ROMANOS 10:14 - Nuevo Testamento en Quichua Cañar 1996

¹⁴ ¿Ima shinatac Jesusta manarac cric cashpaca, paitaca mañangacunayari? Paimanta pipish mana huillacpica, ¿ima shinatac cringacunayari? Shinallatac pi mana huillacpica, ¿ima shinatac uyangacunayari?

Dios Rimashcata Quillcashcami

¹⁴ Chaica, ¿ima shinatac Jesusta manarac crishpaca mañangacuna? ¿Ima shinatac paimanta huillashcata mana uyashpapish cringacuna? ¿Ima shinatac mana pi huillacpica uyangacuna?

ROMANOS 10:14 ပူးပေါင်းရင်းမြစ်များ

SAN MATEO 20:7

Shina nicpi paicunaca: ‘Pipish imata ruhuachun mana mashcangapac shamucpimi, cashna yangalla caipi tiyacunchic’ nircacuna. Chashna nicpi amoca: ‘Cancunapish richic, ñuca chagrapi uvasta pallagrichic’ nirca.

SAN JUAN 20:31

Chashna cacpipish cancuna Jesusta Quishpichic Cristo cashcatapish, Diospac Churi cashcatapish crichun, shinallatac paita crishpa huiñai causaita charichunmi, caicunataca quillcani.

SAN JUAN 9:36

Shina tapucpi paica: —¿Pitac chaica, ñuca paita cringapac, amito?— nirca.

HECHOS 19:2

Paicunatami: —Cancuna cric tucushpaca, ¿Diospac Espirituta chasquircanguichicchu?— nishpa tapurca. Chashna tapucpica: —Diospac Espíritu tiyashcataca, jaicapi mana uyashcanchicchu— nircacuna.

HECHOS 8:31

Chashna tapucpimi chai runaca: —Pi mana ñucaman yachachicpica, ¿ima shinatac yachashayari? Shamui, caiman huichicushpa ñucahuan tiyari— nirca.

ROMANOS 1:5

Jesucristomantami paimanta huillashpa alli canataca chasquircani. Tucui llactacunapi paita crishpa cazuccuna tiyachunmi, paimanta huillachun ñucataca acllarca.

EFESIOS 2:17

Sumac apanacuita cuc alli huillaita pai apamushpami, Diosmanta carupi causac cancunamanpish, Diosmanta cuchullapi causaccunamanpish yachachirca.

EFESIOS 4:21

Cancunaca Jesusmanta cashcata nic huillashcata uyashpami, pai munashca shina causanata yachacurcanguichic. Chaitaca allitami yachani.

2 TIMOTEO 4:17

Chashna cacpipish Apunchic Jesusca mana ñucallata saquishpami sinchiyachirca. Chaimantami quishpirinamanta alli huillaita allita huillashpaca, tucui mana israelcunapish*f** uyachun huillarcani. Chashnami Apunchic Jesusca ñucataca, huañuchiccunamantaca p'iña leonpac shimimanta shina anchuchirca.

TITO 1:3

Chaitaca ñucanchicta Quishpichic Taita Diosmi, pai huillachun nishca punzhacuna pactacpi ñuca huillachun mingashpa, mandashpa huillachirca.

HEBREOS 11:6

Taita Diosman cuchuyangapacca, pai tiyashcatapish, paiman mañaccunaman pai imallata cuna cashcatapish crinami can. Mana crishpaca, Taita Diospac munaitaca ima shina mana ruhuaipacmi.

SANTIAGO 5:15

Allichina cashcata crishpa mañacpica, chai ungushcataca Apunchic Jesusca alliyachishpa jatarichingami, shinallatac juchacunatapish perdonangami.