ROMANOS 15:8 - Nuevo Testamento en Quichua Cañar 1996

⁸ Ñaupa taitacunaman cusha nishcata pactachingapac, shinallatac Dios imatapish pactachic cashcata ricuchunmi, israelcunata*f** servingapac Cristoca shamurca.

Dios Rimashcata Quillcashcami

⁸ Cristoca, Dios ñaupa taitacunaman cusha nishcata pactachic cashcata ricuchingapacmi israelcunata servingapac shamurca.

ROMANOS 15:8 ပူးပေါင်းရင်းမြစ်များ

SAN MATEO 15:24

Chashna nicpi Jesusca: —Taita Diosca ñucataca, chingarishca ovejacuna shina israelcunapacmanllami*f** cacharca— nirca.

SAN MATEO 20:28

Chai shinallatacmi Runa Tucungapac shamushca*f** ñucaca, servichingapacca mana shamurcani, ashtahuanpish servingapac, shinallatac achcacunamanta huañushpa quishpichingapacmi shamurcani— nirca.

SAN JUAN 1:11

Paipac gentecunapacmanmi shamurca. Shina shamucpipish, paipac gentecunaca mana chasquircachu.

SAN JUAN 10:16

Shinallatac mana cai corralpi cac ovejacunatapish charinimi. Paicunatapish pushamunami cani. Paicunaca ñuca ima nishcataca uyangacunami. Chashna uyashpa tandarishpaca, shuc shinallami tucunga, shinallatac shuc michicllami tiyanga.

HECHOS 13:46

Chashna rimacucpipish, Pabloca Bernabendic mana manchashpami, cashna nishpa huillarcacuna: —Cancuna israelcunamanracmi, Diosmanta alli huillaita huillana carcanchic. Cai huillashcata cancuna mana uyashun nishpa, huiñai causaita mana chasquishun nircanguichicchu. Chaimanta cunanllatacmi, mana israelcunaman huillangapac rigrinchic.

ROMANOS 11:22

Taita Diosca llaquic cashcata, shinallatac imamanta llaquichina cacpica llaquichiclla cashcata yachanami cangui. Taita Diosca mana cazuccunata llaquichicushpapish, cantaca mana llaquichishcami. Shina cacpica, Diospac c'uyaita mana cungarishpami causana cangui. Mana shina cacpica, cantapish anchuchingami.

ROMANOS 11:30

Ñaupa punzhacunapica Taita Diostaca mana cazuccunami carcanguichic. Shina cacpipish israelcuna cunan Taita Diosta mana cazushcamantami, cancunataca Diosca llaquicun.

ROMANOS 15:16

mana israelcunapac allipac Jesucristopacta ruhuachun ñucaman mingashcamantami cashna quillcani. Mana israelcuna Diosman cutirishpa, paipac Espíritu yuyaita cucpi, millaimanta anchurishpa Diospaclla cachunmi, quishpirinamanta alli huillaita huillashpa Diospacta ruhuacuni.

ROMANOS 3:26

Taita Diosca cunanpish paihuan ima shina alli tucuna cashcata ricuchinmi. Chaimantami Jesusta criccunataca pai cashcata ruhuac cashca shinallatac, paicunatapish paihuan alli tucuchun chasquin.

ROMANOS 3:3

Shina cacpica, paicunapuramanta maijancuna mana cazushpaca, ¿imashi tucunga? Paicuna chashna mana cazushcamantaca Diosca pai nishcataca, ¿manachu pactachinga?

ROMANOS 4:16

Abraham crishcamantami, paipac huahua huahuacunamanca Taita Dios cusha nishca pai c'uyashcallamanta cushca cachun, chashnaca nishca. Dios cushami nishcaca mana mandashcacunata cazuccunallamanchu, ashtahuanpish Abraham shina tucui criccunamanpish canmi. Chashna cacpimi, Abrahamca tucui ñucanchicpac taita shina tucushca.

1 CORINTIOS 1:12

Cancunapuramanta maijancunaca: “Ñucaca Pablota c'aticmi cani”, shuccunaca: “Ñucaca Apolosta c'aticmi cani”, shuccunaca: “Ñucaca Cefasta*f** c'aticmi cani”, cutin shuccunaca: “Ñucaca Cristota c'aticmi cani” nishcatami nisha nini.

1 CORINTIOS 10:19

Chashna nishpaca, mana ruhuashcalla dioscunata allimi ninichu. Shinallatac ruhuashcalla diosman cushpa huañuchishca aichami shuc aichacunata yalli alli nishpapish, mana ninichu.

1 CORINTIOS 10:29

Cancunapac yuyaimantaca mana rimanichu, ashtahuanpish chai nicpac yuyaimantami rimacuni. Ñucaca imatapish ruhuai pudinimi. Shina cashpapish shuccunapac yuyaipi mana alli nishpa juchanchichunca, mana munanichu.

1 CORINTIOS 15:50

C'uyashca criccuna, caitami nisha nini: Aichayuc, tulluyuc caccunaca Dios maipi mandacucmanca mana yaicungacunachu. Imapish ismucllaca mana ismuclla llactamanca mana yaicungachu.

2 CORINTIOS 1:20

Taita Dios tucui imatapish cushami nishcataca, Jesucristomi pactachirca. Chaimantami Taita Diosta alli nishpaca, Jesucristomanta “chashna cachun” ninchic.

EFESIOS 2:12

Ñaupa mana Cristohuan cashpami, israelcunamanta ch'icanyachishca carcanguichic. Chaimantami Dios c'uyashpa ari nishcatapish, pai cusha nishcatapish mana charircanguichic. Chashnami cai pachapica Diostapish, imata shuyanatapish mana charishpa causarcanguichic.