ROMANOS 15:7 - Nuevo Testamento en Quichua Cañar 1996

⁷ Ima shinami Cristo ñucanchicta Taita Dios alli nishca cachun chasquirca, chai shinallatac cancunapish caishuc chaishuchuan chasquinacuichic.

Dios Rimashcata Quillcashcami

⁷ Cristo ñucanchicta Dios alli nishca cachun chasquishca shina, cancunapish caishuc chaishucta chasquichic.

ROMANOS 15:7 ပူးပေါင်းရင်းမြစ်များ

SAN MATEO 10:40

Maijanpish cancunata chasquicca, ñucatami chasquin. Shinallatac ñucata chasquicca, ñucata cachac Taita Diostami chasquin.

MARCOS 9:37

—Maijanpish ñuca shutipi shuc huahuata cai huahuata shina chasquicca, ñucatami chasquin. Shina chasquishpaca, mana ñucallatachu chasquin, ashtahuanpish ñucata cachac Taitatapish chasquinmi— nirca.

SAN LUCAS 15:2

Chaita ricushpami fariseocunapish,*f** mandashcacunata yachachiccunapish: —Cai runaca ñucanchic ch'icanyachishca juchayuccunahuan tandarishpa micunllami— nishpa, huashalla rimarinacurcacuna.

SAN LUCAS 9:48

Chashna churashpaca: —Maijanpish cai huahuata shina ñuca shutipi chasquicca, ñucatami chasquin. Shinallatac maijanpish ñucata chasquicca, ñucata cachac Taitatapish chasquinmi. Chaimanta cancunapuramanta maijanpish yangalla nishcami, tucuimanta yalli allica nishca canga— nirca.

SAN JUAN 13:34

Mushuc mandashcatami cancunamanca saquini: Caishuc chaishuchuan c'uyanacuichic. Ñuca ima shinami cancunata c'uyani, chashnallatacmi cancunapish c'uyanacuna canguichic.

SAN JUAN 6:37

Ñuca Taita ñucaman cushcacunallami ñucapacmanca shamun. Chai shina shamuccunataca manatac cutichishpa cachashachu.

ROMANOS 15:9

Shinallatac mana israelcunatapish*f** Dios llaquic cashcamanta paita alli nichunmi shamurca. Dios quillcachishcapica: “Chaimanta mana israelcunapurapipish cantaca pagui nishami. Shinallatac cantocunahuanpish cantaca alli nishami” ninmi.

ROMANOS 5:2

Ñucanchic Apunchic Jesucristota crishcallamantami, Taita Diosman cuchuyashpa, pai mai c'uyac cashcataca yachanchic. Shina yachashpami sinchiyashpa, Diospac sumaimana cashcata japina yuyailla cashcamanta cushicunchic.

EFESIOS 1:12

Chashna ruhuashpaca, ñucanchicrac punta Apunchic Jesús yuyailla cashpa, Taita Diosta “allimari cangui” nichunmi chashnaca ruhuarca.

EFESIOS 1:18

Cancuna pai c'ayacpi imata shuyana cashcata yachachun, shinallatac paipaclla caccunaman Dios cusha nishcaca sumac cashcata yachachunmi, alli yuyaita cuchun nishpa Diosman mañani.

COLOSENSES 3:13

Caishuc chaishuchuan mana p'iñanacushpa, maipi mana allita ruhuacpipish perdonanacuichic. Ima shinami Apunchic Jesús cancunapac juchacunata perdonarca, chashnallatacmi cancunapish perdonanacuna canguichic.