ROMANOS 1:18 - Nuevo Testamento en Quichua Cañar 1996

¹⁸ Taita Diosca jahua pachamantami tucui millai mana allita ruhuaccunataca llaquichishpa, pai p'iñarishcata ricuchin. Chai gentecunaca mana allita ruhuashpa causashpami, cashcata nic huillanataca jarcancuna.

Dios Rimashcata Quillcashcami

¹⁸ Diosca jahua pachamantami paita mana cazuccunaman, millaita ruhuaccunaman pai piñarishcata ricuchin. Paicunaca mana allita ruhuashpami, cashcata ruhuanata jarcancuna.

ROMANOS 1:18 ပူးပေါင်းရင်းမြစ်များ

ROMANOS 1:19

Diosmanta yachanataca paillatac ricuchicpimi, paicunaca allita yachancuna. Chashna yachashca jahuami, mana allita ruhuancuna.

ROMANOS 1:28

Paicunallatac Diosmanta yachanata mana munacpimi, manapish caipaccunata ruhuachun paicunapac yuyaipi millai munaicuna junda cachun Taita Diosca saquishca.

ROMANOS 1:32

“Maijanpish chaita ruhuaccunaca huañunami can” nishpa Dios quillcachishcata allita yachashpapish, chaicunallatatac ruhuashpami c'atincuna. Shinallatac shuccuna chaita ruhuacta ricushpacarin allimi nincunami.

ROMANOS 2:3

¿Canpish chashnallatac ruhuacushpa, shuccunata juchanchishpa rimashpaca, “Taita Dios llaquichina cashcamanta anchurishami” nishpa yuyanguichu?

ROMANOS 3:9

Shina cacpica, ¿“ñucanchic israelcunaca*f** shuccunata atishpami allicuna canchic” nishunchu? ¡Chaica mana chashnachu! Israelcuna cashpapish, mana israelcuna*f** cashpapish, tucui mashna juchapi huatashca shina cashcataca ñami ricuchircani.

ROMANOS 4:15

Mandashcacunata yachashpa mana pactachicpica, Diosca llaquichingami. Mandashcacunata mana yachashpa mana pactachicpica, mana juchanchishcachu canga.

ROMANOS 5:6

Ñucanchic maita mana quishpiripac cacpimi, Taita Dios acllashca punzha pactacpi, Cristoca juchayuccunamanta huañurca.

ROMANOS 5:9

Cunanca Apunchic Jesucristo huañushcamantami, Taita Diosca paihuan alli tucuchun ñucanchictaca chasquishca. Chashna cashcamanta Dios p'iñarishpa, llaquichina cashcamantaca Cristollatac ñucanchictaca quishpichingallami.

ROMANOS 6:13

Imapish mana allicunata cancunapac cuerpo ruhuachunca, mana saquinachu canguichic. Chaipac randica ña mana juchata ruhuangapac huañushpa, ña causarishca shina cancunapac cuerpotaca Diospacllata ruhuachun paillaman cuichic.

EFESIOS 5:6

Chashna mana allita ruhuashcamantami Taita Dios p'iñarishpa, tucui paita mana cazuccunataca llaquichinga. Chaimanta yanga parlocunahuanca pipish cancunata ama pandachichun.

COLOSENSES 3:6

Chashna mana allita ruhuashcamantami, Taita Dios p'iñarishpa, tucui paita mana cazuccunataca llaquichinga.

2 TESALONICENSES 2:10

Jatun llaquiman ricuccunataca tucui laya mana allita ruhuashpami, umashpa crichinga. Paicuna quishpiringapac cashcata nic huillashcata p'iñashpa, mana chasquishcamantami chashnaca tucunga.

2 TESALONICENSES 2:6

Chai millaita ruhuac runa ricurina punzha manarac chayacpi, pai ricurinata ima jarcacushcataca cancunallatac yachanguichicmi.