ROMANOS 3:19 - Nuevo Testamento en Quichua Cañar 1996

¹⁹ Taita Dios taripana punzhapi tucui mashna imata mana nishpa upalla saquirichunmi, tucui Moisés mandashcacunaca chai mandashcacunata cazuccunaman huillacun. Chaitaca yachanchicmi.

Dios Rimashcata Quillcashcami

¹⁹ Dios taripana punzhapi tucui mashna imata mana nishpa upalla saquirichunmi, tucui Moisés mandashcacunaca chai mandashcacunata chasquiccunaman huillacun. Chaitaca yachanchicmi.

ROMANOS 3:19 ပူးပေါင်းရင်းမြစ်များ

SAN JUAN 15:25

Caica paicunaman mandashcapi quillcashca pactachunmi, chashnaca tucurca. Chaipica: ‘Manapish juchayuc cacpi, ñucataca p'iñarcacuna’ ninmi.

SAN JUAN 8:9

Chaita uyashpaca, shucllancaman shucllancamanmi, yuyaccunamanta pacha callarishpa llucshishpa rircacunalla. Shina chai huarmita apamuc runacuna tucui ricpica, huarmillami Jesushuanca saquirirca.

ROMANOS 1:20

Diostaca pipish mana ricushcachu. Shina cacpipish pai ruhuashcacunata ricushpa yuyarishpami, paitaca ricsi pudincuna. Cai pachata Taita Dios ruhuashcamanta pachami, paica Dios cashcata shinallatac imatapish ruhuac cashcata ricunalla. Chaimanta chai mana allita ruhuaccunaca: “Mana ricsishcanichu” ninata mana ni pudincuna.

ROMANOS 3:2

Tucui chaicunaca imapacpish allimi can. Chaita ricuchingapacmi, puntaca Taita Diosca israelcunaman pai rimashca shimitaca cushca.

ROMANOS 3:23

Taita Dios quishpichisha nicucpipish, tucui mashna juchayuc cashcamantami paimanta caruyashpa causacushcanchic.

ROMANOS 3:4

¡Chaica mana chashnachu! Tucui gentecuna llullac cacpipish, Taita Diosca ima nishcata pactachic cashcamantaca pactachingami. Dios quillcachishcapica: “Can imata nishcapish allillatacmi canga. Canman imata tapucpipish, mana juchanchishcachu llucshingui” ninmi.

ROMANOS 3:9

Shina cacpica, ¿“ñucanchic israelcunaca*f** shuccunata atishpami allicuna canchic” nishunchu? ¡Chaica mana chashnachu! Israelcuna cashpapish, mana israelcuna*f** cashpapish, tucui mashna juchapi huatashca shina cashcataca ñami ricuchircani.

1 CORINTIOS 1:29

Shina cashcamantami Taita Diospac ñaupapica pipish mana jatun tucunga.

GÁLATAS 3:10

Dios quillcachishcapica: “Mandashcacunata mana tucui allita pactachictaca, llaquichingapac ch'icanyachishcami canga” ninmi. Chaimantami maijanpish Moisés mandashcacunata pactachishpalla Taita Dioshuan alli tucusha nictaca, llaquichingapac ch'icanyachishca canga.

GÁLATAS 4:21

“Moisés mandashcacunata cazushpa causanaca allimi” niccunamanca caitami nisha nini: ¿Manachu cancunaca Moisés mandashcacuna imata nicushcataca yachanguichic?

GÁLATAS 4:5

Paica Moisés mandashcacunata ñucanchic pactachishpa huatashca shina causacushcamanta cacharichishpa, Taita Diospac huahuacuna tucuchunmi shamurca.

GÁLATAS 5:18

Shina cacpipish Diospac Espíritu cancunata pushacucpica, ña mana Moisespac mandashcacunaca mandacunchu.