ROMANOS 12:6 - Nuevo Testamento en Quichua Cañar 1996

⁶ Taita Diosca pai munashca shinami, tucui ñucanchicman ch'ican ch'ican imata ruhuac cachun cushca. Paimanta huillana yuyaita cushca cacpica, ima shina crishca shinallatacmi huillana can.

Dios Rimashcata Quillcashcami

⁶ Dios cuyashcamantami tauca ruhuaicunata ruhuachun ñucanchicman cushca. Pai ima nishcata huillacta ruhuashca cacpica, ima shina crishca shina huillachun.

ROMANOS 12:6 ပူးပေါင်းရင်းမြစ်များ

SAN MATEO 23:34

Chaimantami Diosmanta huillaccunatapish, alli yachaccunatapish, shinallatac yachachiccunatapish cachagrini. Chashna cachacpipish, cancunaca maijancunataca chacatashpa huañuchinguichicmi. Maijancunataca tandanacuna huasicunapimi macashpa, pueblo pueblota llaquichishpa puringuichic.

SAN MATEO 25:22

Ishcai talento cullquita japic runa q'uipata chayashpapish: ‘Amito, caipimi can saquishca ishcai talento cullquitaca, ishcai talento cullquihuan mirachircani’ nirca.

SAN LUCAS 11:49

Chaimantami Taita Diosca tucuita yachac cashpa, cashna nirca: ‘Ñuca ima nishcata huillaccunatapish, shinallatac ñuca acllashca huillaccunatapish cachashami. Chai cachashcacunamanta maijancunataca huañuchingacunami, maijancunataca mana ricunachishpa llaquichingacunami’ nirca.

HECHOS 13:1

Antioquía pueblopi causac tandanacushca criccunapurapica, Diosmanta huillaccunapish, yachachiccunapish tiyarcami. Paicunapurapica Bernabepish, Niger nishca Simonpish, Cirene pueblomanta Luciopish, Galilea llactata mandac Herodeshuan huiñac Manaenpish, Saulopish carcami.

HECHOS 15:32

Judaspish, Silaspish Diosmanta huillaccuna cashpami, chai criccunataca tauca cutin alli cunashpa yachachircacuna. Chashna yachachicpimi, criccunaca cushicushpa, ashtahuan c'atina yuyaita japircacuna.

HECHOS 2:17

Taita Diosca: ‘Tucuri punzhacunapica ñuca Espiritutaca tucuimanmi cachasha. Ña chashna cachacpica, cancunapac churicunapish, ushicunapish ñucamanta huillangacunami. Cancunapac q'uipa huiñaicunapish, muscuipi shina ricungacunami. Ña yuyaccunapish muscungacunami.

HECHOS 21:9

Felipeca chuscu manarac cazarashca ushicunatami charirca. Paicunaca Diosmanta huillaccunami carca.

ROMANOS 1:11

Cancuna ashtahuan crishpa c'atichun nishpami, Diosmanta imalla alli yuyaicunata cungapac cancunataca ricugrinata munacuni.

ROMANOS 12:3

Taita Dios ñucata c'uyashpa acllashcamantami, cancunataca ama quiquinllatac yachac tucuchun nini. Chaipac randica cricpi Taita Dios cushcallata yuyashpa, ama chaimanta yallita yuyachun ninimi.

1 CORINTIOS 12:18

Ashtahuanpish Taita Diosca ch'ican ch'ican partecunatami, maipimi alli cana cacpi cuerpopica churashca.

1 CORINTIOS 13:2

Dios ima nishcata huillacushpapish, tucuita yachashpapish, Diosmanta pipish mana yachashcata yachashpapish, shinallatac urcucunata cuyuchingapac tucui shunguhuan cric cashpapish, c'uyaita mana charishpaca, ima mana canichu.

1 CORINTIOS 14:1

Tucuimanta yallica, c'uyaita charinata yuyaichic. Shinallatac Diospac Espíritu imata ruhuac cachun cushcacunata yallita munaichic. Yallicarin Taita Dios ima nishcata huillac canata munaichic.

1 CORINTIOS 14:24

Ashtahuanpish tucui mashna Dios ima nishcata huillacucpi, shuc manarac yachac, mana cashpaca manarac cric yaicushpaca, paillatacmi tucui ima nicushcata uyashpa, “juchayucmi cashcani” nishpa yuyaringa.

1 CORINTIOS 14:29

Shinallatac Dios ima nishcata huillaccuna tiyashpaca, ishcai cashpa, quimsa cashpa huillachun. Shuccunaca chai huillashca alli cashcata, mana alli cashcata yuyarichun ninimi.

1 CORINTIOS 3:5

Ñucanchicca Pablo cashpa, Apolos cashpapish ima mana canchicchu, ashtahuanpish Apunchic Jesuspacta ruhuaccunallami canchic. Ñucanchic huillacpimi, cancunapish paita criccuna tucurcanguichic. Ñucanchicca Apunchic Jesús imata ruhuachun ricuchishcallata ruhuaccunami canchic.

1 CORINTIOS 7:7

Ñucamanta nishpaca, tucui c'aricuna ñuca shina causachunmi munani. Shina cacpipish mana tucuimanchu Taita Diosca chai shina canata cushca, ashtahuanpish shucmanca shuctac laya canata, caishucmanca shuctac laya canatami cushca.

2 CORINTIOS 8:12

Maijanpish pai charishcamanta tucui shunguhuan imata cucpica, Taita Diosca chasquinmi. Ashtahuanpish Taita Diosca imata mana charishcataca mana mañanchu.

EFESIOS 3:5

Ñaupamanca chai mana yachashcataca pimanpish mana ricuchishcami carca. Ashtahuanpish cunanca paipac Espiritumantami Taita Diosca paipaclla cac acllashca huillaccunamanpish, paimanta huillaccunamanpish ricuchishca.

EFESIOS 4:11

Chai shinami paillatac shuccunataca pai acllashca huillaccuna cachun, shuccunataca Dios ima nishcata huillaccuna cachun, shuccunataca quishpirinamanta alli huillaita huillaccuna cachun, shuccunataca criccunata pushaccuna cachun, cutin shuccunataca yachachiccuna cachun acllashpa, Diosmanta ruhuac canata curca.

FILIPENSES 3:15

Alli sinchi criccunaca chai shinallatacmi yuyana canchi. Ima shuc layata yuyacucpipish, Diosllatacmi cancuna alli yachachunca yuyaita cunga.

1 TESALONICENSES 5:20

Dios ima nicushcata Diosllatac huillana yuyaita cucpica, pacta mana uyashun ninguichicman.

2 PEDRO 1:20

Shina cacpipish tucuimanta yallica caita yuyarichic: Diosmanta ñaupa huillaccuna quillcashpa huillachishcacunataca, Dios mana yuyaita cucpica, pipish “cashnami, chashnami” mana ni pudinchu.