ROMANOS 14:22 - Nuevo Testamento en Quichua Cañar 1996

²² Chashna cashcamanta can ima shina crishcataca canllatacmi Diospac ñaupapi charina cangui. Maijanpish paipac yuyaipi mana juchanchishca cashcamanta alli yuyacmanca, ¡mai cushicuimi can!

Dios Rimashcata Quillcashcami

²² Can imata crishcataca canllatacmi Diospac ñaupapi charina cangui. Maijanpish paipac yuyaipi mana juchanchishca cashcamanta alli yuyacmanca, ¡mai cushicuimi!

ROMANOS 14:22 ပူးပေါင်းရင်းမြစ်များ

HECHOS 24:16

Chaimantami ñucaca Taita Diospac ñaupapipish, gentecunapac ñaupapipish mana juchanchishca alli causanallata munani.

ROMANOS 14:14

Imapish paillatac mana allica mana tiyanchu. Ñucaca Apunchic Jesusta cric cashcamantaca, chaitaca allimi yachani. Ashtahuanpish maijan ima mana alli canata yuyacpica, paimanmi mana alli canga.

ROMANOS 14:2

Maijan criccunaca: “Imatapish micunalla” nishpami yuyancuna. Cutin maijan manarac sinchi criccunaca: “Chagrapi p'ucushca llullu micunallatami micuna” nishpami yuyancuna.

ROMANOS 14:23

Ashtahuanpish “¿cai micunaca allichu, mana allichu?” nishpa micucca, pai crishca shina mana micushcamantami juchayuc tucun. Imata ruhuashpapish crishca shina mana ruhuashpaca, juchayucmi tucun.

ROMANOS 14:5

Cutin maijan criccunaca: “Shuc punzhami caishuc punzhamanta ashtahuan alli” nincunami. Cutin maijan criccunaca: “Tucui punzhacunami chai shinallatac can” nincunami. Chashna cashcamantaca quiquin ima shina crishca shinami, alli crina canguichic.

ROMANOS 2:1

Chaimanta can cashpapish, pi cashpapish shuccunata juchanchishpaca, mana perdonashcachu cangui. Shinallatac shuccunata juchanchishpaca, canllatacmi llaquichingapac nishca cangui. Canpish paicuna shinallatacmi ruhuacungui.

ROMANOS 7:15

Ñucaca ñuca munashcataca mana ruhuanichu, ashtahuanpish mana ñuca munashcataracmi ruhuani. Chashna cashcamantami ñuca ruhuashcacunataca mana entendini.

ROMANOS 7:24

¡Aij, ñucalla! Ñucapi tiyac huañunaman apac juchamantaca, ¿pitac anchuchingayari?

1 CORINTIOS 8:7

Ashtahuanpish caicunataca mana tucuichu yachancuna. Maijancunaca chai ruhuashcalla dioscunata adoraccuna cashcamantami, chairac chai dioscunaman cushca aichata micucuncunarac. Chashnaca paicunapac yuyaipi manarac sinchi criccuna cashcamantami, chashna micushpaca, paicunapac yuyaica mana allita ruhuacushcata yuyancuna.

2 CORINTIOS 1:12

Ñucanchic cai pachapi causacushpaca, ima mana allita mana ruhuashpa, imatapish cashcata ruhuashpa causacushcatami yachanchic. Ashtahuancarin cancunahuanmi chashna causarcanchic. Chaimantami cushicunchic. Chashnaca mana ñucanchic yuyaillamantachu causanchic, ashtahuanpish Taita Dios mai c'uyashcallamanta yuyaita cucpimi, chashna causacunchic.

GÁLATAS 6:1

C'uyashca criccuna, cancunapuramanta maijan juchapi urmashcata ricushpaca, pai allichirichun Diospac Espíritu yuyaita cushca causaccunaca ayudanami canguichic. Chashna ayudashpaca, c'uyac shunguhuan sumacta ayudangui. Pacta canpish chai shina tucunguiman.

SANTIAGO 3:13

Cancunapuramanta maijan alli yachac, yuyaisapa cashpaca, imatapish allita ruhuashpa, mana p'iñaric alli shungu tucushpa, yachac cashcataca ricuchichun.

1 JUAN 3:21

C'uyashca criccuna, shina ñucanchic shungu imata mana juchanchicpica, Diospac ñaupapipish allillatacmi cashun.