ROMANOS 3:2 - Nuevo Testamento en Quichua Cañar 1996

² Tucui chaicunaca imapacpish allimi can. Chaita ricuchingapacmi, puntaca Taita Diosca israelcunaman pai rimashca shimitaca cushca.

Dios Rimashcata Quillcashcami

² Chaicunaca imapacpish valinmi. Chaica, Diosca puntaca israelcunamanmi pai rimashcacunataca cushca.

ROMANOS 3:2 ပူးပေါင်းရင်းမြစ်များ

SAN JUAN 5:39

Shina cashpapish huiñai causaita japisha nishpami, Dios quillcachishcataca allita ricushpa yachacunguichic. Chai quillcashcacunaca ñucamantami huillan.

HECHOS 7:38

Chai Moisesllatacmi shitashca pambapi ñucanchic ñaupa taitacunapura tandanacushcapipish carca. Paillatacmi Sinaí urcupi ángel rimashcatapish, ñucanchic ñaupa taitacunaman huillangapac apamurca. Chai rimashcacunaca causaita cuc rimaicunami.

ROMANOS 1:2

Cai alli huillaitaca ñaupamanmi, Taita Diosca cushami nishpa paimanta huillaccunaman quillcachishpa huillachishca.

ROMANOS 2:18

Taita Diospac munaitapish, shinallatac pai mandashcacuna ima allita acllana cashcata yachachicushcatapish yachanguimi.

ROMANOS 3:1

Shina cacpica israel canaca, shinallatac circuncisionta ruhuashca canaca, ¿imapactac alli cangayari?

ROMANOS 3:3

Shina cacpica, paicunapuramanta maijancuna mana cazushpaca, ¿imashi tucunga? Paicuna chashna mana cazushcamantaca Diosca pai nishcataca, ¿manachu pactachinga?

ROMANOS 9:4

Paicunaca taita Israelpac*f** huahua huahuami cancuna. Shina cashcamantami Diosca paipac huahuacuna cachun acllarca. Taita Diosca paipac sumaimana cashcatapish paicunamanca ricuchircami. Paicunaca Moisés mandashcacunatapish, Dios c'uyashpa paicunaman ari nishcacunatapish, Dios cusha nishcacunatapish charinmi. Shinallatac ima shina Diosman mañanatapish yachancunami.

1 CORINTIOS 9:17

Ñuca munaillamanta huillashpaca, japina cashcataca japimanmi, ashtahuanpish “huillanami cangui” nishpa, mandashcallamanta ruhuacushpaca, Dios mingashcallatami ruhuacuni.

2 CORINTIOS 5:19

Chashnaca Taita Dios gentecunapac juchata mana yuyarishpami, Jesucristomanta tucui cai pachapi causaccuna paihuan alli tucuchun chasquicun. Dioshuan alli tucunata huillaccuna cachunmi, ñucanchicman mingarca.

GÁLATAS 2:7

Mushuc yachanacunata cunapac randica, Taita Dios Pedrota israelcunaman huillachun cachashca shina, ñucatapish mana israelcunaman quishpirinamanta alli huillaita huillachun cachashcatami yachac chayarcacuna.

1 TIMOTEO 6:20

Timoteo, tucui canman mingashcacunataca allita huacaichingui nishpami mandani. “Caicunaca alli yachanami” nishpa, p'iñanacuipi churac yanga yachanacunataca pacta uyanguiman.

HEBREOS 5:12

Cancunaca cai tucui huatacunapica, ña yachachiccunami cana carcanguichic. Shina cashpapish cutin callarishpa, Diosmanta yachachinacunami tucushcanguichic. Cancunaca sinchi micuita micuc shina sinchiyanapac randica, huahuacuna lechellata micuc shinami huahuayashcanguichic.

1 PEDRO 4:11

Maijan imata huillashpapish, Dios nishca shina huillachun. Maijan shuccunaman ima allita ruhuashpapish, Dios imatapish ruhuaclla cashcahuan ruhuachun. Tucui imata ruhuashpapish, Apunchic Jesucristomanta Taita Dios alli nishca cachun ruhuaichic. Paica huiñaita sumaimanami, imatapish ruhuaipacllami. Chashna cachun.

APOCALIPSIS 19:10

Shina nicpimi angelta alli ningapac paipac ñaupapi cungurircani. Chashna cunguricpica: —Ama chashna ruhuaichu. Ñucapish can shina Jesús huillashcata mana cungashpa c'atic, caishuc criccuna shinallatac Diospacta ruhuacmi cani. Taita Diostami alli nina cangui— nirca. Diosmanta huillaccunamanca Jesús huillashcacunami huillana yuyaita cun.

APOCALIPSIS 22:6

Chai q'uipaca chai angelca: —Cai ñuca rimashcacuna chashnatac cashcamanta shunguta churanallami. Diosmanta huillaccunaman yuyaita cuc Mandac Diosllatacmi, angelta ñalla ima tucuna cashcata paipacta ruhuaccunaman ricuchichun cacharca— nirca.