ROMANOS 16:7 - Nuevo Testamento en Quichua Cañar 1996

⁷ Ñuca llactamanta cac Andronicotapish, Juniastapish “allilla cashca cachun” nichic. Paicunami ñucahuan carcelpi huichcashca carcacuna. Jesús acllashca huillaccunapuramantapish alli nishcacunami can. Paicunaca ñucapac ñaupa criccunami.

Dios Rimashcata Quillcashcami

⁷ Ñuca llacta Andronicotapish, Junias huarmitapish saludanguichic. Paicunami ñucahuan carcelpi carcacuna. Paicunaca Apostolcunapurapi alli nishcacunami, ñucapac ñaupa criccunami.

ROMANOS 16:7 ပူးပေါင်းရင်းမြစ်များ

SAN JUAN 14:20

Chai punzhami ñuca Taitahuan shuclla cashcata, shinallatac cancunaca ñucahuan, ñucaca cancunahuan shuclla cashcata yachanguichic.

SAN JUAN 15:2

Ñucapi cac ramacuna mana p'ucucpica, tucui p'itishpami shitanga. Cutin alli p'ucuctaca ashtahuan alli p'ucuchunmi, mana allicunata anchuchishpa saquinga.

SAN JUAN 6:56

Maijanpish ñuca aichata micucca ñuca yahuarta ubiacca, shuc shinallami ñucahuanca causan. Shinallatac ñucapish shuc shinallami paihuanca causani.

ROMANOS 16:10

Shinallatac Cristota crishcamanta llaquita apac Apelestapish “allilla cashca cachun” nichic. Aristobulotapish paipac familiacunandic “allilla cashca cachun” nichic.

ROMANOS 16:11

Ñuca llactamanta cac Herodiontapish, Apunchic Jesusta cric Narcisotapish paipac familiacunandic “allilla cashca cachun” nichic.

ROMANOS 16:21

Ñucahuan Diospacta ruhuac Timoteopish “allilla cashca cachun” nishpami cachan. Ñuca llactamanta cac Luciopish, Jasonpish, Sosipaterpish “allilla cashca cachun” nishpami cachancuna.

ROMANOS 16:3

Ñucahuan Apunchic Jesuspacta ruhuaccunataca Priscilatapish, Aquilatapish “allilla cashca cachun” nichic.

ROMANOS 16:6

Shinallatac cancunaman allita ruhuac Mariatapish “allilla cashca cachun” nichic.

ROMANOS 16:8

Jesusta cric cashcamanta ñucahuan mai apanacuc Ampliatotapish “allilla cashca cachun” nichic.

ROMANOS 16:9

Shinallatac ñucahuan Jesucristopacta ruhuac Urbanotapish “allilla cashca cachun” nichic. Ñucahuan mai apanacuc Estaquistapish “allilla cashca cachun” nichic.

ROMANOS 8:1

Chashna cashcamanta cunanca maijanpish Jesucristohuan shuc shinalla caccunamanca, ña mana jatun llaquica tiyangachu.

ROMANOS 8:11

Jesusta causachic Diospac Espiritullatac cancunapi causacucpica, Diosllatacmi cancunapac huañunalla cuerpotaca cancunapi causac paipac Espiritumanta causachinga.

ROMANOS 9:3

Chaimantami ñuca quiquin aillucunapac randi, ñucallatac Cristomanta anchurishpa, llaquichishca canata munaiman.

1 CORINTIOS 1:30

Ashtahuanpish Taita Diosllatacmi cancunataca Apunchic Jesucristohuan shuc shinalla cachun ruhuarca. Cristomantami Diosmanta yachashpa, paihuan alli tucushpa, Taita Diospaclla causashpa quishpiringuichic.

2 CORINTIOS 11:23

Paicunaca “Cristota serviccunami canchic” ninchari, ñucapish paicunamanta yalli alli servicmi cani. Chashna nishpaca, yuyai illac shinami rimani. Paicunamanta yallimi ñucaca trabajarcani. Paicunamanta yallimi carcelpi carcani. Paicunamanta yallimi macashca carcani. Shinallatac tauca cutinmi huañunallapish carcani.

2 CORINTIOS 12:2

Cristota cric shuc runatami ricsini. Paitaca quimsa jahua pachamanmi apashca carca. Chaica ñami chunga chuscu huata tucun. Shina cashpapish cuerpondicchu apashca carca, mana cashpaca almallachari apashca carca, chaitaca mana yachanichu, Diosllami yachan.

2 CORINTIOS 5:17

Chaimanta maijanpish Cristohuan shuc shinalla tucushpaca, mushuc runami tucun. Ñaupa causaita saquishpami, mushuc causaita causan.

2 CORINTIOS 5:21

Apunchic Jesucristo mana juchayuc cacpipish, Taita Diosca ñucanchic juchacunamantami llaquita apachun curca. Shina cacpica, Jesusmantami Taita Dioshuan alli tucunchic.

GÁLATAS 1:22

Chai punzhacunapica Cristota cric, Judea llactapi causac tandanacushca criccunaca ñucataca mana ñahui ñahui ricsircacunachu,

GÁLATAS 2:2

Chaimanca Taita Dios “rinami cangui” nicpimi rircani. Chaiman chayashpaca, criccunata pushaccunallahuanmi tandanacurcani. Ñuca punta huillacushcapish, cunan huillacushcapish ama yanga cachunmi, mana israelcunaman*f** quishpirinamanta huillacushcataca allita yachachircani.

GÁLATAS 2:6

Chai pushaccunaca alli nishca cashpapish, ima mushuc yachanacunataca mana yachachircacunachu. Taita Diosca mana ima shina cashcata ricushpallachu chasquin. Chaimantami paicuna utcaman c'atic cashcapish ñucamanca ima mana can.

GÁLATAS 5:6

Shina cashcamanta Jesucristohuan shuc shinalla cashpaca, circuncisionta ruhuashca cashpa, mana ruhuashca cashpapish mana ima canchu, ashtahuanpish Cristota criccuna cashcamanta c'uyanacushpa causanami ashtahuan alli.

GÁLATAS 6:15

Circuncisionta ruhuashcapish, mana circuncisionta ruhuashcapish mana ima canchu, ashtahuanpish Taita Dios mushucyachicpi mushuc causanami ashtahuan alli.

EFESIOS 2:10

Taita Diosmi ñucanchictaca ruhuashca. Chashna ruhuashpaca, Jesucristohuan shuc shinalla tucushcamanta allicunata ruhuachunmi mushucta ruhuashca. Chai allicunata ñucanchic ruhuachunmi, ñaupamanta pacha allichishca.

COLOSENSES 4:10

Ñucahuan pacta carcelpi tiyacuc Aristarcopish, Bernabepac primo Marcospish “allilla cashca cachun” nishpami cachancuna. Marcos cancunapacman chayacpica, alli chasquina cashcataca ñami huillarcani. Chaimanta pai chayacpica, alli chasquinguichic.

FILEMÓN 1:23

Jesucristomanta huillashpa puricucpi ñucahuan prezu japishca huauqui Epafraspish, “allilla cashca cachun” nishpami cachan.

1 JUAN 4:13

Taita Diosca ñucanchichuan, shinallatac ñucanchicca Taita Dioshuan causashcataca, paipac Espirituta cushcamantami yachanchic.

1 JUAN 5:20

Diospac Churi shamushpa ñucanchicman yuyaita cushpami, cashcata nic Taita Diostaca ricsichirca. Chaimantami cashcata nic-huan shuc shinalla causanchic. Paica Diospac Churi Jesucristomi. Paillatacmi huiñai causaita cucpish, shinallatac cashcata nic Diospish can.

APOCALIPSIS 1:9

Ñucaca Jesucristomanta cancunapac huauqui Juanmi cani. Ñucaca Jesucristohuan shuc shinalla cashpami, cancunahuan pacta Dios mandacucpi cashpa, llaquita apashpa c'uyac shunguhuan ima llaquitapish apana yuyailla cani. Taita Dios Jesusman huillachishcata ñuca huillashcamantami, yacu chaupipi cac Patmos llactapi prezu carcani.