ROMANOS 2:8 - Nuevo Testamento en Quichua Cañar 1996

⁸ Shina cacpica, maijanpish quiquin munashcata ruhuashpa, cashcata nic huillashcata mana cazushpa, mana allita ruhuaccunataca paipac p'iñaihuan Taita Diosca llaquichingami.

Dios Rimashcata Quillcashcami

⁸ Ashtahuanpish Diosca maijanpish quiquin munashcata ruhuashpa causanata munashpa, cashcata nic huillashcata piñaccunataca yallita piñarishpa llaquichingami.

ROMANOS 2:8 ပူးပေါင်းရင်းမြစ်များ

ROMANOS 1:18

Taita Diosca jahua pachamantami tucui millai mana allita ruhuaccunataca llaquichishpa, pai p'iñarishcata ricuchin. Chai gentecunaca mana allita ruhuashpa causashpami, cashcata nic huillanataca jarcancuna.

ROMANOS 10:16

Shina cacpipish mana tucuichu quishpirinamanta alli huillaitaca cazurcacuna. Chaimantami Isaiasca: “Mandac Dioslla, ¿ñucanchic huillashcataca pitac crishcayari?” nin.

ROMANOS 15:18

Mana israelcuna Diosman cutirishpa paita cazuchun, Cristo ñucata huillachishcallatami huillasha nini. Rimashpapish, ruhuashpapish,

ROMANOS 6:17

Cancunaca utcapi jucha mandashca causacushpapish, cunanca Diosmanta ima shina yachacushcacunata tucui shunguhuanmi cazushcanguichic. Chaimantami Diostaca pagui nini.

ROMANOS 9:22

Chai shinami Taita Diosca pai p'iñarishpa llaquichiclla, shinallatac imatapish ruhuaclla cashcata ricuchingapac, maijanta p'iñashpa tucuchina cacpipish, mana llaquichishpa shuyacurcalla.

1 CORINTIOS 11:16

Tucui caicunamanta maijanpish mana uyasha nishpa rimasha nicca, caita entendichun: Ñucanchicpish, Diospaclla cac tandanacushca criccunapish, chashna shuctac layaman causana tiyashcataca mana yachanchicchu.

2 CORINTIOS 12:20

Ñuca ricungapac rishpaca, cancuna mana ñuca munashca shina tupana cashcata, shinallatac ñucapish mana cancuna munashca shina chayana cashcatami manchani. Cancuna ch'icanyarinacushpa, shuccuna ama charichun nishpa munanacushpa, p'iñanacushpa, quiquinlla alli canata munanacushpa, huashalla parlanacushpa, c'aminacushpa, jatun tucushpa shinallatac maipish cachun causashpa puricuctami manchani.

GÁLATAS 5:20

ruhuashcalla dioscunata adoraccunami, brujiaccunami, pitapish mana allichu nishpa p'iñaccunami, p'iñanacuccunallami, shuccuna shina casha niccunami, imamantapish jahualla p'iñariccunami, p'iñanacuipi churaccunami, gentecunata ch'icanyachiccunami, “ñucanchicllami alli canchic” niccunami,

FILIPENSES 1:17

Ashtahuanpish mana alli shungumanta huillaccunaca, paicuna alli cashcata ricuchingapacllami nic tucushpalla huillancuna. Chashna huillashpaca, ñuca carcelpi cacpipish ashtahuan llaquichishun nincunami.

FILIPENSES 2:3

Shuccunata llaquichingaraiculla ama yachac tucuichicchu, ashtahuanpish quiquinca mana yachac cashca shinalla, shuccunata ashtahuan allipi churaichic.

2 TESALONICENSES 1:8

Ñucanchic Apunchic Jesusmanta alli huillaita maijanpish mana cazuccunata, shinallatac Diosta mana ricsinata munaccunata llaquichingapacca, nina culun nicuc chaupitami shamunga.

TITO 3:9

Shina cacpipish imapish yanga parlocunamanta, mana yupaipac ñaupa taitacunapac shuticunamanta, Moisés mandashcacunata pactachinami nishpa p'iñanacunamanta, shinallatac ima shuctac p'iñanacunamantapish huacaichiringui. Chaicunaca imapish mana alli cashpami yangalla can.

HEBREOS 10:27

Ashtahuanpish chashna ruhuaccunamanca manchanayai taripana punzha, shinallatac rupachishpa chingachic ninallami shuyacun. Chai ninaca Diosta mana cazuccunatami tucuchinga.

HEBREOS 11:8

Crishcamantami Abrahamca Dios c'ayacpica, paita cazushpa Taita Dios cushami nishca llactaman ringapac, maiman ricushcata mana yachashpapish llucshircalla.

HEBREOS 5:9

Chai shina llaquita apashpa, Taita Dios ima nishcata tucui pactachishpami, maijanpish paita cazuccunapacca huiñaita Quishpichic tucurca.

SANTIAGO 3:14

Shina cashpapish shuccuna ama charichun nishpa shungupi p'iñanacushpaca, “yachacmi cani” nishpaca, mana jatun tucunachu canguichic. Chashna ruhuashpaca, cashcata nic huillashcata mana cazunguichicchu.

SANTIAGO 3:16

Chai shina shuccuna ama charichun munashpa p'iñashpaca, mana shuc yuyailla tucushpami, imatapish mana allicunata ruhuashpalla causan.

1 PEDRO 3:1

Shinallatac huarmicuna, cancunapac quiquin cusacunata alli cazuichic. Chashna cazucpimi, mana cric cusapish Dios rimashca shimita mana uyasha nicushpapish,

1 PEDRO 4:17

Taita Dios taripana punzhaca ñami chayamucun. Chaipica paipac huahuacunataracmi Taita Diosca taripanga. Chashna ñucanchictarac taripai callaricpica, Diosmanta alli huillaita mana cazuccunacarin, ¿imachari tucunga?

APOCALIPSIS 14:10

Taita Diosmanta shamuc jatun llaquitami vinota ubiac shina chasquinga. Chaitaca vasopi t'allishpa chasquic shinami, Diospac p'iñaitaca chasquinga. Chaicunaca Pactalla Ovejapac ñaupapi, shinallatac Diospaclla cac angelcunapac ñaupapimi ninahuanpish, azufrehuanpish llaquichishca canga.

APOCALIPSIS 16:19

Chashna tucucpica, jatun Babilonia puebloca quimsapimi chaupirirca. Shinallatac cai pachapi tiyac tucui pueblocunapish t'uñirircami. Chai jatun Babilonia pueblotaca jayac vinota ubiachic shina p'iñaihuan llaquichingapacmi, Taita Diosca yuyarirca.