ROMANOS 12:19 - Nuevo Testamento en Quichua Cañar 1996

¹⁹ Ñuca c'uyashca criccuna, cancunata maijan llaquichicpica, ama cancunallatac llaquichinata yuyaichicchu, ashtahuanpish Diosllatac llaquichichun saquichiclla. Dios quillcachishcapica: “Llaquichina cacpica, ñucami llaquichisha. Paicuna japina cashca shinallatacmi taripashpa cusha” ninmi.

Dios Rimashcata Quillcashcami

¹⁹ Cuyashca criccuna, cancunata maijan llaquichicpica, ama cancunallatac llaquichinata yuyaichicchu, ashtahuanpish Dios llaquichichun saquinguichic. Chaica, Dios quillcachishcapica: «Llaquichina cacpica, ñucami llaquichisha. Paicuna japina cashcatami cusha» ninmi.

ROMANOS 12:19 ပူးပေါင်းရင်းမြစ်များ

SAN MATEO 5:39

Ashtahuanpish ñucaca cashnami nini: Maijanpish canta ima millaita ruhuachunca, ama p'iñarichu, ashtahuanpish maijan canta alli lado jazhapi huactacpica, lluqui lado jazhapipish huactachun saquinguilla.

ROMANOS 12:14

Cancunata p'iñaccunataca paicunaman Taita Dios allicunata cuchun nishpa mañaichic. Paicuna ima llaqui tucuchun ninapac randica, Taita Dios paicunaman allicunata cuchun nishpa mañaichic.

ROMANOS 12:17

Maijan cancunata mana allita ruhuacpica, ama cancunapish chai shinallatac ruhuaichicchu. Chaipac randica tucuipac ñaupapi allita ruhuanata yuyaichic.

ROMANOS 13:4

Mandaccunaca Dios churashca cashpami, cambac allipac can. Mana yangamantachu, ashtahuanpish mana allita ruhuaccunata llaquichingapacmi paicunaca can. Paicunaca Diospacta ruhuac cashpami, maijanpish llaquichina cacpica, llaquichina cashca shinallatac llaquichic can. Chaimanta mana allita ruhuashpaca manchanami cangui.

EFESIOS 4:27

Diablo ashtahuan pandachishpa c'atichunca ama saquichicchu.

1 TESALONICENSES 4:6

Chaimanta pacta chashna mana allita ruhuashpa, maijan huauquita umashpa mana allita ruhuanguichicman. Chashna ruhuaccunataca tucui mashnatami Apunchic Jesusca yallita llaquichinga.

2 TIMOTEO 4:14

Fierrocunata allichishpa causac Alejandro runaca ñucata mana allita ruhuashpami llaquichirca. Pai chashna ruhuashcamantaca, Taita Diosmi paitapish llaquichinga.

HEBREOS 10:30

Mandac Diosca: “Llaquichina cacpica, ñucami llaquichisha. Paicuna japina cashca shinallatacmi, taripashpa cusha” ninmi. Shinallatacmi: “Ñuca huahuacuna imalla ruhuashcatapish, ñucami taripasha” ninmi. Chaitaca yachanguichicmi.