ROMANOS 2:17 - Nuevo Testamento en Quichua Cañar 1996

¹⁷ Israelcunapuramanta canca: “Israelmi*f** cani” nishpami, “Moisés mandashcacunallapi shunguta churashpa, Dioshuan allimi cani” nishpa puringui.

Dios Rimashcata Quillcashcami

¹⁷ Canca: “Israelmi cani, Moisés mandashcacunatapish charinmi, Dios-huanpish allimi cani” nishpami jatun tucungui.

ROMANOS 2:17 ပူးပေါင်းရင်းမြစ်များ

SAN MATEO 3:9

‘Ñucanchicca, ñaupa taita Abrahampac huahua huahuacuna cashcamantaca quishpirishunllami’ nishpaca, ama yuyacuichicchu. Ashtahuanpish ñucaca ninimi: Taita Diosca cai rumicunatapish Abrahampac huahua huahuacunata ruhuasha nishpaca, ruhuanmanllami.

SAN LUCAS 10:28

Shina nicpi Jesusca chai runataca: —Allitami ningui. Chashna caicunata pactachishpaca, huiñai causaita charinguimi— nirca.

SAN JUAN 5:39

Shina cashpapish huiñai causaita japisha nishpami, Dios quillcachishcataca allita ricushpa yachacunguichic. Chai quillcashcacunaca ñucamantami huillan.

SAN JUAN 5:45

Ñucallatac ñuca Taitapac ñaupapi juchanchina cashcataca ama yuyanguichicchu. Cancunata ‘ñaupa taita Moisés alli ningallami’ nishpa shuyacucpipish, Moisesllatacmi cancuna mana allita ruhuashcataca juchanchinga.

SAN JUAN 7:19

Moisesmi cancunamanca mandashcacunataca curca. Shina cacpipish cancunapurapica shucllapish mana cazunguichicchu. ¿Ima nishpatac ñucataca huañuchishun ninguichic?— nirca.

SAN JUAN 8:33

Shina nicpi paicunaca: —Ñucanchicca ñaupa taita Abrahampac huahua huahuacunami canchic. Jaicapi pipac huatashca mana canchicchu. ¿Ima nishpatac canca cacharichingami ninguiyari?— nircacuna.

SAN JUAN 8:41

Cancunaca cancunapac taita ruhuac shinallatacmi ruhuanguichic— nirca. Shina nicpi paicunaca: —Ñucanchicca mana huainapac huahuacunachu canchic, ashtahuanpish shuc taitallatami charinchic. Chaica Taita Diosmi— nircacuna.

ROMANOS 2:23

Mandashcacunata charishcamanta jatun tucushpaca, ¿ima nishpatac canca chai mandashcacunata mana cazushpa, Taita Diostaca yangapi churanguiyari?

ROMANOS 3:27

Shina cacpica, shuc runaca pai ruhuashcallahuanca Taita Diospac ñaupapica, ¡maitatac jatun tucungayari! ¿Imamantatac chashnaca canga? Chashna tucunaca mana mandashcacunata pactachishcamantachu, ashtahuanpish crishcamantami chashnaca tucun.

ROMANOS 9:32

¿Imamantatac chashnaca carca? Paicunaca crishcallamanta Taita Dioshuan alli tucunata mana munarcacunachu, ashtahuanpish mandashcacuna nishcata pactachishpami, Taita Dioshuan alli tucunata munarcacuna. Chaimantami mitcarina rumipi mitcarircacuna.

2 CORINTIOS 11:22

Paicunaca “hebreocunami*f** canchic” ninchari, ñucapish chaillatacmi cani. Paicunaca “israelcunami*f** canchic” ninchari, ñucapish chaillatacmi cani. Paicunaca “Abrahampac huahua huahuacunami canchic” ninchari, ñucapish chaillatacmi cani.

GÁLATAS 2:15

Ñucanchicca huacharishcamanta pachami israelcuna*f** canchic. Mana israelcuna*f** shina juchayucmi nishcaca mana canchicchu.

EFESIOS 2:11

Cancuna mana israelcunataca*f** mana circuncisionta*f** ruhuashcamantami, israelcunaca ñaupaca “mana circuncisionta ruhuashcacuna” nishpa c'ayaccuna cashcata yuyarichic. Chai israelcunaca “circuncisionta ruhuaccunami canchic” nishpami, gentecuna yuyashca shinallatac ruhuancuna.

APOCALIPSIS 2:9

Cancuna ima shina llaquicunata apacushcatapish, cancuna huaccha cashcatapish yachanimi. Shina cashpapish cancunaca chayuccunami canguichic. ‘Israelcunami*f** canchic’ niccuna cancunata mana alli nishpa, rimac cashcatapish yachanimi. Chaicunaca mana israeltacchu, ashtahuanpish Satanaspacta*f** ruhuangapac tandanacuccunami.

APOCALIPSIS 3:1

Sardis pueblopi cac tandanacushca criccunata ricuc angelmanpish cashna nishpa quillcai: Diospac canchis Espirituta shinallatac canchis lucerota charicucca, cashnami nini: Ñucaca cancuna imata ruhuacushcatapish, shinallatac ‘causacunmi’ nishca cashpapish huañushca shina cashcatami yachani.

APOCALIPSIS 3:9

Ñucaca Satanaspac*f** tandanacuimantami maijan manapish israelcuna*f** cashpa, ‘israelcunami canchic’ nishpa llullaccunataca cancunapac ñaupapi cungurichisha. Chashna ruhuacpimi ñuca cancunata c'uyashcataca yachangacuna.