22

Chashna nicucpipish, Taita Dios ñucata huacaichicpimi uchillacunamanpish, jatuncunamanpish cunancaman huillacuni. Ñaupa huillaccunapish, shinallatac Moisespish q'uipaman ima tucuna cashcata huillashcallatami ñucapish huillacuni.

HECHOS 28:23

Chashna nishpaca, shuc punzha Pablo ima nishcata uyangapacmi yuyarinacurcacuna. Ña chai punzha chayamucpica, achcacunami Pablo imallata nicta uyangapacca, pai causacuc huasiman tandanacumurcacuna. Taita Dios mandacucmanta huillashpa Jesusta crichunmi, Moisés mandashcacunapi imalla nishcacunatapish, ñaupa huillaccunaman Taita Dios quillcachishcatapish tutamantamanta chishicaman huillarca.

ROMANOS 1:17

Chai alli huillaimi ima shina Taita Dioshuan alli tucunata ricuchin. Chai alli huillaimi crishcallamanta Taita Dioshuan alli tucuna cashcata nin. Shinallatac Dios quillcachishcapica: “Taita Dioshuan alli tucushcacunaca crishcallamantami causanga” ninmi.

ROMANOS 1:2

Cai alli huillaitaca ñaupamanmi, Taita Diosca cushami nishpa paimanta huillaccunaman quillcachishpa huillachishca.

ROMANOS 16:26

Huiñaita causacuc Taita Dios mandashca shinami, cunanca chai pacashcataca ñaupa huillaccuna quillcashca shina ricuchin. Cai pacashcataca tucui cai pachapi causaccuna crishpa cazuchunmi ricuchishca.

ROMANOS 3:28

Tucui caicunamanta yuyarishpaca, Taita Diosca mana mandashcacunata pactachishcamanta, ashtahuanpish Jesusta crishcamanta gentecunataca paihuan alli tucuchun chasquic cashcatami yachanchic.

ROMANOS 5:19

Shuc runa mana cazushcamantami, tucui gentecuna juchayuc tucurca. Chai shinallatacmi shuc runa cazushcamantaca, tucui gentecunata Taita Diosca paihuan alli tucuchun chasquinga.

ROMANOS 5:21

Ima shinami juchaca cai pachaman yaicushpa tucuita huañuiman aparca, chai shinallatacmi Taita Diosca paipac c'uyaillamanta, Apunchic Jesucristomanta paihuan alli tucuchun ñucanchicman huiñai causaita cunga.

ROMANOS 9:30

Shina cacpica, ¿imatatac nishun? Taita Dioshuan alli canata mana yuyaricpipish, Diosmi mana israelcunata*f** paita crishpalla paihuan alli tucuchun chasquirca.

1 CORINTIOS 1:30

Ashtahuanpish Taita Diosllatacmi cancunataca Apunchic Jesucristohuan shuc shinalla cachun ruhuarca. Cristomantami Diosmanta yachashpa, paihuan alli tucushpa, Taita Diospaclla causashpa quishpiringuichic.

2 CORINTIOS 3:9

Chingarina cashcata ricuchic mandashcacuna sumaimana cacpica, ¡“Taita Dioshuan ña alli tucushcami cangui” nishpa huillashcacarin, chaita yallimi mai sumaimana canga!

2 CORINTIOS 5:21

Apunchic Jesucristo mana juchayuc cacpipish, Taita Diosca ñucanchic juchacunamantami llaquita apachun curca. Shina cacpica, Jesusmantami Taita Dioshuan alli tucunchic.

GÁLATAS 3:8

Taita Diosca mana israelcuna*f** cacpipish cricpica, paihuan alli tucuchun chasquishami nishcamantami, Dios quillcachishcapica Abrahamman cai alli huillaita huillashpaca: “Canmantami tucui cai pachapi causaccunaman allicunata cusha” nishca.

GÁLATAS 5:5

Shina cacpipish ñucanchic crishcallamanta, shinallatac Diospac Espíritu imatapish ruhuaclla cashcamantaca, Taita Dioshuan alli tucuna yuyaillami canchic.

FILIPENSES 3:9

Cristohuan causana yuyailla cashpami, mandashcacunata pactachishpalla alli ricurinataca mana munani. Ashtahuanpish Cristota crishcallamantami, Taita Diosca paihuan alli tucuchun ñucataca chasquirca.

1 PEDRO 1:10

Diosmanta ñaupa huillaccunaca allita tapushpa yachashpami, cancunata Dios c'uyashpalla, quishpichina cashcataca huillarca.

2 PEDRO 1:1

Ñucaca Jesús acllashca huillac, shinallatac Jesucristopacta ruhuac Simón Pedromi cani. Ñucanchic Dios Quishpichic Jesucristo cashcata ruhuac cashcamanta, ñucanchic shinallatac sumaimana crishcata chasquiccunamanmi, “allillachu canguichic” nishpa quillcashpa cachani.