ROMANOS 16:19 - Nuevo Testamento en Quichua Cañar 1996

¹⁹ Cancuna alli huillaita cazuccuna cashcataca tucuimi yachancuna. Chaimantami cushicuni. Shinallatac cancuna yachac cashcata ricuchingapacca, millaita mana ruhuashpa ashtahuanpish allita ruhuashpa ricuchichunmi munani.

Dios Rimashcata Quillcashcami

¹⁹ Cancuna Diosta cazuccuna cashcataca tucuimi yachancuna. Chaimantami yallita cushicuni. Allita ruhuangapacca, alli yachaccuna, millaita ruhuangapacca mana yachaccuna cachunmi munani.

ROMANOS 16:19 ပူးပေါင်းရင်းမြစ်များ

SAN MATEO 10:16

Riquichic, ñucaca cancunataca ovejacunata atuccunapac chaupita cachac shinami cachani. Chaimanta cancunaca culebra shina yuyaisapacuna caichic, shinallatac paloma shina c'uyaillacuna caichic.

1 CORINTIOS 14:20

C'uyashca criccuna, ama huahuacuna shina imatapish yuyaichicchu. Mana allita ama ruhuangapacca, llullu huahuacuna shinami cana canguichic. Ashtahuanpish allita yuyaringapacca, ña yuyaccuna shinami cana canguichic.

FILIPENSES 2:15

Chashna ruhuashpami, cai pacha mana cric millai gentecunapac chaupipica, Diospac huahuacuna cashcamanta mana pi juchanchishca, allita ruhuac, achicyachic lucerocuna shina canguichic.

ROMANOS 1:8

Puntaca cancuna crishca tucui llactacunapi uyarishcamantami, Taita Diostaca Jesucristomanta pagui nicunilla.

FILIPENSES 1:9

Cancunamanta ñuca Taita Diosman mañacushpaca, ashtahuan c'uyaita charichun, shinallatac alli entendishpa Diosmanta allita yachac cachunmi mañani.

COLOSENSES 3:16

Cristomanta huillashca shimicunata shungupi yuyarashca cachunmi munani. Alli yuyaihuan caishuc chaishuchuan yachachinacushpa, c'atina yuyaita cunacuichic. Salmocunatapish, Diospac Espíritu yuyaita cushca cantana cantocunatapish cantashpa, tucui shunguhuan Taita Diosta pagui nishpa “allimari cangui” nishpa cantaichic.

EFESIOS 5:17

Imata mana yachaccuna shina ama caichicchu, ashtahuanpish Apunchic Jesucristo ima munashcata yachana yuyailla caichic.

SAN LUCAS 10:3

Cancunataca pactalla ovejacunata atuccunapac chaupita cachac shinami cachani. Shina cacpipish richiclla.