ROMANOS 16:6 - Nuevo Testamento en Quichua Cañar 1996

⁶ Shinallatac cancunaman allita ruhuac Mariatapish “allilla cashca cachun” nichic.

Dios Rimashcata Quillcashcami

⁶ Cancunata yallita ayudac Mariatapish saludanguichic.

ROMANOS 16:6 ပူးပေါင်းရင်းမြစ်များ

SAN MATEO 27:55

Chaipica tauca huarmicunami carullamanta ricucurcacuna. Chai huarmicunaca Galilea llactamanta pachami Jesusta ayudashpa shamushca carcacuna.

SAN MATEO 5:47

Shinallatac cancunapuralla alabadunacushpaca, ima allita mana ruhuanguichicchu. Taita Diosta mana ricsiccunapish chashnaca ruhuancunallami.

ROMANOS 16:12

Apunchic Jesuspacta ruhuac Trifenatapish, Trifosatapish “allilla cashca cachun” nichic. Shinallatac ñucahuan mai apanacuc Persidepish cai tucuita Apunchic Jesuspacta ruhuac cashcamantaca, paitapish “allilla cashca cachun” nichic.

ROMANOS 16:5

Shinallatac Priscilapac, Aquilapac huasipi tandanacuc criccunatapish “allilla cashca cachun” nichic. Asia llactapi causac ñucahuan mai apanacuc Epenetotapish “allilla cashca cachun” nichic. Paimi chai llactapica Jesucristota punta cric carca.

ROMANOS 16:7

Ñuca llactamanta cac Andronicotapish, Juniastapish “allilla cashca cachun” nichic. Paicunami ñucahuan carcelpi huichcashca carcacuna. Jesús acllashca huillaccunapuramantapish alli nishcacunami can. Paicunaca ñucapac ñaupa criccunami.

1 TESALONICENSES 5:12

C'uyashca criccuna, cancunapurapi Apunchic Jesuspacta ruhuashpa, cunashpa yachachiccunataca alli cazuichic nishpami mañanchic.

1 TIMOTEO 5:10

Paicunaca paicunapac huahuacunata alli huiñachic, huasiman shamuccunatapish alli chasquic, llaquilla causaccunata cushichic, criccunapac chaquita jahuac, shinallatac imatapish allita ruhuaccunami cana can. Tucui cai allicunata ruhuashcamantami, tucuipac alli nishca cana can.