ROMANOS 10:9 - Nuevo Testamento en Quichua Cañar 1996

^9-10 Taita Dioshuan alli tucungapacca, tucui shunguhuanmi crina can. Shinallatac quishpiringapacca, quiquin shimihuanmi Jesusta crishcata huillana can. Chaimanta: “Jesusca ñucata Mandacmi” nishpa cambac shimihuan huillashpa, shinallatac huañushcacunapuramanta Taita Dios Jesusta causachishcata tucui shunguhuan crishpaca, quishpiringuimi.

Dios Rimashcata Quillcashcami

⁹ Cambac shimihuan “Jesusca ñucata Mandacmi” nishpa, tucui shunguhuan Dios Jesusta huañushcacunapuramanta causachishcata crishpaca quishpiringuimi.

ROMANOS 10:9 ပူးပေါင်းရင်းမြစ်များ

SAN LUCAS 12:8

Cancunaman huillanimi: Maijanpish gentecunaman ñucata c'aticushcata mana pingashpa huillacpica, Runa Tucungapac shamushca*f** ñucapish Taita Diospac angelcunapac ñaupapi, ‘paimi ñucata c'atic’ nishpami huillasha.

SAN JUAN 9:22

“Maijanpish ‘Jesusca Quishpichic Cristomi’ nishpa huillacpica, israelcunapac tandanacuimanta llucchishpa cachashcami canga” nishpami, mandac israelcunaca ñaupaman yuyarinacushca carca. Chaimantami mandac israelcunata manchashpa, taita mamaca chashna nirca.

HECHOS 16:31

Chashna tapucpimi paicunaca: —Apunchic Jesucristota cri. Paita crishpami canpish, cambac tucui familiacunapish quishpiringuichic— nircacuna.

HECHOS 2:24

Chashna cancuna Jesusta huañuchicpipish, Taita Diosca llaquiman apac huañuimantaca cacharichishpami causachirca. Shina ruhuacpimi, huañuipish Jesustaca mana ati pudirca.

HECHOS 2:32

Taita Diosca pai cachashca Jesusllatatacmi causachirca. Ñucanchicca chai ricushcata huillaccunami canchic.

HECHOS 8:36

Ña yacu cuchuta ricushpami, chai runaca: —Riqui, caipica yacu tiyashcami. ¿Manachu ñucaca bautizari pudini?— nirca.

ROMANOS 14:11

Dios quillcachishcapica: “Mandac Diosca: ‘Ñucaca causacucllami cani. Chashna cashcamantami ñuca ñaupapica tucui mashna cunguringacuna. Tucuimi ñucataca “canca Diosmi cangui” nishpa alli ningacuna’ ” ninmi.

ROMANOS 14:9

Shina cachunmi Apunchic Jesusca huañushcacunapacpish, causaccunapacpish Mandac cangapac huañushpa causarirca.

ROMANOS 4:24

ashtahuanpish ñucanchicmantapish ninmi. Ñucanchic Apunchic Jesusta huañushcacunapuramanta causachic Taita Diosta crishcamantami, paihuan alli tucuchun ñucanchictapish chasquin.

ROMANOS 8:34

¿Pitac juchanchishpa llaquiman cachangayari? Jesucristomi ña huañurca. Paillatacmi huañushcacunapuramanta causarishpa, Taita Diospac alli maquiman rishpa ñucanchicmanta mañacun.

1 CORINTIOS 12:3

Chashna cashcamanta Diospac Espíritu maijanta rimachicucpica: “Jesusca ima llaquipish tucushca canman” nishpaca, mana ninmanchu. Shinallatac maijanpish Diospac Espíritu mana rimachicucpica: “Jesusca Mandacmi” nishpaca, mana ninmanchu.

FILIPENSES 2:11

Taita Diosta “sumacmari cangui” nishpa, Jesucristotapish “tucuita Mandacmi cangui” nichunmi, chashnaca ruhuarca.

1 PEDRO 1:21

Paimantami cancunaca Diosta cringuichic. Taita Diosmi Cristotaca huañushcacunapuramanta causachishpa sumacyachirca. Chaimantami cancunaca Taita Diospi shunguta churashpa cringuichic.

1 JUAN 4:15

Maijanpish Apunchic Jesucristota “Diospac Churimi” nicca Taita Dioshuanmi causan, shinallatac Taita Diospish paihuanmi causan.

2 JUAN 1:7

Cai pachapica llullashpalla huillaccunaca achcacunami puricuncuna. Paicunaca: “Apunchic Jesucristoca mana runa tucushpachu shamurca” nishpami, llullashpa huillancuna. Chaicunaca Apunchic Jesucristota p'iñaccunami.