ROMANOS 15:31 - Nuevo Testamento en Quichua Cañar 1996

³¹ Judea llactapi tiyac mana criccuna llaquichinamanta Taita Dios huacaichichun, shinallatac Jerusalenpi causac criccuna ñuca imallata apacushcata alli chasquichunpish, ñucamanta Taita Diosman mañaichic.

Dios Rimashcata Quillcashcami

³¹ Judea llactapi causac mana criccunamanta Dios huacaichichun, Jerusalén criccuna ñuca apashca ofrendata alli chasquichun Diosta mañaichic.

ROMANOS 15:31 ပူးပေါင်းရင်းမြစ်များ

HECHOS 22:24

Chashna ruhuacpimi, huaranga soldadocunata mandacca: —¡Cancuna causana huasiman Pablota yaicuchishpa, imamanta chashna paita p'iñashpa, caparishcata huillangacaman macaichic!— nishpami, soldadocunataca mandarca.

HECHOS 25:2

Chaiman chayacpica, curacunata mandac curacunapish, israelcunapuramanta*f** caishuc mandaccunapish Pablota juchanchingapacmi, Festopacman shamurcacuna.

HECHOS 25:24

Pablo ña chayamucpica, Festoca: —Jatun mandac Agripalla, shinallatac tucui caipi ñucanchichuan caccunalla, chai runaca ña caipimi. Paitaca Jerusalén pueblopipish, cai Cesarea pueblopipish tucui israelcunaca*f** juchanchishpami, huañuchichun nishpa caparicuncunalla.

HECHOS 9:13

Chashna nicpi Ananiasca: —Apunchic Jesús. ‘Chai Saulo runaca, Jerusalenpi causac Diospaclla cac criccunata p'iñashpa llaquichicun’ nishpa, taucacuna ninacuctami uyarcani.

HECHOS 9:15

Chashna nicpipish, cutinmi Apunchic Jesusca: —Rilla. Ñami paitaca acllarcani. Paimi mana israelcunamanpish,*f** jatun mandaccunamanpish, israelcunamanpish*f** ñucamanta huillanga.

ROMANOS 15:25

Shina cashpapish cunanca Jerusalén pueblopi causac criccunata ayudangapacmi rigrini.

1 CORINTIOS 16:15

C'uyashca criccuna, Acaya llactapi quishpirinamanta alli huillaita huillacpica, Estéfanas paipac familiandic punta cric tucushcataca cancunallatac yachanguichicmi. Paicunami shuctac criccunataca servina yuyailla causancuna.

2 CORINTIOS 1:10

Taita Diosmi chai huañuna llaquimanta huacaichirca. Shinallatac paillatacmi tucui huañuna llaquimantapish huacaichinga. Chai shinallatac “ima llaquimantapish huacaichishpa c'atingami” nishpa yuyanchicmi.

2 CORINTIOS 8:4

“Diospaclla cac criccunata ñucanchicpish ayudashun ninchicmi” nishpa, mailla mañarcacuna.

2 CORINTIOS 9:1

Diospaclla cac criccunaman cullquita cushpa ayudachun nishpaca, ña mana cancunaman quillcashpa c'atinachu cani.

2 CORINTIOS 9:13

Cancuna Cristomanta huillacushca alli huillaita cazushcamanta ayudacushcata yachashpami, paicunamanpish shinallatac shuccunamanpish tucui shunguhuan ayudashcamantaca, paicunaca Taita Diostaca “allimari cangui” ningacuna.

1 TESALONICENSES 2:15

Diosmanta ñaupa huillaccunata huañuchishca shinallatacmi, Apunchic Jesustaca chai israelcunallatac huañuchircacuna. Cutin ñucanchictaca p'iñashpami llaquichircacuna. Chai shina tucuita p'iñashpaca, Taita Diostapish p'iñancunami.

2 TESALONICENSES 3:2

Mana tucuichu criccuna can. Chashna cashcamanta mana allita ruhuac, millai gentecuna ñucanchicta ama llaquichichunpish, Diosman mañaichic.

2 TIMOTEO 3:11

llaquita apashpa cushicuc cashcatapish yachanguimi. Antioquía pueblopi, Iconio pueblopi, shinallatac Listra pueblopi ñucata p'iñashpa llaquichishcata yachanguimi. Chashna llaquichicpipish, Apunchic Jesusllatacmi tucui chaicunamantaca huacaichirca.

2 TIMOTEO 4:17

Chashna cacpipish Apunchic Jesusca mana ñucallata saquishpami sinchiyachirca. Chaimantami quishpirinamanta alli huillaita allita huillashpaca, tucui mana israelcunapish*f** uyachun huillarcani. Chashnami Apunchic Jesusca ñucataca, huañuchiccunamantaca p'iña leonpac shimimanta shina anchuchirca.