ROMANOS 12:8 - Nuevo Testamento en Quichua Cañar 1996

⁸ Shuccunata cunac canata cushca cacpica, alli cunacmi cana can. Shuccunaman imatapish cuc canata cushca cacpica, tucui shunguhuan cucmi cana can. Mandac canata cushca cacpica, alli mandacmi cana can. Imapipish ayudac canata cushca cacpica, cushicushpami ayudana can.

Dios Rimashcata Quillcashcami

⁸ Shuccunata cunacta ruhuashca cacpica, cunashpa catichun. Shuccunaman ima illashcata cucta ruhuashca cacpica, tucui shunguhuan cushpa catichun. Mandacta ruhuashca cacpica, mandashpa catichun. Ayudacta ruhuashca cacpica, ayudashpa catichun.

ROMANOS 12:8 ပူးပေါင်းရင်းမြစ်များ

SAN MATEO 25:40

Shina nicpi ñucaca: ‘Tucui caicunata cai yangalla shina ñuca huauquicunaman ruhuashpaca, ñuca quiquinmanmi ruhuarcanguichic. Chaica chashnatacmi’ nishami.

HECHOS 11:23

Bernabé chaiman chayashpaca, Taita Diosca mai c'uyashpa, quishpichishcata ricushpaca cushicurcami. Paica tucui criccunatami: “Apunchic Jesusllata tucui shunguhuan alli cazunguichic” nishpa cunarca.

HECHOS 13:12

Mandac Sergioca Apunchic Jesusmanta yachachishcata uyashpa, shinallatac chashna tucushcata ricushpacarin, mana amirishpami crirca.

HECHOS 13:15

Chaipi cacpimi, mandashcacunata Dios quillcachishcatapish, ñaupa huillaccunaman Dios quillcachishcatapish uyashca q'uipaca, chai tandanacuna huasipi mandaccunaca: —Huauquicuna. Imata cunashun nishpaca, cunaichiclla— nichun cacharcacuna.

HECHOS 15:32

Judaspish, Silaspish Diosmanta huillaccuna cashpami, chai criccunataca tauca cutin alli cunashpa yachachircacuna. Chashna yachachicpimi, criccunaca cushicushpa, ashtahuan c'atina yuyaita japircacuna.

HECHOS 20:2

Chai llactapi causac tucui criccunata “alli c'atichic” nishpa cunashpami, Grecia llactaman chayarca.

HECHOS 20:28

Apunchic Jesusca paipac yahuarta jichashpa huañushpami, criccunataca randirca. Chashna cashcamanta cancunallatac alli yuyaihuan, tucui tandanacushca criccunata ricunguichic. Paicunata alli ricuchunmi, Diospac Espirituca cancunata michic shina cachun churarca.

HECHOS 4:36

Chipre llactamanta curacunata ayudac levita José runapish, criccunahuanmi carca. Paitaca Jesús acllashca huillaccunaca Bernabetami shutichircacuna. Bernabé shutica: “Cushichic runa” nisha ninmi.

ROMANOS 12:13

Criccunapurapi ima illacpica, quiquinpac ima illashcata shina yuyashpa cunguichic. Maijanpish cancunapac huasiman shamucpica, alli chasquinguichiclla.

ROMANOS 13:6

Mandaccunaca Diospacta ruhuac cashpami, chaillata ruhuashpa causancuna. Chaimanta impuestota cunami canguichic.

1 CORINTIOS 12:28

Taita Diosca tandanacushca criccunapurapica, puntaca Jesús acllashca huillaccuna tiyachun, q'uipaca Dios ima nishcata huillaccuna tiyachun, chaipac q'uipaca yachachiccuna tiyachunmi munan. Shinallatac pi mana ruhuaipacta ruhuaccuna, jambiccuna, ayudaccuna, pushaccuna, jaicapi mana uyashca rimaicunata rimaccuna tiyachunmi munan.

1 CORINTIOS 14:3

Shina cacpipish Dios ima nishcata huillacca tandanacuipi caccuna ashtahuan allita yuyarishpa, sinchiyashpa, cushicushpa c'atina yuyaita charichunmi, chashnaca huillan.

2 CORINTIOS 1:12

Ñucanchic cai pachapi causacushpaca, ima mana allita mana ruhuashpa, imatapish cashcata ruhuashpa causacushcatami yachanchic. Ashtahuancarin cancunahuanmi chashna causarcanchic. Chaimantami cushicunchic. Chashnaca mana ñucanchic yuyaillamantachu causanchic, ashtahuanpish Taita Dios mai c'uyashcallamanta yuyaita cucpimi, chashna causacunchic.

2 CORINTIOS 11:3

Shina cashpapish ima shinami culebra paipac yachac tucushca cashcahuan Eva huarmita umashpa crichirca, chashnallatac cancunamantapish Cristota tucui shunguhuan c'atina yuyaicunata anchuchishpa, chingachinatami manchani.

2 CORINTIOS 8:12

Maijanpish pai charishcamanta tucui shunguhuan imata cucpica, Taita Diosca chasquinmi. Ashtahuanpish Taita Diosca imata mana charishcataca mana mañanchu.

2 CORINTIOS 9:11

Chashna Taita Dios cucpimi, cancunaca tucui laya allicunata chasquishpa, mana misarishpa, tucui shunguhuan cungapac charinguichic. Cancuna ayudashpa imallata tandachishpa cachacpica, chaita chasquic criccunaca ñucanchic chashna ruhuashcamantami Taita Diostaca pagui ningacuna.

2 CORINTIOS 9:13

Cancuna Cristomanta huillacushca alli huillaita cazushcamanta ayudacushcata yachashpami, paicunamanpish shinallatac shuccunamanpish tucui shunguhuan ayudashcamantaca, paicunaca Taita Diostaca “allimari cangui” ningacuna.

2 CORINTIOS 9:7

Mana misarishpa, shinallatac mana mandashcallamantachu cuna, ashtahuanpish tucui shunguhuanmi cuna can. Chashna cushicuihuan cuctami Taita Diosca c'uyan.

EFESIOS 6:5

Cai pachapi amocunapacta ruhuaccuna, Cristopacta ruhuac shinallatac, manchaihuan tucui shungumanta imata ruhuana cacpipish, amopacta ruhuaichic.

COLOSENSES 3:22

Serviccunapish, cai pachapi tiyac amocuna tucui ima nishcata cazushpa, ama paicuna ricucucpi alli ricuringaraiculla ruhuac tucuichicchu, ashtahuanpish Apunchic Jesusta alli niccuna cashcamanta, tucui shunguhuan ruhuaichic.

1 TESALONICENSES 2:3

Ñucanchicca mana pandatachu huillarcanchic. Mana alli yuyaicunahuan pita umangaraicupish, mana huillarcanchicchu.

1 TESALONICENSES 2:8

Cancunata mai c'uyashpami, quishpirinamanta alli huillaita huillashpallapish mana saquishun nircanchic, ashtahuanpish quiquin causaitapish cunatami munarcanchic. Cancunataca maimi c'uyanchic.

1 TIMOTEO 4:13

Ñuca shamungacamanca, Dios rimashca shimita criccunaman rizashpa, yachachishpa cunangui.

1 TIMOTEO 5:17

Tandanacushca criccunata allita pushaccunaca, tucuimanta yallitami japina can. Ashtahuancarin alli huillaita huillashpapish, yachachishpapish puriccunami yallita japina can.

1 TIMOTEO 6:18

Chayuccunataca imatapish allita ruhuashpa, mana misarishpa shuccunaman carashpa, chaicunahuan chayuc shina cachun yachachingui.

HEBREOS 10:25

Shinallatac mana tandanacuccuna shina ama cashunchic. Chaipac randica ñucanchic tandanacuicunaman caishuc chaishuc tandanacushpa, Apunchic Jesús ñalla cutimuna cashcata yuyachinacushpa, ashtahuan c'atina yuyaita cushunchic.

HEBREOS 13:17

Cancunata pushaccunata cazuichic. Paicunaca Taita Diosman ima ruhuashcatapish ricuchina cashcamantami, mana samarishpa cancunataca ricuracun. Paicuna mana llaquirishpa, cushilla imatapish ruhuachunca, paicunahuanca alli caichic. Paicuna mana cushilla pushacpica, ima allita cancunaca mana japinguichicchu.

HEBREOS 13:22

C'uyashca criccuna, cancuna alli c'atichun nishpa, cai ñuca asha quillcashcataca mana p'iñarishpa chasquichun nishpami mañani.

HEBREOS 13:24

Tucui cancunata pushaccunatapish, shinallatac Diospaclla cac tucui criccunatapish “allilla cashca cachun” ninchicmi. Italia llactapi causac criccunapish, “allilla cashca cachun” nishpami cachancuna.

HEBREOS 13:7

Diosmanta alli huillaita maijan cancunaman huillashpa pushashcataca yuyarichicyari. Paicuna causashcata yuyarishpa, paicuna ima shina crishcata ricushpa c'atichic.