ROMANOS 16:1 - Nuevo Testamento en Quichua Cañar 1996

¹ Jesusmanta ñucanchic pani Febetami alli chasquichun nini. Paica Cencrea pueblopi tandanacushca criccunata ayudacmi.

Dios Rimashcata Quillcashcami

¹ Cencrea pueblo tandanacushca criccunata ayudac, ñucanchic pani Febe huarmita alli chasquichunmi mañani.

ROMANOS 16:1 ပူးပေါင်းရင်းမြစ်များ

SAN MATEO 12:50

Maijanpish jahua pachapi cac ñuca Taita munashcata ruhuaccunallami, ñuca mama, ñuca pani, ñuca huauqui— nirca.

MARCOS 10:30

cai pachapica pasac cutinhuanmi huasicunata, huauquicunata, panicunata, mamacunata, huahuacunata, allpacunatapish chasquinga. Chashnallatac ñucata c'aticushcamanta gentecuna p'iñashpa llaquichicpipish, shamuc punzhapica huiñai causaitami charinga. Chaica chashnatacmi canga.

SAN LUCAS 8:3

Mandac Herodespac huasipi mandachun churashca, Chuza runapac huarmi Juanapish, Susana huarmipish, shinallatac caishuc huarmicunapish imalla charishcacunahuan Jesusta ayudaccunami carca.

HECHOS 18:18

Pabloca Corinto pueblollapitacmi tauca punzhacunacaman saquirirca. Chai q'uipaca, tucui criccunata “shuc punzhacaman” nishpaca, Priscilandic Aquilandic Siria llactaman barcopi manarac rishpami, Cencrea pueblopi acchata p'itichirca. Diospacta ruhuasha nishcata pactachishcata ricuchingapacmi, paica chashna ruhuarca.

2 CORINTIOS 3:1

Chai shina nishpaca, ¿ñucanchicllatac allimi canchic nishpa cutin nicushcatachu yuyanguichic, imatacyari? ¿Ñucanchicca shuccuna shinachu ima shina cashcata ricuchic quillcata cancunamanca mañana canchic, mana cashpaca ricuchina canchic, imatacyari?

1 TIMOTEO 5:2

Ñaupa huiñai mamitacunataca quiquin mamata shina, shinallatac q'uipa huiñai solteracunataca quiquin panita shina chuya shunguhuan rimangui.

FILEMÓN 1:2

Shinallatac cambac huasipi tandanacuc criccunamanpish, Jesusta crishcamanta pani Apiamanpish, ñucanchic shina mana manchashpa huillac Arquipomanpish caitaca quillcanchic.

SANTIAGO 2:15

Cai shina yuyarishunchic: Cric pani cashpa, cric huauqui cashpa, churana illac, micuna illac causacungachari.