ROMANOS 16:2 - Nuevo Testamento en Quichua Cañar 1996

² Shuccunatapish, ñucatapish ayudac cashcamantami, paiman ima illashcatapish cushpa, ñucanchic criccunapurapi chasquina cashca shinallatac Apunchic Jesuspac shutipi chasquichun nini.

Dios Rimashcata Quillcashcami

² Paica ñucatapish, shuccunatapish ayudacmi carca. Chaimanta criccunapura ima shina chasquic shina, Apunchic Jesuspac shutipi chasquishpa, pai ima minishtishcata cushpa ayudanguichic.

ROMANOS 16:2 ပူးပေါင်းရင်းမြစ်များ

SAN MATEO 25:40

Shina nicpi ñucaca: ‘Tucui caicunata cai yangalla shina ñuca huauquicunaman ruhuashpaca, ñuca quiquinmanmi ruhuarcanguichic. Chaica chashnatacmi’ nishami.

HECHOS 9:13

Chashna nicpi Ananiasca: —Apunchic Jesús. ‘Chai Saulo runaca, Jerusalenpi causac Diospaclla cac criccunata p'iñashpa llaquichicun’ nishpa, taucacuna ninacuctami uyarcani.

HECHOS 9:15

Chashna nicpipish, cutinmi Apunchic Jesusca: —Rilla. Ñami paitaca acllarcani. Paimi mana israelcunamanpish,*f** jatun mandaccunamanpish, israelcunamanpish*f** ñucamanta huillanga.

HECHOS 9:36

Jope pueblopica, Tabita shuti cric huarmimi causarca. Tabita shutica, griego*f** rimaipica “Dorcas” nisha ninmi. (Dorcas nishpaca, “taruga” nisha ninmi). Paica mana chariccunata llaquishpa imallatapish cushpa, allita ruhuashpa causac huarmimi carca.

HECHOS 9:39

Chai runacuna “jacu” nicpica, Pedroca paicunahuan rircallami. Pai ña chaiman chayacpica, huañushca velaricuc ucumanmi pusharcacuna. Chai ucuman yaicucpica, viuda huarmicuna Pedrota muyushpami, Dorcas causacushparac ruhuashca churanacunata ricuchishpa huacarcacuna.

HECHOS 9:41

Chashna tiyaricpi, Pedroca maquimanta japishpa jatarichishpaca, viuda huarmicunata caishuc criccunandic c'ayashpaca, ña causarishcatami ricuchirca.

ROMANOS 15:7

Ima shinami Cristo ñucanchicta Taita Dios alli nishca cachun chasquirca, chai shinallatac cancunapish caishuc chaishuchuan chasquinacuichic.

ROMANOS 16:15

Filologotapish, Juliatapish, Olimpastapish, Nereotapish paipac panindic, shinallatac paicunahuan cac tucui criccunatapish “allilla cashca cachun” nichic.

ROMANOS 16:23

Shinallatac ñucatapish, tandanacushca criccunatapish pozachic Gayopish “allilla cashca cachun” nishpami cachan. Cai pueblopac cullquita tandachic Erastopish, Jesusmanta huauqui Cuartopish “allilla cashca cachun” nishpami cachancuna.

ROMANOS 16:6

Shinallatac cancunaman allita ruhuac Mariatapish “allilla cashca cachun” nichic.

ROMANOS 16:9

Shinallatac ñucahuan Jesucristopacta ruhuac Urbanotapish “allilla cashca cachun” nichic. Ñucahuan mai apanacuc Estaquistapish “allilla cashca cachun” nichic.

EFESIOS 5:3

Cancunaca Diospaclla cashcamantaca “huaclliriccuna” nishcapish, “manapish caipaccunata ruhuaccuna” nishcapish, mana cashpaca “ashtahuan charina yuyaillami causancuna” nishcapish, cancunapurapica pacta uyarishcallapish canman.

FILIPENSES 1:27

Tucuimanta yallica Cristomanta alli huillaita cazushpa, chai yuyailla alli causachunmi munani. Ñuca cancunata ricungapac ricpipish mana ricpipish, alli huillaita crinamanta pi ima nicucpipish, macanacuipi shayaric shina, tucui mashna shuc yuyailla alli c'aticushcatami cancunamantaca uyasha nini.

FILIPENSES 2:29

Paica Apunchic Jesusta cric cashcamantaca, quiquin huauqui shinami. Chaimanta paitaca tucui shunguhuan cushicushpa alli chasquinguichic. Shinallatac maijanpish pai shina caccunataca, allimi ninguichic.

COLOSENSES 4:10

Ñucahuan pacta carcelpi tiyacuc Aristarcopish, Bernabepac primo Marcospish “allilla cashca cachun” nishpami cachancuna. Marcos cancunapacman chayacpica, alli chasquina cashcataca ñami huillarcani. Chaimanta pai chayacpica, alli chasquinguichic.

1 TIMOTEO 2:10

Chaipac randica Diosta cazuc huarmicuna ruhuana cashca shina, imapish allicunallata ruhuachun ninimi.

2 TIMOTEO 1:18

Chashna cashcamanta Apunchic Jesusllatac tucuita taripana punzhapica, mai llaquishca cachunmi nini. Efeso pueblopi ima shina allicunata ruhuashpa cushichishcataca, canllatacmi alli yachangui.

TITO 2:3

Shinallatac ñaupa huiñai huarmicunataca criccuna ima shinami causana shinallatac causashpa, mana huashalla parlaric, mana machac, ashtahuanpish allita yachachishpa causachun yachachingui.

FILEMÓN 1:12

Paitaca cambacllamantacmi cachani. Chaimanta ñucata chasquic shinallatac, paitaca chasquingui.

FILEMÓN 1:17

Jesusta crishcamanta shuc shinallami canchic. Chaimanta ñucata chasquic shinallatac, paitaca chasquingui.

2 JUAN 1:10

Shina cashcamanta maijanpish cancunapac huasiman rishpa Cristo yachachishca shina mana yachachictaca, ama chasquinguichicchu. Chashna llullashpa huillaccunataca “allillachu shamungui” ninallatapish, ama ninguichicchu.