ROMANOS 1:30 - Nuevo Testamento en Quichua Cañar 1996

³⁰ Shinallatac shuccunata mana alli nishpa rimancuna, Diostapish p'iñancuna, pitapish yangapi churashpa rimancuna, “allimi canchic” nishpa jatun tucuncuna, pi mana ruhuashca millaita ruhuancuna, taita mamata mana cazuncuna,

Dios Rimashcata Quillcashcami

³⁰ Shuccunata mana alli nishpa rimancuna, Diostapish piñancuna, pitapish yangapi churashpa rimancuna, jatun tucuncuna, pi mana ruhuashca millaita ruhuancuna, taita mamata mana cazuncuna,

ROMANOS 1:30 ပူးပေါင်းရင်းမြစ်များ

SAN MATEO 15:4

Taita Diosca: ‘Cambac taita mamata c'uyangui’ shinallatac ‘maijanpish taita mamata mana alli nicca, huañuchishcami canga’ ninmi.

SAN MATEO 16:21

Chashna nishca q'uipallatacmi, Jesusca paipac yachacuccunamanca cashna nishpa yachachi callarirca: —Jerusalén pueblomanmi rina cani. Chaipimi curacunata mandac curacunapish, cunac yuyaccunapish, mandashcacunata yachachiccunapish llaquichicpi, mai llaquita apashpa huañuna cani. Shina cashpapish quimsa punzhapica causarishallami— nirca.

SAN LUCAS 21:16

Cancunataca alli ricsishcacunallatac, quiquin huasi ucupurallatac, huauquicunallatac, taita mamacunacamanmi huañuchichun japichingacuna. Chashna japichicpica, maijan cancunataca huañuchingacunami.

SAN JUAN 7:7

Cai pachapi causaccunaca cancunataca mana p'iñanchu, ashtahuanpish paicuna mana allita ruhuashcata ñuca huillashcamantami, ñucataca p'iñancuna.

HECHOS 5:36

Cancunallatac sarun ima tucushcataca, alli yuyarichic. Teudas runaca: ‘Mandacmi cani’ nishcata uyashpami, chuscu pasac shina paita c'atircacuna. Shina c'aticushpapish, paita huañuchicpica, tucui paihuan puriccunaca caita chaita rircacunallami. Shinallatac pai yachachishcapish, tucuimi chingarirca.

ROMANOS 2:17

Israelcunapuramanta canca: “Israelmi*f** cani” nishpami, “Moisés mandashcacunallapi shunguta churashpa, Dioshuan allimi cani” nishpa puringui.

ROMANOS 2:23

Mandashcacunata charishcamanta jatun tucushpaca, ¿ima nishpatac canca chai mandashcacunata mana cazushpa, Taita Diostaca yangapi churanguiyari?

ROMANOS 3:27

Shina cacpica, shuc runaca pai ruhuashcallahuanca Taita Diospac ñaupapica, ¡maitatac jatun tucungayari! ¿Imamantatac chashnaca canga? Chashna tucunaca mana mandashcacunata pactachishcamantachu, ashtahuanpish crishcamantami chashnaca tucun.

2 CORINTIOS 10:15

Ñucanchicta Taita Dios maicaman ruhuachun nishcamanta, yallita ruhuashpa shuccuna ruhuashcamanta mana jatun tucunchicchu. Chaipac randica Dios maicaman ruhuachun nishcata ruhuashpaca, cancunapurapi alli crishpa sinchiyashpa c'atichunmi, ashtahuan trabajanata munanchic.

2 CORINTIOS 12:20

Ñuca ricungapac rishpaca, cancuna mana ñuca munashca shina tupana cashcata, shinallatac ñucapish mana cancuna munashca shina chayana cashcatami manchani. Cancuna ch'icanyarinacushpa, shuccuna ama charichun nishpa munanacushpa, p'iñanacushpa, quiquinlla alli canata munanacushpa, huashalla parlanacushpa, c'aminacushpa, jatun tucushpa shinallatac maipish cachun causashpa puricuctami manchani.

2 TESALONICENSES 2:4

Chai millaita ruhuac runami Taita Diostapish, chashnallatac imatapish Diosta shina alli ninacunatapish p'iñanga. Chaipac jahuapica chai runallatacmi Diosman mañana huasipipish “ñucami Dios cani” nishpa tiyaringa.

2 TIMOTEO 3:2

Cai pachapi causac gentecunaca quiquinlla alli canata munashpami, cullquita yallimana charinata munangacuna. Jatun tucushpa, imapish mana allita ruhuashpami cushicunga. Shinallatac Diostapish mana alli nishpami rimangacuna. Taita mama ima nishcatapish mana uyangacunachu. Rumi shungu tucushpami, Diosmanta yachachishcatapish mana cazungacuna.

TITO 3:3

Ñaupaca ñucanchicpish Diosta mana cazuc, yuyai illac, juchapi chingarishca, ñucanchic munaillata ruhuashpa cushicuna yuyaillapi huatashca shinami causacurcanchic. Chashna mana allillapi causacushpami, shuccuna ama charichun munashpa, caishuc chaishuchuan p'iñanacushpa causacurcanchic.

SANTIAGO 3:5

Chai shinallatacmi c'alluca ñucanchic cuerpopi uchilla cashpapish, imatapish rimashpaca, yallita llaquichinlla. Shinallatac ninapish p'itillamanta mirarishpaca, mashna jatun sachacunatapish tucui rupachinllami.

SANTIAGO 4:16

Ashtahuanpish cancunaca jatun tucushpami: “Caitapish, chaitapish ruhuashunmi” nicunguichic. Chai shina jatun tucushpa rimanaca mana allichu.

2 PEDRO 2:18

Paicunaca yanga mapa rimaicunallatac sinchita rimashpami, “allimi canchic” nincuna. Chashnami quiquin munashca mapacunata ruhuashpa, mana alli causaccunapuramanta cunanlla anchurishcacunatapish cutin pandachincuna.

SAN JUDAS 1:16

Chai shina caccunaca huashalla parlarishpa rimaccunami, ima charishcacunahuanpish mana cushilla caccunami, shinallatac quiquinman imapish alli cachunllami munancuna. Paicuna jatun tucushpami, imatapish japingaraiculla pitapish “canca allimi cangui” nic tucuncuna.