ROMANOS 12:2 - Nuevo Testamento en Quichua Cañar 1996

² Cai pachapaclla causaccuna shina ama causaichicchu. Chaipac randica Diospac Espíritu mushuc yuyaita cushpa, cancunapac causaita mushucyachichun saquichic. Chashna causashpami imapish allita cashcata, Diosman alli ricuric cashcata, shinallatac chashnatac cashcata yachac chayanguichic. Tucui chaicunaca Diospac munaimantami.

Dios Rimashcata Quillcashcami

² Ama cai pacha gentecuna munashca shina causaichicchu. Chaipac randica, mushuc yuyaihuan shuctaclaya causaichic. Chashna causashpami, Diospac munaica sumac cashcata, yachac chayanguichic.

ROMANOS 12:2 ပူးပေါင်းရင်းမြစ်များ

SAN MATEO 13:22

Casha chaupipi urmashca muyu shinaca, Taita Dios rimashca shimita uyashpapish, cai pachapi imatapish charina yuyaicuna, shinallatac charishpapish ashtahuan charina yuyaicuna shamushpami, chai uyashcataca aguachic shina chingachinlla. Shina cashpami, mana p'ucuc muyu shina ricurincuna.

MARCOS 4:19

Chashna uyashpapish, cai causaipacllami imatapish munancuna. Ña charishpacarin, ashtahuan charinata munashpami pandarincuna. Quishpirinamanta huillashcataca chai tucui munaicuna shamushpami, aguachic shina cungachin. Chaimantami paicunaca grano mana p'ucuc shina ricurincuna.

SAN JUAN 14:30

Cai pachata mandac shamucushcamantaca, cancunahuanca mana ashtahuan parlacushallachu. Shina cacpipish ñucahuanca paica imata mana ricunata charinchu.

SAN JUAN 15:19

Cancuna cai pachapaclla causaccuna shina causacpica, cai pachapaclla causaccunaca paicuna c'uyanacuc shinami c'uyanmancuna. Shina cacpipish cancunataca paicunapuramantami ñucaca acllarcani. Ña mana cai pachapaclla causaccuna shina cashcamantami, cancunataca p'iñancuna.

SAN JUAN 17:14

Can rimashca shimitaca paicunaman huillashcanimi. Paicuna mana cai pachapaclla cashcamantami, cai pachapaclla causaccunaca p'iñancuna. Ñucapish mana cai pachamantachu cani.

SAN JUAN 7:7

Cai pachapi causaccunaca cancunataca mana p'iñanchu, ashtahuanpish paicuna mana allita ruhuashcata ñuca huillashcamantami, ñucataca p'iñancuna.

ROMANOS 12:1

Chaimanta ñuca c'uyashca criccuna, Taita Dios llaquishcamanta cancunapac cuerpota Taita Diosman cushpa, rupachishca shina paipaclla tucushpa, pai munashca shina causachunmi mañani. Chashna ruhuashpami, Taita Diosta tucui shunguhuan alli ninguichic.

ROMANOS 13:14

Chaipac randica Apunchic Jesusta churanataca churaric shina, paihuan tucushpa millaita mishaichic. Ashtahuanpish ama cai pacha jucha munashcata ruhuaichicchu.

ROMANOS 7:12

Mandashcacunaca Taita Dios cushcami. Mandashcacunapi ima nicushcapish Diosmanta shamushca cashpami, cashcata ruhuangapacpish, tucui imapacpish alli can.

ROMANOS 7:14

Mandashcacunaca Diosmanta cashcatami yachanchic. Shina cashpapish, ñuca cai pachapi causacushcamantaca, juchata ruhuangapacca huatashca shinami cani.

ROMANOS 7:22

Ñuca shungupica Dios mandashcacunahuanca yallitami cushicuni.

1 CORINTIOS 3:19

Cai pacha gentecuna yachashcallaca, Diospac ñaupapica imata mana yachashca shinami. Dios quillcachishcapica: “Taita Diosca chai jatun yachaccunataca, paicunapac yachashcallahuantacmi tucllapi shina urmachin” ninmi.

2 CORINTIOS 4:4

Ashtahuanpish paicunaca mana crinchu. Dios ima shina cashcata ricuchic, sumac Cristomanta achicyachic luz shina alli huillaita ama entendichunmi, paicunapac yuyaitaca cai pachapi mandac Satanasca*f** amsayachishpa charicun.

2 CORINTIOS 5:17

Chaimanta maijanpish Cristohuan shuc shinalla tucushpaca, mushuc runami tucun. Ñaupa causaita saquishpami, mushuc causaita causan.

GÁLATAS 1:4

Jesucristoca ñucanchic juchacunamanta huañushpami, cai pacha millai gentecuna shina ama causachun ñucanchicta quishpichishpa, ñucanchic Taita Dios munashcata pactachirca.

EFESIOS 1:18

Cancuna pai c'ayacpi imata shuyana cashcata yachachun, shinallatac paipaclla caccunaman Dios cusha nishcaca sumac cashcata yachachunmi, alli yuyaita cuchun nishpa Diosman mañani.

EFESIOS 2:2

Chashnami cancunaca cai pacha ima millaita c'atishpa, huairapi puric mandac millai espíritu munashcata ruhuashpa causacurcanguichic. Chai espiritumi Taita Diosta mana cazuccunataca mana allita ruhuachishpa mandacun.

EFESIOS 5:17

Imata mana yachaccuna shina ama caichicchu, ashtahuanpish Apunchic Jesucristo ima munashcata yachana yuyailla caichic.

COLOSENSES 1:9

Chaimantami ñucanchicca yachac chayashca punzhamanta pacha, cancunamanta Taita Diosman mañacunchiclla. Dios munashcata cancuna allita ricsichun, paipac Espíritu cancunaman yuyaita cushpa allita yachachichunmi,

COLOSENSES 3:10

Cancuna mushuc churanata churaric shinami, mushuc yuyaita japishcanguichic. Imatapish ruhuac Taita Dios mushucta ruhuashpa pushacpimi, cancunaca pai shina tucunguichic. Chashna cashpami, Taita Diosta allita ricsic chayanguichic.

COLOSENSES 4:12

Jesucristopacta ruhuac, cancunapuramanta Epafraspish “allilla cashca cachun” nishpami cachan. Cancuna alli c'atishpa, tucui shunguhuan Diospac munaita alli yachashpa, Diospacta ruhuachunmi, punzhanta Taita Diosman mañacunlla.

1 TESALONICENSES 4:3

Taita Diosca paipaclla causashpa, pipish ama huacllirishpa,

TITO 3:5

ñucanchicta quishpichirca. Mana ñucanchic ima allita ruhuashcamantachu quishpichirca, ashtahuanpish ñucanchicta llaquishcallamantami quishpichirca. Taita Diosca paipac Espirituhuan tucui juchacunamanta chuyayachishpami, mushuc causaita curca.

SANTIAGO 1:27

Maijanpish Taita Diospac ñaupapi Diosta tucui shunguhuan alli cricca, llaquilla cac viuda huarmicunatapish, taita mamata mana charic llaquilla cac huahuacunatapish ayudanami can. Shinallatac cai pachapi tiyac imapish juchallinacunamantaca huacaichirinami can.

SANTIAGO 4:4

¡Aij, Diosta mana cazuc gentecunalla! Cai pachapaclla caccunata c'uyacca, Taita Diostaca p'iñanmi. Chaitaca, ¿manachu yachanguichic? Maijanpish cai pachapaclla caccunata c'uyasha niccunaca, Taita Diosta p'iñaccunami tucun.

1 PEDRO 1:14

Alli cazuc huahuacuna shina, Diosta cazuichic. Diosta manarac ricsic cashpa, jucha munashca shina causanataca ama munaichicchu.

1 PEDRO 1:18

Caitaca cancunallatac alli yuyarichic: Taita Diosca cancunataca cancunapac ñaupa taitacuna causashca shina yangalla yuyaicunahuan causacuctami quishpichirca. Cancunaca mana curihuan, cullquihuan, imapish chingarinallahuan randishcachu canguichic,

1 PEDRO 2:3

Apunchic Jesús mai c'uyac cashcata ña yachashcamantami, chaita ruhuana canguichic.

1 PEDRO 4:2

Cai pachapi causashcacaman cai pacha jucha munaicunata mana ruhuashpa, ashtahuanpish Dios munashca shina causangapacmi, chai shinaca saquin.

2 PEDRO 1:4

Chashna c'ayashpami, pai cusha nishca mai valishca allicunataca cushca. Cancuna cai pacha millaicunata ruhuashpa, llaquiman rigricushcamanta anchurishpa pai shina tucuchunmi, chashna cushca.

2 PEDRO 2:20

Maijanpish ñucanchicta Mandac Quishpichic Jesusta crishpa, chai mana alli causaimanta anchurishcacunami. Chashna anchurishca cashpa, cutin chai mana alli causaiman tigrarishpaca, ñaupa ima shina causacushcatapish ashtahuan yallimi tucun.

1 JUAN 3:13

Ñuca c'uyashca criccuna, cai pachapaclla causaccuna cancunata p'iñacpica ama manchaichicchu.

1 JUAN 5:19

Ñucanchicca Taita Diospac huahuacuna cashcatami yachanchic, shinallatac cai pachapaclla causaccunataca diablo mandacushcatapish yachanchicmi.

APOCALIPSIS 12:9

Chaimantami jatun dragontaca jahua pachamanta llucchishpa shitarcacuna. Chai dragonmi ñaupa rucu culebraca can. Paillatacmi diablo nishcapish, Satanás*f** nishcapish can. Paica tucui cai pachapi causaccunata llullashpa, mana allita ruhuachicmi. Chaimantami paipac angelcunandic cai pachaman llucchishpa shitarcacuna.

APOCALIPSIS 13:8

Tucui cai pachapi causaccunami chai animaltaca “allimari cangui” ningacuna. Chaicunaca cai pachata Taita Dios ruhuashca punzhamanta pacha huiñaita causangapac quillcachina libropi mana quillcashcachu can. Chai librotaca huañuchishca cac Pactalla Ovejami*f** charicun.