ROMANOS 11:14 - Nuevo Testamento en Quichua Cañar 1996

¹⁴ Ñuca quiquin llacta aillucunallatac cancuna quishpirishpa alli c'aticushcata ricushpa, quishpirina munaita japishpa, maijancunallapish quishpirichunmi munani.

Dios Rimashcata Quillcashcami

¹⁴ Chashna ruhuashpaca, ñuca llacta aillucuna envidiashpa, maijancunallapish quishpirina munaita charichunmi munani.

ROMANOS 11:14 ပူးပေါင်းရင်းမြစ်များ

ROMANOS 10:19

Shinallatac: “Israelcunaca caicunataca, ¿manachu entendircacuna?” nishpami cutin tapuni. ¡Ari, entendircacunami! Chaimantami Diosmanta Moisés punta huillashpaca: “Mana ñucapaclla caccunata acllashpami, cancunataca ‘cambacllami canchic’ nichisha. Imatapish mana yachaccunata acllashpami, cancunataca p'iñachisha” ninmi.

ROMANOS 11:11

¿Cunanca imatatac nishun? ¿Israelcuna*f** mitcarishpa urmashpaca, chingarishca cangachu? ¡Mana chashna yuyanachu canchic! Ashtahuanpish israelcuna mana cazushcamanta paicunallatac quishpirina yuyaita charichunmi, mana israelcunatapish*f** Taita Diosca quishpichirca.

ROMANOS 9:3

Chaimantami ñuca quiquin aillucunapac randi, ñucallatac Cristomanta anchurishpa, llaquichishca canata munaiman.

1 CORINTIOS 1:21

Tucuita yachac Taita Diosca, paicuna yuyashca shina paita ricsichunca mana saquinchu. Quishpirinamanta alli huillai pucllashca shina cacpipish, Taita Diosca maijanpish paita criccunataca pai c'uyashcallamantami cai huillashcahuan quishpichisha nicun.

1 CORINTIOS 10:33

Ñucaca mana quiquinpac allita mashcashpami, imata ruhuashpapish tucuipac allipac paicuna quishpirichun ruhuacuni.

1 CORINTIOS 7:16

Can huarmica, ¿cambac cusa canmanta quishpirina cashcata, mana quishpirina cashcataca yachanguichu? ¿Can cusapish cambac huarmi canmanta quishpirina cashcata, mana quishpirina cashcataca yachanguichu?

1 TIMOTEO 1:15

Jesucristoca juchayuccunata quishpichingapacca cai pachamanmi shamurca. Chaica chashnatac cashcamantami tucui mashna crina canchic. Juchayuccunamanta nishpaca, ñucami yallita juchayucca cani.

1 TIMOTEO 2:4

Paica quishpirinamanta alli huillaica chashnatac cashcata yachac chayashpa, tucui gentecuna quishpirichunmi munan.

1 TIMOTEO 4:16

Can ima shina yachachicushcamanta, shinallatac ima shina causacushcamantapish alli cuidaringui. Chashna ruhuacushpaca canpish quishpiringuimi, shinallatac can huillashcata uyaccunapish quishpiringacunami.

2 TIMOTEO 1:9

Taita Diosmi paipaclla causachun nishpami, ñucanchictaca quishpichishpa c'ayarca. Mana ñucanchic ima allita ruhuashcamantachu quishpichirca, ashtahuanpish Taita Dios c'uyashcallamantami, Jesucristohuan ñucanchic shuc shinalla tucucpi quishpichirca. Cai pacha manarac tiyacpimi, ñucanchictaca Taita Diosca c'uyashpa, chashnaca ruhuasha nishca.

2 TIMOTEO 2:10

Chaimantami Taita Dios tucui acllashcacuna Jesucristohuan shuc shinalla tucushpa, sumaimana huiñai causaita paicunapish japichun nishpa cai llaquicunataca apacuni.

TITO 3:5

ñucanchicta quishpichirca. Mana ñucanchic ima allita ruhuashcamantachu quishpichirca, ashtahuanpish ñucanchicta llaquishcallamantami quishpichirca. Taita Diosca paipac Espirituhuan tucui juchacunamanta chuyayachishpami, mushuc causaita curca.

FILEMÓN 1:12

Paitaca cambacllamantacmi cachani. Chaimanta ñucata chasquic shinallatac, paitaca chasquingui.

HEBREOS 1:14

Shina cacpica angelcunaca, ¿imatac canga? Angelcunaca Diospacta ruhuachun churashca espiritucunallami, shinallatac quishpirinata chasquiccunata ayudachun cachashcacunallami.

HEBREOS 2:3

Shina cacpica cai sumac quishpirinamanta huillashcata yangapi churashpaca, ¿ima shinatac jatun llaquimanta quishpirishunyari? Cai quishpirinataca Apunchic Jesusmi punta huillarca. Chaimantami pai huillashcata uyaccunaca chashnatac cashcata yachashpa, ñucanchicman huillarca.

SANTIAGO 5:20

chai pandarishpa causacuc juchayucpac almata huañuimanta quishpichinmi. Shinallatac Taita Diosca achca juchacunatapish perdonangami. Chaitaca yuyarinami canguichic.