ROMANOS 13:1 - Nuevo Testamento en Quichua Cañar 1996

¹ Cunan punzha mandaccunaca Dios churashcami. Dios mana churashca mandacca mana tiyanchu. Chaimanta tucui mashna mandaccunataca cazunami canchic.

Dios Rimashcata Quillcashcami

¹ Tucui mandaccunaca Dios churashcami. Chaimanta tucui mashna paicunataca cazuichic.

ROMANOS 13:1 ပူးပေါင်းရင်းမြစ်များ

SAN MATEO 6:13

Ama ima millaipi urmachun saquinguichu, ashtahuanpish tucui mana allimanta huacaichingui. [Canmi huiñai huiñaita tucuita mandacpish, tucuita ruhuacpish, sumaimana cushicuipish cangui. Chashna cachun]’ nishpa mañanguichic.

SAN JUAN 19:11

Shina nicpi Jesusca: —Taita Dios imatapish ruhuana cashcata cucllapimi, ñucataca imatapish ruhuai pudingui. Shina cacpica, canman apamushpa cucmi, canta atishpa yalli juchayucca can— nirca.

HECHOS 2:41

Chaipi caccunamantaca taucacunami Pedro huillashcata cazushpaca bautizarircacuna. Chai punzhapica, quimsa huaranga shinami cric tucushpa, caishuc criccunahuan tandanacurcacuna.

ROMANOS 12:21

Millai mishachunca ama saquichu. Chaipac randica allita ruhuashpa millaita mishai.

ROMANOS 13:2

Chashna cashcamanta maijanpish mandaccunata mana cazushpaca, Dios mandashcatami mana cazun. Chashna mana cazuccunataca llaquichishcami cana can.

EFESIOS 5:21

Apunchic Jesucristota cazushcamanta caishuc chaishuc cazunacuichic.

1 TIMOTEO 2:2

Tucui ñucanchic sumacta apanacushpa causangapacca, jatun mandaccunamantapish shinallatac llactata mandaccunamantapish Taita Diosman mañashpami causachun munani. Shina mañashpami Diosta cazushpa, imapipish alli nishca cashun.

TITO 3:1

Criccunataca llactata mandaccunatapish, pueblota mandaccunatapish allita cazushpa, imata ruhuachun mandacpipish cushilla ruhuachunlla nishpa yachachingui.

SAN JUDAS 1:8

Chashna cashpapish chai llullashpa yachachiccunaca “muscunchicmi” nishpami, caishuccunata pandachishpa, paicunallatac mapayancuna. Shinashpami Mandac Diostapish mana cazushpa, jahua pacha jatun mandaccunatapish mana alli nishpa, rimashpa c'amincuna.

APOCALIPSIS 1:5

Shinallatac cai pachapi tiyac jatun mandaccunata Mandac, huañushcacunapuramanta punta causaric Jesucristo cancunaman sumac causaita cuchunmi munani. Paica Diosmanta allita huillacmi. Jesucristoca c'uyac cashpami paipac yahuarta jichashpa, juchapi huatashca shina causacucpi ñucanchictaca cacharichirca.

APOCALIPSIS 17:14

Chaicunaca Pactalla Ovejahuanmi*f** macanacunga. Shina cacpipish, amocunapac Amo, jatun mandaccunapac Jatun Mandac cashcamantami Pactalla Ovejaca Dios c'ayashpa acllashca, paita allita c'aticcunahuan tucushpa, paicunata mishanga— nirca.

APOCALIPSIS 19:16

Paipac churanapipish, changapipish “Amocunapac Amo, Jatun Mandaccunapac Jatun Mandac” nishca quillca apashcami carca.