ROMANOS 2:19 - Nuevo Testamento en Quichua Cañar 1996

¹⁹ Canca: “Ñahui mana ricuccunata pushangapacpish, amsapi puriccunata achicman apangapacpish allimi cani” nicunguimi.

Dios Rimashcata Quillcashcami

¹⁹ Canca ñahui mana ricuccunata pushacpish, amsapi puriccunata achicman apacpish,

ROMANOS 2:19 ပူးပေါင်းရင်းမြစ်များ

SAN MATEO 15:14

Ñahui mana ricuc shina pushac fariseocunataca saquichiclla. Paicunaca chashna pushaccuna cashcamantami, caishuc ñahui mana ricuccunata pushashpaca, ishcaitac jutcupi urmangacuna— nirca.

SAN MATEO 4:16

Amsapi shina causac cancunamanca, shuc jatun luzmi ricurishca. Amsapi ña huañunalla shina causaccunatami, chai luzca achicyachishca” nishcami.

SAN MATEO 5:14

Cancunaca cai pachapi causaccunapacca, luz shinami canguichic. Urcu jahuapi huasichishca huasicunaca, mana pacalla canchu.

SAN MATEO 6:23

Ashtahuanpish cambac ñahui mana alli cacpica, tucui cambac cuerpomi amsapi canga. Chashna cashcamanta cambac cuerpopi achicyachic luz amsayacpicarin, ¡amsaca ima mundo amsachari canga!

MARCOS 10:15

Maijanpish shuc huahua chasquic shina, Taita Dios Mandac cachun mana chasquicca, Taita Dios mandacucmanca mana yaicungachu. Chaica chashnatacmi canga— nirca.

SAN LUCAS 1:79

Huañuna manchaihuan amsapi causaccunata achicyachingami. Ñucanchictaca sumac causai ñanta pushangami” nirca.

SAN JUAN 9:34

Shina nicpi paicunaca: —Canca juchasapami huacharishcangui. ¿Chashna cashca jahuachu ñucanchicta juchanchisha ningui?— nircacuna. Chashna nishpami, paitaca paicunapac tandanacuimanta llucchishpa cacharcacuna.

HECHOS 26:18

Canmi paicuna amsapi shina causacuccunataca, ñahuita pascac shina alli yuyaita cungui. Chashna ruhuacpimi, Satanás*f** mandacushcamanta anchurishpa, Taita Dios mandashca causangacuna. Ñucata cricpimi, Taita Dios paicunapac juchacunata perdonanga. Shinallatac Taita Dios paipaclla cachun acllashcacunaman cusha nishcatapish chasquingacunami’ nircami.

ROMANOS 2:18

Taita Diospac munaitapish, shinallatac pai mandashcacuna ima allita acllana cashcata yachachicushcatapish yachanguimi.

ROMANOS 2:20

“Mana imata yachaccunata yachachingapac, huahua shinacunata alli pushangapacca allimi cani” nicunguimi. “Chashnaca mandashcacunami cashcata huillashpa, tucui ima ruhuana cashcata yachachicun” nishpami yuyangui.

1 CORINTIOS 3:18

Maijanpish “ñucaca allimi cani” nishpaca, ama pandaringuichicchu. Cancunapuramanta maijanpish cai pacha gentecuna yuyashca shina “mai yachacmi cani” nishpa yuyacushpaca, imata mana yachac shinami tucuna canguichic. Chai shina tucushpami, mai yachaccunatac tucunguichic.

1 CORINTIOS 4:10

Ñucanchicca Cristota c'aticushcamantaca imata mana yachac, upacuna shina cashcatami yachanchic. Cutin cancunaca Cristomanta yachaccuna cashcatami yuyanguichic. Ñucanchicca imatapish mana ruhuaipaccuna cashcatami yachanchic. Cancunaca imatapish ruhuaipaccunalla cashcatami yuyanguichic. Ñucanchictaca mana ricunachishpa, p'iñaccuna cashcatami yachanchic. Cutin cancunaca: “Ñucanchictaca tucuimi alli nincuna” nishpami yuyanguichic.

FILIPENSES 2:15

Chashna ruhuashpami, cai pacha mana cric millai gentecunapac chaupipica, Diospac huahuacuna cashcamanta mana pi juchanchishca, allita ruhuac, achicyachic lucerocuna shina canguichic.