ROMANOS 15:13 - Nuevo Testamento en Quichua Cañar 1996

¹³ Shuyana yuyaita cuc Taita Diosllatac, criccuna cashcamanta cancunamanca sumac causaitapish, cushi canatapish yallita cushca canman. Imatapish ruhuaclla paipac Espiritullahuantac japingapac shuyana yuyaita yallita charichunmi, chashnaca nini.

Dios Rimashcata Quillcashcami

¹³ Diospac Espíritu crishpa, shuyana yuyaita yallita charichun, Diosllatac cushichishpa, crishpa cushi causaita cuchun. Diosca shuyana yuyaita cucmi.

ROMANOS 15:13 ပူးပေါင်းရင်းမြစ်များ

SAN JUAN 14:1

Jesusca cashnapish nircami: —‘Ñuca rigrini’ nicpipish, ‘¿imatac tucushun?’ nishpaca ama llaquiringuichicchu, ashtahuanpish Taita Diospipish, ñucapipish shunguta churaichic.

SAN JUAN 14:27

Ñuca rishpaca, cancunamanca sumac cushicui causaitami saquini. Shina cashpapish, cai pachapi causac gentecuna cushca cushicui shinataca mana saquinichu. Cancunaca ama llaquirichicchu, shinallatac ama manchaichicchu.

ROMANOS 12:12

Crishcamanta japina cashcata shuyacushcamantaca, cushicushpa causaichic. Ima llaqui japicpipish, chai llaquita apaichiclla. Taita Diosman mañanataca ama saquichicchu.

ROMANOS 14:17

Taita Dios mandacucpi causanaca mana ubianata, micunata yuyashpalla causanachu, ashtahuanpish cashcata ruhuashpa, mana p'iñanacushpa, Diospac Espíritu yuyaita cushca shina cushicushpa causanami can.

ROMANOS 15:19

Diospac Espíritu imatapish ruhuachicpimi, pi mana ruhuaipaccunatapish, pi mana ricushcacunatapish ruhuarcani. Chashnami Jerusalén pueblomanta callarishpa, Iliria llactacaman maipipish Cristomanta alli huillaitaca huillarcani.

ROMANOS 15:5

Alli shungu canatapish, cushi canatapish cuc Diosllatac, Jesucristo causashca shina cancuna shuc yuyailla causanata cushca canman.

1 CORINTIOS 2:4

Cancuna crichunca, imata parlashpapish, alli huillaita huillashpapish, jatun yachac tucushca rimaicunahuanca mana huillarcanichu. Chaipac randica Taita Diospac Espíritu imatapish ruhuaclla cashcata ricushpami, ñuca huillacpica crircanguichic.

2 CORINTIOS 9:8

Taita Diosca imatapish ruhuaclla cashpami, cancunapac imalla illashcata punzhanta charichunca, tucui laya allicunata cunga. Chashna charishpaca, tucui laya alli ruhuaicunata ruhuangapacmi, yalli yalli charinguichic.

GÁLATAS 5:22

Ashtahuanpish Diospac Espíritu yuyaita cushca causaccunaca c'uyaccunami, cushi causaccunami, sumacta causaccunami, mana utca p'iñariccunami, llaquiccunami, cuccunami, imatapish pactachiccunami,

EFESIOS 1:2

Ñucanchic Taita Diospish, Apunchic Jesucristopish cancunataca mai c'uyashpa, sumac causaita cushca cachun ninimi.

1 TESALONICENSES 1:5

Ñucanchic cancunaman quishpirinamanta alli huillaita huillacushpaca, mana rimaillahuanchu yachachircanchic, ashtahuanpish Diospac Espíritu yachachicpimi, imatapish ruhuaclla Diosmanta allicunata ruhuashpa ricuchircanchic. Ñucanchic cancunaman alli huillaita huillacushcaca chashnatac cashcata alli yachashpa, cancunapac allipac ruhuashcataca yachanguichicmi.

1 TIMOTEO 1:1

Ñucanchicta Quishpichic Taita Dios, shinallatac Apunchic Jesucristo mandashcamanta, ñucanchic crishpa shunguta churashca Apunchic Jesucristo acllashca huillac Pablomi,

HEBREOS 6:11

Cancuna shuyacushcata Taita Dios tucui pactachingacaman, chashna alli c'aticushcata ricuchichunmi munanchic.

1 PEDRO 1:8

Cancunaca Apunchic Jesucristota mana ricushca cashpapish c'uyanguichicmi. Cunan mana ricushpapish paita crishpami, sumaimana cushicuita charinguichic. Chaimanta pagui ningapacca ima rimaillapish mana tiyanchu.