ROMANOS 14:20 - Nuevo Testamento en Quichua Cañar 1996

²⁰ Taita Dios imata ruhuasha nicushcataca ama micushcallamanta chingachichu. Imapish micunaca micunallami, ashtahuanpish can micucta ricushpa shuctac criccuna juchapi urmaipac cacpica, ama micuichu.

Dios Rimashcata Quillcashcami

²⁰ Dios imata ruhuasha nicushcataca ama micushcallamanta yangapi churaichu. Tucui micuimi micunalla, ashtahuanpish micushpa shuctac criccunata juchapi urmachinami mana alli.

ROMANOS 14:20 ပူးပေါင်းရင်းမြစ်များ

SAN MATEO 15:11

—Imapish shimita yaicucca mana juchayucta ruhuanchu, ashtahuanpish shungu ucumanta llucshishca, imapish mana alli rimaicunami, gentecunataca juchayucta ruhuan— nirca.

SAN MATEO 18:6

Maijanpish cai uchilla huahua shina ñucata c'aticcunata juchapi urmachictaca, shuc jatun cutana rumita cungapi huatashpa, jatun cucha chaupipi shitanami ashtahuan alli canman.

HECHOS 10:15

Shina nicpi cutin rimashpaca: —Dios micunallami nishcataca mana micunachu nishpaca, ama nichu— nishcami uyarirca.

ROMANOS 14:2

Maijan criccunaca: “Imatapish micunalla” nishpami yuyancuna. Cutin maijan manarac sinchi criccunaca: “Chagrapi p'ucushca llullu micunallatami micuna” nishpami yuyancuna.

ROMANOS 14:21

Shuctac criccuna ama pandarichunca aichatapish mana micushpa, vinotapish mana ubiashpa, shinallatac ima shuctaccunatapish mana ruhuashpami ashtahuan alli canman.

EFESIOS 2:10

Taita Diosmi ñucanchictaca ruhuashca. Chashna ruhuashpaca, Jesucristohuan shuc shinalla tucushcamanta allicunata ruhuachunmi mushucta ruhuashca. Chai allicunata ñucanchic ruhuachunmi, ñaupamanta pacha allichishca.

FILIPENSES 1:6

Cancunapi callarimanta pacha allita ruhuac Taita Diosca Jesucristo cutimuna punzhacaman, chai allita ruhuashpa c'atina cashcatami yachani.

TITO 1:15

Cashcata nic huillashcata criccunapacca, tucuimi alli. Shina cacpipish cashcata nic huillashcata mana crishpa millaita ruhuaccunapacca, imapish mana allichu. Paicunapac yuyaipish, paicunapac yuyashca shina imata ruhuashcapish mana allichu.