ROMANOS 1:28 - Nuevo Testamento en Quichua Cañar 1996

²⁸ Paicunallatac Diosmanta yachanata mana munacpimi, manapish caipaccunata ruhuachun paicunapac yuyaipi millai munaicuna junda cachun Taita Diosca saquishca.

Dios Rimashcata Quillcashcami

²⁸ Diosca, paimanta yachanata mana munacpimi, manapish caipaccunata ruhuachun, paicunapac yuyaipi millai junda cachun saquirca.

ROMANOS 1:28 ပူးပေါင်းရင်းမြစ်များ

HECHOS 17:23

Ñuca cai pueblopi puricushpaca, cancunapac dioscunata yuyarina huasicunatami ricurcani. Shinallatac pircashca shuc altarpica: ‘Mana Ricsishca Diosta yuyarinami’ nishpa quillcashcatami ricurcani. Chai Diostaca mana ricsishpapish, yuyariccunami cashcanguichic. Ñucaca chai Diosllamantatacmi cancunamanca huillacuni.

HECHOS 17:32

Huañushcacunapuramanta causarinamanta Pablo huillacpica, maijancunaca burlashpa asircacunami. Cutin maijancunaca: —Shuc punzhami can huillashcataca ashtahuan uyashun— nircacuna.

ROMANOS 1:18

Taita Diosca jahua pachamantami tucui millai mana allita ruhuaccunataca llaquichishpa, pai p'iñarishcata ricuchin. Chai gentecunaca mana allita ruhuashpa causashpami, cashcata nic huillanataca jarcancuna.

ROMANOS 1:21

Chashna ricsishpapish Taita Diosta shinaca mana alli nircacunachu, shinallatac mana pagui nircacunachu. Chaipac randica manapish caipac yanga yuyaicunata yuyashpami, paicunapac yuyaica amsapi shina yanga tucushca.

ROMANOS 1:24

Chaimantami paicunapac shungupi tiyashca mapa munaicunata ruhuashpa c'atichun, Taita Diosca saquishca. Chashna saquicpimi, caishuc chaishuchuan pinganayaipac juchacunata ruhuancuna.

ROMANOS 1:26

Chai pinganayaipac juchacunata ruhuashcamantami, Taita Diosca paicuna munashca shina ruhuashpa c'atichun saquishca. Shina saquicpimi, huarmicunaca c'arihuan chayarinata saquishpa, paicunapura chayarinacuncuna.

1 CORINTIOS 15:34

Cancunaca alli yuyaiman tigrarichic, ama juchata ruhuaichicchu. Cancunapuramanta maijancunaca manarac Diosta ricsinguichicchu. Caicunataca cancuna pingaita charichunmi nini.

2 CORINTIOS 10:5

shinallatac “allimi canchic” nishpa, ama Taita Diosta ricsichun nishpa jarcaccunatapish, tucui chingachinchic. Chashnami tucui gentecunapac yuyaicuna Cristota cazuchun munanchic.

EFESIOS 5:4

Pinganayaipac shimicunatapish, mapa yangalla pandachic shimicunatapish ama rimarichicchu. Chaicunata rimarinapac randica, Diosman mañashpa pagui ninami alli.

2 TESALONICENSES 1:8

Ñucanchic Apunchic Jesusmanta alli huillaita maijanpish mana cazuccunata, shinallatac Diosta mana ricsinata munaccunata llaquichingapacca, nina culun nicuc chaupitami shamunga.

2 TIMOTEO 3:8

Janes, shinallatac Jambres brujocuna Moisesta jarcac shinami, chai gentecunaca cashcata nic huillanataca jarcancuna. Chaicunaca imapish alli yuyaita mana charishpami, crinatapish saquishpa chingachishcacuna.

TITO 1:16

Paicunaca “Diosta ricsinchicmi” nishpapish, imatapish ruhuashpaca Diosta mana ricsic cashcatami ricuchincuna. Paicunaca Diospac millana mana cazuc cashpami, ima allitapish mana ruhuai pudincuna.

FILEMÓN 1:8

Ñucaca Apunchic Jesucristo acllashca huillac cashcamantami, can imapish alli caipactaca ruhuachun ni pudini.

2 PEDRO 3:5

Chai gentecunaca Dios rimashpalla jahua pachatapish, cai pachatapish ñaupamanta pacha ña ruhuashcata, shinallatac allpatapish yacumanta ch'icanyachishpa, yacu chaupipi charicushcataca mana entendishun nincunachu.