ROMANOS 10:4 - Nuevo Testamento en Quichua Cañar 1996

⁴ Maijanpish crishpalla Taita Dioshuan alli tucuchunca, Cristollami mandashcacunata pactachishpa, Taita Dioshuan alli tucuna cashcata pactachirca.

Dios Rimashcata Quillcashcami

⁴ Maijanpish crishpalla Dios chasquishca cachunca, Cristollami mandashcacunata pactachirca.

ROMANOS 10:4 ပူးပေါင်းရင်းမြစ်များ

SAN MATEO 3:15

Shina nicpi Jesusca: —Cunanca can bautizailla. Ñucanchicmanca Taita Dios munashcata pactachinami ashtahuan alli— nicpimi, Juanca bautizarca.

SAN JUAN 1:17

Taita Diosca Moisesmanca mandashcacunatami curca. Ashtahuanpish Dios ima shina cashcata shinallatac c'uyac cashcataca, Apunchic Jesucristomantami ricuchirca.

ROMANOS 3:22

Taita Diosca Jesucristota crishcamantami, tucui criccunata paihuan alli tucuchun chasquin. Taita Diospac ñaupapica tucui gentecunami chashnallatac can.

1 CORINTIOS 1:30

Ashtahuanpish Taita Diosllatacmi cancunataca Apunchic Jesucristohuan shuc shinalla cachun ruhuarca. Cristomantami Diosmanta yachashpa, paihuan alli tucushpa, Taita Diospaclla causashpa quishpiringuichic.

GÁLATAS 3:24

Chai mandashcacunaca Jesucristota crishcamanta ñucanchic Taita Dioshuan alli tucuchunmi, Cristo shamungacaman huahuacunata shuc servic cuidac shina charicurca.

GÁLATAS 4:5

Paica Moisés mandashcacunata ñucanchic pactachishpa huatashca shina causacushcamanta cacharichishpa, Taita Diospac huahuacuna tucuchunmi shamurca.

COLOSENSES 2:10

Jesucristollamantami, Taita Diospac tucui sumaccunataca charinguichic. Paica poderta charic mandac espiritucunata mandacmi.

COLOSENSES 2:17

Tucui caicunaca ima tucuna cashcata ricuchic llandu shinallami carca. Ashtahuanpish cashcata ricuchingapacca, Cristoca ñami shamurca.

HEBREOS 10:14

Paica shuc cutinlla Diosman curishpami, huiñaipac paipaclla caccunata juchanchina illacta ruhuarca.