ROMANOS 14:13 - Nuevo Testamento en Quichua Cañar 1996

¹³ Chaimanta ñucanchicca caishucta chaishucta mana allichu nishpaca, mana rimanachu canchic. Chaipac randica, shuctac criccuna pandarishpa ama urmachunca, ima millaita mana ruhuanatami yuyana canguichic.

Dios Rimashcata Quillcashcami

¹³ Chaimanta ñucanchicca mana shuctac cricta juchanchinachu canchic. Chaipac randica, ama pandarichunmi, ima millaita mana ruhuanata yuyana canguichic.

ROMANOS 14:13 ပူးပေါင်းရင်းမြစ်များ

SAN MATEO 16:23

Chashna nicpi Jesús tigrarishpa Pedrotaca: —¡Anchuri caimanta, Satanás!*f** Chashna nishpaca, Taita Dios munashcata ñuca ama ruhuachun nishpami, jarcasha nicungui. Canca Taita Dios imata ruhuasha nishcataca mana yachanguichu, ashtahuanpish gentecuna yuyashcallatami yuyangui— nirca.

SAN MATEO 18:7

Cai pachapica, imapish juchapi urmachic munaicunaca tiyangallatacmi. Shina cacpipish maijanpish juchapi urmachicca, ¡aij, imachari tucunga!

SAN MATEO 7:1

Ama shuccunata mana allichu nishpa juchanchinguichicchu, pacta cancunatapish mana allichu nishpa, Taita Diosca juchanchinman.

SAN LUCAS 12:57

Cashcata ruhuashpa causanaca alli cashcataca, ¿ima nishpatac mana yuyaringuichic?

SAN LUCAS 17:2

Huahuacuna shina ñucata criccunata maijanpish juchapi urmachictaca, cutana rumita cungapi huatashpa, jatun cuchapi shitanami ashtahuan alli canman.

ROMANOS 11:9

Mandac Davidpish: “Paicuna llaqui tucuchunca, jatun micuita micungapac tiyarinapish mitcarishpa, urmachic tuclla shina cachunmi mañani.

ROMANOS 14:10

Shina cacpica, ¿ima nishpatac caishuc crictaca p'iñashpa rimangui? ¿Ima nishpatac caishuc crictaca p'iñangui? Tucuimi Diospac ñaupapica ricurigrishun. Paimi allitapish, mana allitapish ninga.

ROMANOS 14:3

Shina cashcamanta tucuita micucca mana tucuita micuctaca mana p'iñanachu, shinallatac mana tucuita micucpish, tucuita micuctaca mana p'iñashpa rimanachu. Diosca ima shina cashcatapish chasquishcallami.

ROMANOS 14:4

Shina cacpica, ¿ima nishpatac canca shucpac servictaca juchanchishpa rimangui? Alli cachun, mana alli cachunpish paipac amollatacmi imatapish ninga. Apunchic Jesús imatapish ruhuaclla cashcamanta paita huacaichicpimi, alli nishca canga.

ROMANOS 16:17

C'uyashca criccuna, pandachishpa ch'icanyarinapi churaccunamantaca cancunallatac huacaichirichic, ninimi. Chaicunaca cancuna yachacushcacunata mana cazushpami, chashnaca ruhuancuna. Paicunamantaca ch'icanyarichic.

1 CORINTIOS 10:32

Cancunaca israelcunatapish,*f** mana israelcunatapish,*f** shinallatac Diospaclla cac tandanacushca criccunatapish ama ima mana allita ruhuashpa pandachichicchu.

1 CORINTIOS 11:13

Huarmicuna umata mana tapallishpa, Diosman mañana alli cashcata, mana alli cashcataca cancunallatac imata cashpapish nichic.

2 CORINTIOS 5:14

Cristo tucuimanta huañushcata yachac chayashcamanta pachami, paipac c'uyaica ñucanchicman yuyaita cun. Cristo huañushcamantami tucui mashna huañushca shina canchic.

2 CORINTIOS 6:3

Ñucanchic ima ruhuashcacuna pipacpish mana allichu nishca ama cachunca, pimanpish ima mana allita ruhuashpa mana ricuchicunchicchu.

FILIPENSES 1:10

Chashna cashpami imapish allicunallata acllashpa, chaicunata ruhuashpa, Cristo cutimuna punzhapica mana juchanchishca canguichic.

1 TIMOTEO 5:14

Chashna cashcamantami huambrarac viuda huarmicunataca cazarashpa, huahuacunata charishpa, quiquin huasipi sumacta causachun nini. Chashna causacpimi, criccunata p'iñaccunaca mana juchanchingacuna.

SANTIAGO 2:4

Chai shina cancunapurallatac “caica allimi, chaica mana allichu” nishpa ch'icanyachishpaca, mana alli yuyaicunahuanmi ruhuacunguichic.

SANTIAGO 4:11

C'uyashca criccuna, caishuc chaishuc imapish mana allitaca ama huashalla rimanacuichicchu. Maijanpish shuc cricta mana allichu nishpa rimashpa, mana cashpaca juchanchishpaca, Dios mandashcata mana cazushpami mana alli nishpa juchanchin. Mandashcata mana allichu nishpa mana cazushpaca, juez shinami tucungui.

1 JUAN 2:10

Maijanpish criccunata c'uyacca achicyachic luzpimi causacun. Chashna cashcamantaca ima juchapish paitaca mana urmachingachu.

APOCALIPSIS 2:14

Shina cacpipish cancuna mana allita ruhuacushcataca taucacunatami ricuni. Chaipica Balaam yachachishcacunata c'atishpa mana saquinata munaccunatami charinguichic. Paimi israelcunataca*f** chai ruhuashcalla dioscunaman cushca micunata micuchunlla, huacllirichunlla, juchapi urmachichunlla nishpa, Balactaca yachachishca carca.