ROMANOS 2:11 - Nuevo Testamento en Quichua Cañar 1996

¹¹ Taita Diosca pimanpish mana tucushpami, imata ruhuashcata ricushpa taripan.

Dios Rimashcata Quillcashcami

¹¹ Diosca pimanpish mana tucushpami cunga.

ROMANOS 2:11 ပူးပေါင်းရင်းမြစ်များ

SAN MATEO 22:16

Chashna yuyarishpami, paicunapac yachacuccunapuramanta, shinallatac mandac Herodespac runacunapuramanta tapuchun cacharcacuna. Shina cachacpi tapuccuna rishpaca: —Yachachiclla. Canca imapish cashcallatami yachachingui, shinallatac Taita Dios munashca shina causachunpish, allimi yachachingui. Canca pitapish mana manchashpa, mana piman tucushpa yachachic cashcatami yachanchic.

SAN LUCAS 20:21

Paicuna Jesuspacman chayamushpaca: —Yachachic, canca mana ñahuita ricushpalla, imatapish allita yachachicmi cangui. Shinallatac gentecuna Taita Dios munashca shina causachunca, mana llullashpami yachachicungui.

HECHOS 10:34

Chaimantami Pedro huillai callarishpaca: —Pi cashpapish Taita Diospac ñaupapica: ‘Caica allimi, chaica mana allichu’ ninaca mana alli cashcataca, cunanmi alli yachani.

ROMANOS 9:14

Chashna cacpica, ¿Taita Diosca mana allitami ruhuashca nishunchu? ¡Mana chashnachu!

GÁLATAS 2:6

Chai pushaccunaca alli nishca cashpapish, ima mushuc yachanacunataca mana yachachircacunachu. Taita Diosca mana ima shina cashcata ricushpallachu chasquin. Chaimantami paicuna utcaman c'atic cashcapish ñucamanca ima mana can.

EFESIOS 6:9

Shinallatac amocunapish, cancunata serviccunahuanca alli caichic. Ama macasha nishpa manchachichicchu. Amocunapish, amopacta ruhuaccunapish jahua pacha Taita Dios mandashca causacushcataca yachanami canguichic. Paica pitapish “caica allimi, chaica mana allichu” mana ninchu.

COLOSENSES 3:25

Maijanpish mana allita ruhuacca, pai mana allita ruhuashcamantaca mana allillatatacmi japinga. Taita Diosca pimanpish mana tucushpami taripanga.

1 PEDRO 1:17

Cancunaca pimanpish mana tucushpa, imata ruhuashcata ricushpa taripac Diosta “Taita” nishpaca, tucui causaipimi cai pachapi causashcacamanca, paita manchashpa, cumurishpa causana canguichic.