ROMANOS 10:2 - Nuevo Testamento en Quichua Cañar 1996

² Paicunaca Taita Diospacta pactachina munaita yallita charishcataca yachanimi. Shina cashpapish ima shina pactachinataca mana yachancunachu.

Dios Rimashcata Quillcashcami

² Paicuna Diosta servina munaita yallita charishcataca yachanimi. Shina cashpapish, ima shina pactachinataca mana yachancunachu.

ROMANOS 10:2 ပူးပေါင်းရင်းမြစ်များ

SAN JUAN 16:2

Cancunataca tandanacuna huasicunamanta llucchishpa cachangacunami. Shinallatac cancunata huañuchishpaca, Taita Diosmanmi alli ruhuanchic nina punzhaca chayamungami.

HECHOS 21:20

Chashna parlacta uyashpaca, tucuimi Taita Diostaca “allimari cangui” nircacuna. Shina nishca q'uipami, Pablotaca cashna nircacuna: —Huauqui, riquiyari. Huaranga huaranga israelcunami*f** Jesustaca crishca. Tucui chaicunami: ‘Moisés mandashcacunataca cazunami canchic’ nicuncuna.

HECHOS 21:28

Chashna japishpaca: “¡Israel*f** runacuna, tandanacuichic! Cai runamari tucui llactacunata purishpa, ñucanchic quiquin llactatapish, Moisés mandashcacunatapish, shinallatac Diosman mañana cai huasitapish mana alli nishpami yachachishca. Cunancarin, manapish israelcunatami*f** Diosman mañana huasiman yaicuchishpa, Diospaclla cac huasitaca mapayachicun” nishpami caparircacuna.

HECHOS 22:22

Pablo cai tucuita huillangacamanca, israelcunaca*f** allimi uyarcacuna. Ashtahuanpish “mana israelcunapacman*f** cachani” nishcata uyashpaca: —¡Huañuchichiclla! ¡Cai runa causachunca, mana saquinachu canchic!— nishpami caparircacuna.

HECHOS 22:3

—Ñucaca Cilicia llactapi cac Tarso pueblopi huacharishca, Israel runami cani. Shina cashpapish, cai Jerusalén pueblopimi huiñarcani. Ñucaca Gamaliel runa alli yachachishcami cani. Chaimanta ima shinami ñucanchic ñaupa taitacunaman mandashcacunata cancuna cunan punzhacunapi pactachicunguichic, shinallatac ñucapish Taita Diospaclla causashpa pactachicmi cani.

ROMANOS 10:1

C'uyashca criccuna, tucui shunguhuanmi israelcuna quishpirichun munani. Chaimantami Taita Diosmanca mañacuni.

ROMANOS 10:3

Paihuan alli tucuchun Taita Dios ima shina chasquicushcata mana entendishpami, paicunapac quiquin ruhuashcahuan alli ricurishun, Diosllatac paicunahuan alli tucuna cashcata mana chasquincuna.

2 CORINTIOS 4:4

Ashtahuanpish paicunaca mana crinchu. Dios ima shina cashcata ricuchic, sumac Cristomanta achicyachic luz shina alli huillaita ama entendichunmi, paicunapac yuyaitaca cai pachapi mandac Satanasca*f** amsayachishpa charicun.

2 CORINTIOS 4:6

Taita Diosca amsata luz achicyachichun nircami. Paillatacmi luz shina ñucanchic shungupi achicyachirca. Jesucristopac ñahuipi Dios sumaimana cashcata shuccunaman ricuchichunmi, chashnaca ruhuarca.

2 CORINTIOS 8:3

Paicuna charishca shina tucui shunguhuan cushcatapish, chaimanta yalli yallita cushcatapish, ñucallatac ricushcamantami huillacuni. Paicunaca quiquin munaimantami,

GÁLATAS 1:14

Ñucaca ñaupa taitacuna yachachishcata allita huacaichic cashpami, israelcuna yachachishcata c'aticushpaca, ñucahuan huiñai israelcunata atishpa ashtahuan alli cazuc carcani.

GÁLATAS 4:15

¿Utcaman cushi cashcataca ñachu cungarircanguichic? Utcamanca ima shina ñahuita llucchishpa ñucaman cunalla cacpica, llucchishpa cunguichicmanmi carcanguichic. Cancuna chashna cashcataca ñucallatacmi alli yachani.

FILIPENSES 1:9

Cancunamanta ñuca Taita Diosman mañacushpaca, ashtahuan c'uyaita charichun, shinallatac alli entendishpa Diosmanta allita yachac cachunmi mañani.

FILIPENSES 3:6

Chaicunata cazuchisha nishpami, tandanacushca criccunataca p'iñashpa llaquichic carcani. Mandashcacunata alli pactachic cacpimi, pipish ñucataca imamanta mana juchanchic carcacuna.

COLOSENSES 4:13

Cancunamantapish, Laodicea pueblopi causaccunamantapish, Hierápolis pueblopi causaccunamantapish Epafras yuyaricushcataca ñucallatacmi yachani.