ROMANOS 14:23 - Nuevo Testamento en Quichua Cañar 1996

²³ Ashtahuanpish “¿cai micunaca allichu, mana allichu?” nishpa micucca, pai crishca shina mana micushcamantami juchayuc tucun. Imata ruhuashpapish crishca shina mana ruhuashpaca, juchayucmi tucun.

Dios Rimashcata Quillcashcami

²³ Ashtahuanpish “¿cai micunaca allichu, mana allichu?” nishpa micucca juchallinmi. Pai crishca shina mana micushpaca juchayucmi tucun.

ROMANOS 14:23 ပူးပေါင်းရင်းမြစ်များ

ROMANOS 13:2

Chashna cashcamanta maijanpish mandaccunata mana cazushpaca, Dios mandashcatami mana cazun. Chashna mana cazuccunataca llaquichishcami cana can.

ROMANOS 14:5

Cutin maijan criccunaca: “Shuc punzhami caishuc punzhamanta ashtahuan alli” nincunami. Cutin maijan criccunaca: “Tucui punzhacunami chai shinallatac can” nincunami. Chashna cashcamantaca quiquin ima shina crishca shinami, alli crina canguichic.

1 CORINTIOS 8:7

Ashtahuanpish caicunataca mana tucuichu yachancuna. Maijancunaca chai ruhuashcalla dioscunata adoraccuna cashcamantami, chairac chai dioscunaman cushca aichata micucuncunarac. Chashnaca paicunapac yuyaipi manarac sinchi criccuna cashcamantami, chashna micushpaca, paicunapac yuyaica mana allita ruhuacushcata yuyancuna.

TITO 1:15

Cashcata nic huillashcata criccunapacca, tucuimi alli. Shina cacpipish cashcata nic huillashcata mana crishpa millaita ruhuaccunapacca, imapish mana allichu. Paicunapac yuyaipish, paicunapac yuyashca shina imata ruhuashcapish mana allichu.

HEBREOS 11:6

Taita Diosman cuchuyangapacca, pai tiyashcatapish, paiman mañaccunaman pai imallata cuna cashcatapish crinami can. Mana crishpaca, Taita Diospac munaitaca ima shina mana ruhuaipacmi.