ROMANOS 14:1 - Nuevo Testamento en Quichua Cañar 1996

¹ Manarac sinchi criccunataca mana caita chaita nishpami, alli chasquina canguichic.

Dios Rimashcata Quillcashcami

¹ Manarac sinchi criccunata chasquishpaca, ama caita chaita ninguichicchu.

ROMANOS 14:1 ပူးပေါင်းရင်းမြစ်များ

SAN MATEO 12:20

Huishtuyashca huamactapish mana p'aquingachu, shinallatac ashalla japiricuc michatapish pai tucuita mishashpa mandana punzhacamanca mana huañuchingachu.

SAN MATEO 14:31

Shina caparincami Jesusca, Pedrota maquimanta japishpaca: —¿Ima nishpatac caita chaita yuyashpa, ñucataca mana tucui shunguhuan crircangui?— nirca.

SAN MATEO 18:10

Pacta cai uchilla huahua shinacunata ‘imapac mana valinchu’ nishpa p'iñanguichicman. Ñucaca cashnami nini: Paicunata ricuracuc angelcunaca tucui causaipimi, jahua pacha ñuca Taitapac ñaupapi causacuncuna.

MARCOS 7:19

Imapish shimita yaicucca shunguman mana yaicushpami, huicsallaman yaicun. Q'uipamanca llucshinllami— nirca. Chashna nishpaca, ima micunatapish micunallami nishpami, Jesusca yachachirca.

SAN LUCAS 17:2

Huahuacuna shina ñucata criccunata maijanpish juchapi urmachictaca, cutana rumita cungapi huatashpa, jatun cuchapi shitanami ashtahuan alli canman.

SAN JUAN 13:20

Maijanpish ñuca cachashcata chasquicca, ñucatami chasquin. Shinallatac ñucata chasquicca, ñucata cachactami chasquin. Chaica chashnatacmi can— nirca.

HECHOS 28:2

Chai llactapi causaccunapish ñucanchictaca llaquishpa allimi tuparcacuna. Tamiapi chirihuan upayacucpimi, ninata japichishpa masharichun ningapac ñucanchictaca c'ayarcacuna.

ROMANOS 11:15

Israelcunata Dios shitacpimi, tucui cai pachapi causaccunaca Diospacman cuchuyai pudircacuna. Shina tucucpica, israelcunata Dios chasquicpicarin, huañushcacuna causarishca shinami canga.

ROMANOS 14:2

Maijan criccunaca: “Imatapish micunalla” nishpami yuyancuna. Cutin maijan manarac sinchi criccunaca: “Chagrapi p'ucushca llullu micunallatami micuna” nishpami yuyancuna.

ROMANOS 14:21

Shuctac criccuna ama pandarichunca aichatapish mana micushpa, vinotapish mana ubiashpa, shinallatac ima shuctaccunatapish mana ruhuashpami ashtahuan alli canman.

ROMANOS 14:3

Shina cashcamanta tucuita micucca mana tucuita micuctaca mana p'iñanachu, shinallatac mana tucuita micucpish, tucuita micuctaca mana p'iñashpa rimanachu. Diosca ima shina cashcatapish chasquishcallami.

ROMANOS 15:1

Ñucanchic sinchi criccunaca manarac alli yachac criccuna ama pandarishpa, crishpa c'atichun ayudanami canchic. Ñucanchicpaclla alli cachunca, imatapish mana ruhuanachu canchic.

ROMANOS 15:7

Ima shinami Cristo ñucanchicta Taita Dios alli nishca cachun chasquirca, chai shinallatac cancunapish caishuc chaishuchuan chasquinacuichic.

ROMANOS 4:19

Abrahamca pasac huata shinatami charirca. Shinallatac paipish, paipac huarmi Sarapish ña yuyac cashcamanta mana huahuata charishpa, huañunalla cashcatami yacharca. Shina cashpapish, huahuata charinata crinataca mana saquircachu.

1 CORINTIOS 9:22

Manarac sinchi criccunahuan cashpaca, paicuna quishpirichunmi paicuna shina tucuni. Chashna tucui laya tucushpaca, maijancunallapish quishpirichunmi imapish tucuni.

FILIPENSES 2:29

Paica Apunchic Jesusta cric cashcamantaca, quiquin huauqui shinami. Chaimanta paitaca tucui shunguhuan cushicushpa alli chasquinguichic. Shinallatac maijanpish pai shina caccunataca, allimi ninguichic.

1 TESALONICENSES 5:14

Shinallatac c'uyashca criccuna, chai imata mana ruhuasha nic q'uillacunatapish rimaichic, llaquilla caccunatapish cushichichic, manarac sinchi criccunatapish yachachichic. Shinallatac tucuihuan mana p'iñarishpa, alli shungu caichic.

HEBREOS 5:14

Pipish sinchi micuita micucca ña yuyaita charishpami, imatapish taripashpa, allitapish, mana allitapish yachashpa causan.

2 JUAN 1:10

Shina cashcamanta maijanpish cancunapac huasiman rishpa Cristo yachachishca shina mana yachachictaca, ama chasquinguichicchu. Chashna llullashpa huillaccunataca “allillachu shamungui” ninallatapish, ama ninguichicchu.