ROMANOS 16:26 - Nuevo Testamento en Quichua Cañar 1996

²⁶ Huiñaita causacuc Taita Dios mandashca shinami, cunanca chai pacashcataca ñaupa huillaccuna quillcashca shina ricuchin. Cai pacashcataca tucui cai pachapi causaccuna crishpa cazuchunmi ricuchishca.

Dios Rimashcata Quillcashcami

²⁶ Huiñaita causac Dios mandashca shinami, cunanca chai pacashcataca Dios ima nishcata huillaccuna quillcashca shina ricuchin. Cai pacashcatami tucui cai pachapi causaccuna crishpa cazuchun ricuchishca.

ROMANOS 16:26 ပူးပေါင်းရင်းမြစ်များ

MARCOS 16:15

Shinallatac caitapish paicunataca nircami: —Cancunaca tucui llactacunata rishpa, quishpirinamanta alli huillaita tucui gentecunaman huillagrichic.

HECHOS 10:43

Diosmanta ñaupa huillaccunapish, tucuimi Jesusmanta huillashpaca: ‘Paita criccunallatami juchata ruhuashcamanta perdonanga’ nishpami huillarcacuna— nirca.

HECHOS 6:7

Jerusalenpica Diosmanta alli huillaita ashtahuan huillacpimi, achca gentecuna Jesusta crishpaca, achca criccuna tucurcacuna. Shinallatac Israel*f** curacunapish, achcacunami Jesusta crishpa cazurcacuna.

ROMANOS 1:2

Cai alli huillaitaca ñaupamanmi, Taita Diosca cushami nishpa paimanta huillaccunaman quillcachishpa huillachishca.

ROMANOS 1:20

Diostaca pipish mana ricushcachu. Shina cacpipish pai ruhuashcacunata ricushpa yuyarishpami, paitaca ricsi pudincuna. Cai pachata Taita Dios ruhuashcamanta pachami, paica Dios cashcata shinallatac imatapish ruhuac cashcata ricunalla. Chaimanta chai mana allita ruhuaccunaca: “Mana ricsishcanichu” ninata mana ni pudincuna.

ROMANOS 1:5

Jesucristomantami paimanta huillashpa alli canataca chasquircani. Tucui llactacunapi paita crishpa cazuccuna tiyachunmi, paimanta huillachun ñucataca acllarca.

ROMANOS 15:18

Mana israelcuna Diosman cutirishpa paita cazuchun, Cristo ñucata huillachishcallatami huillasha nini. Rimashpapish, ruhuashpapish,

ROMANOS 15:4

Alli shungu canatapish, cushi canatapish yachachishpami, Dios quillcachishcacunaca japina cashcata shuyachun ñucanchicman yachachicun.

ROMANOS 3:21

Ashtahuanpish cunanca Taita Diosca mandashcacunata pactachishcallamantaca pitapish paihuan alli tucuchun mana chasquic cashpapish, ima shina paihuan alli tucuna cashcatami ricuchishca. Chaitaca Moisés mandashcacunapish, ñaupa huillaccunapish allimi huillan.

GÁLATAS 3:8

Taita Diosca mana israelcuna*f** cacpipish cricpica, paihuan alli tucuchun chasquishami nishcamantami, Dios quillcachishcapica Abrahamman cai alli huillaita huillashpaca: “Canmantami tucui cai pachapi causaccunaman allicunata cusha” nishca.

EFESIOS 1:9

pai munashcamanta ñaupaman cusha nishca pacashcataca, Cristomanta ñucanchic japichun ricuchirca.

EFESIOS 2:20

Jesucristomi huasita ruhuangapac callaripi churashca rumi shinaca can. Diosmanta ñaupa huillaccunapish, Jesús acllashca huillaccunapish chai rumi jahuallapitacmi huasita ruhuangapac callaric shinaca. Cutin cancunaca chai huasi jahuapi huasichishca shinami canguichic.

COLOSENSES 1:26

Chai huillasha nicushcataca, ñaupa huatacunamanta pachami cancunamanca pacashpa charicushca. Shina cacpipish cunanmi paipaclla caccunamanca huillashca.

1 TIMOTEO 1:17

¡Chaimanta huiñaita causacuc Jatun Mandac, jaicapi mana chingaric, pipish mana ricushca, shuclla Taita Diostaca, huiñai huiñaita “allimari cangui, sumacmari cangui” nishunchicyari! Chashna cachun.

1 TIMOTEO 3:16

Pi mana yachashca, Taita Dios llaquishpa huillashcata ñucanchic crishcaca, tucuimanta yalli allimi: Apunchic Jesusca aichayuc tucushpami ricurirca. Diospac Espirituhuan cashcamanta tucuitami misharca. Shinallatac paitaca angelcunapish ricurcami. Mana israelcunamanpish*f** paillamantami paita c'aticcunaca huillashcacuna. Cai pachapica paitaca achcacunami crishcacuna. Jahua pachapipish paitaca alli nishpami chasquishca carca.

2 TIMOTEO 1:10

Chashnami Quishpichic Jesucristota cai pachaman cachashpa, Taita Diosca c'uyac cashcata ricuchirca. Pai quishpirinamanta huillashpa, huañuita chingachirca, shinallatac mana chingarina causaitapish apamurca.

HEBREOS 13:8

Jesucristoca sarunpish, cunanpish, huiñai huiñaipacpish Paillatacmi.

HEBREOS 9:14

Shina cacpica, ¡Apunchic Jesuspac yahuarcarin, tucuimanta yalli valishcami! Paica huiñai huiñaita causacuc Diospac Espirituhuan cashpami, ima millaita mana ruhuac cashpapish, pai quiquinllatac Diosman curishpa huañurca. Paipac yahuarmi ñucanchic yuyaicunahuan mana allita ruhuashpa, huañuiman ricucpi p'ichashpa, causacuc Diosta servicta ruhuan.

1 JUAN 5:20

Diospac Churi shamushpa ñucanchicman yuyaita cushpami, cashcata nic Taita Diostaca ricsichirca. Chaimantami cashcata nic-huan shuc shinalla causanchic. Paica Diospac Churi Jesucristomi. Paillatacmi huiñai causaita cucpish, shinallatac cashcata nic Diospish can.

APOCALIPSIS 1:17

Chaita ricushpaca, huañushca shinami paipac chaqui pambaman urmarcani. Shina cacpipish paipac alli maquita ñuca jahuapi churashpaca, cashnami nirca: —Ama mancharichu. Ñucami tucuita callarichicpish, tucuchicpish cani.

APOCALIPSIS 19:10

Shina nicpimi angelta alli ningapac paipac ñaupapi cungurircani. Chashna cunguricpica: —Ama chashna ruhuaichu. Ñucapish can shina Jesús huillashcata mana cungashpa c'atic, caishuc criccuna shinallatac Diospacta ruhuacmi cani. Taita Diostami alli nina cangui— nirca. Diosmanta huillaccunamanca Jesús huillashcacunami huillana yuyaita cun.