ROMANOS 16:10 - Nuevo Testamento en Quichua Cañar 1996

¹⁰ Shinallatac Cristota crishcamanta llaquita apac Apelestapish “allilla cashca cachun” nichic. Aristobulotapish paipac familiacunandic “allilla cashca cachun” nichic.

Dios Rimashcata Quillcashcami

¹⁰ Cristota sinchita catic Apelestapish saludanguichic. Aristobulotapish, paipac familiacunatapish saludanguichic.

ROMANOS 16:10 ပူးပေါင်းရင်းမြစ်များ

ROMANOS 14:18

Chai shina ruhuashpa, Cristopacta ruhuacmi Taita Diostapish cushichin, shinallatac runacunapacpish alli nishca can.

ROMANOS 16:3

Ñucahuan Apunchic Jesuspacta ruhuaccunataca Priscilatapish, Aquilatapish “allilla cashca cachun” nichic.

ROMANOS 16:7

Ñuca llactamanta cac Andronicotapish, Juniastapish “allilla cashca cachun” nichic. Paicunami ñucahuan carcelpi huichcashca carcacuna. Jesús acllashca huillaccunapuramantapish alli nishcacunami can. Paicunaca ñucapac ñaupa criccunami.

ROMANOS 8:11

Jesusta causachic Diospac Espiritullatac cancunapi causacucpica, Diosllatacmi cancunapac huañunalla cuerpotaca cancunapi causac paipac Espiritumanta causachinga.

1 CORINTIOS 11:19

Cancunapurapi alli cric cashca ricurichunca, ch'icanyarinacui tiyanami alli can.

2 CORINTIOS 12:2

Cristota cric shuc runatami ricsini. Paitaca quimsa jahua pachamanmi apashca carca. Chaica ñami chunga chuscu huata tucun. Shina cashpapish cuerpondicchu apashca carca, mana cashpaca almallachari apashca carca, chaitaca mana yachanichu, Diosllami yachan.

2 CORINTIOS 2:9

Ñaupamanmi cai jahuaca ña quillcarcani. Chai shina quillcashpaca, ñuca ima nishcata cancuna pactachic cashcata, mana pactachic cashcata ricungapacmi, chashnaca quillcarcani.

2 CORINTIOS 5:17

Chaimanta maijanpish Cristohuan shuc shinalla tucushpaca, mushuc runami tucun. Ñaupa causaita saquishpami, mushuc causaita causan.

2 CORINTIOS 8:22

Shinallatac paicunahuanca ñucanchicpuramanta shuc huauquitapish cachanimi. Paitaca imapipish allita ruhuactami ricushcanchic. Cunancarin paica cancuna cuna cashcatatac yachashpaca, ashtahuanmi allita ruhuanga.

GÁLATAS 1:22

Chai punzhacunapica Cristota cric, Judea llactapi causac tandanacushca criccunaca ñucataca mana ñahui ñahui ricsircacunachu,

FILIPENSES 2:22

Ashtahuanpish Timoteo ima shina cashcataca, cancunallatac yachanguichicmi. Paica shuc churi taitata ayudacuc shinami, alli huillaita ñuca huillacucpica, paipish ñucahuan pacta huillacurca.

1 TIMOTEO 3:10

Criccunata ayudaccuna cachunca manarac churashpami, paicuna ima shina causacushcatarac ricuna can. Chaipi pi mana juchanchicpica, criccunata ayudac cachun churanallami can.

2 TIMOTEO 4:19

Onesiforo runatapish, tucui paipac huasi ucupi causaccunatapish, shinallatac Priscila huarmitapish, Aquila runatapish “allilla cashca cachun” ninimi.

1 PEDRO 1:7

Cancuna crishcaca curi shinami. Curi alli cactaca ninapi rupachishpami ricun. Chai shinallatac cancuna alli crishcata ricungapacca, llaquicunaca japinami can. Shina llaquita apana cacpipish, mana chingaric crishcaca chingariclla curitapish ashtahuan yallimi can. Chai shina llaquichishca cashpapish crinata mana saquishpaca, Jesucristo ricuricpica, sumacyachishca, “allimi cangui” nishcami canguichic.