ROMANOS 1:14 - Nuevo Testamento en Quichua Cañar 1996

¹⁴ Ñucaca griegocunamanpish,*f** mana griegocunamanpish, yachaccunamanpish, mana yachaccunamanpish huillanami cani.

Dios Rimashcata Quillcashcami

¹⁴ Ñucaca griegocunamanpish, mana griegocunamanpish, yachaccunamanpish, mana yachaccunamanpish huillanami cani.

ROMANOS 1:14 ပူးပေါင်းရင်းမြစ်များ

SAN MATEO 11:25

Chai q'uipami Jesusca: “Jahua pachata cai pachata Mandac ñuca Taitalla, cantaca ‘allimari cangui’ ninimi. Canca cai yachanacunataca alli yuyaiyuc, alli yachaccunamanca pacashpami mana yachachishcangui, ashtahuanpish huahuacuna shinamanmi, yachana yuyaita cushpa yachachishcangui.

SAN LUCAS 10:21

Jesús chashna nicucllapitacmi, Diospac Espíritu cushichicpi munai cushicushpa: —Jahua pachatapish, cai pachatapish Mandac ñuca Taitalla, cantaca ‘allimari cangui’ ninimi. Canca cai yachanacunataca alli yuyaiyuc, alli yachaccunamanca pacashpami mana yachachishcangui, ashtahuanpish huahuacuna shinamanmi yachana yuyaita cushpa yachachishcangui. Ari, Taitito, can chashna ruhuasha nishcamantami chashnaca ruhuashcangui— nirca.

HECHOS 22:21

Ñuca chashna nicpica, Apunchic Jesusca: ‘Rilla. Ñucami cantaca caru llactacunapi causac mana israelcunapacman*f** cachagrini’— nirca.

HECHOS 28:2

Chai llactapi causaccunapish ñucanchictaca llaquishpa allimi tuparcacuna. Tamiapi chirihuan upayacucpimi, ninata japichishpa masharichun ningapac ñucanchictaca c'ayarcacuna.

HECHOS 28:4

Maquipi chashna huarcuracucta chaipi causaccuna ricushpaca: “Cai runaca huañuchic runami yuyachin. Ñucanchic diosca millaicunata llaquichic cashpami, yacumanta quishpirimucpipish, paitaca mana causachun saquin” ninacurcacuna.

HECHOS 9:15

Chashna nicpipish, cutinmi Apunchic Jesusca: —Rilla. Ñami paitaca acllarcani. Paimi mana israelcunamanpish,*f** jatun mandaccunamanpish, israelcunamanpish*f** ñucamanta huillanga.

ROMANOS 1:22

“Jatun yachaccunami canchic” nishpapish, paicunaca mana yachaccunami tucushca.

ROMANOS 11:25

Ñuca c'uyashca criccuna, cancuna ama yachac tucushca cachunmi, manarac piman Dios yachachishcata huillani: Mashnalla crina cac mana israelcuna cringacamanmi, maijan israelcunaca*f** sinchi shungu tucushca.

ROMANOS 12:16

Caishuc chaishuchuan alli apanacushpa causaichic. Ima cashpapish ama jatun tucuichicchu, ashtahuanpish chai mana jatun tucuccunahuan tandanacuichic. Cancunapac quiquin yuyaillapi ama “yachacmi cani” nichicchu.

ROMANOS 13:8

Maijanman imata mañashpapish, ama charicuichicllachu, ashtahuanpish caishuc chaishuchuan c'uyanacunallata yuyaichic. Maijanpish shuccunata c'uyacca Taita Dios mandashcatami pactachin.

ROMANOS 16:19

Cancuna alli huillaita cazuccuna cashcataca tucuimi yachancuna. Chaimantami cushicuni. Shinallatac cancuna yachac cashcata ricuchingapacca, millaita mana ruhuashpa ashtahuanpish allita ruhuashpa ricuchichunmi munani.

ROMANOS 8:12

Chashna cacpica c'uyashca criccuna, ñucanchicca ima ruhuanataca ña charinchicmi. Shina cacpipish, mana cai pacha jucha munashca shinata ruhuanachu canchic.

1 CORINTIOS 14:11

Ashtahuanpish shuctac rimaita mana entendishpaca, chai rimaita rimacmanca mai caru llactamanta shinami cani, shinallatac chai rimaita rimacpish ñucamanca mai carumanta shinami.

1 CORINTIOS 14:16

Canca cambac espiritullahuan Diosta pagui nicpica, ¿ima shinatac shuc manarac yachacca entendingayari? Chashna mana entendishpaca, ¿ima shinatac canhuan pacta Diosta pagui ningayari?

1 CORINTIOS 2:13

Chashna cashpami ñucanchicca mana ñucanchic yuyaillamanta rimanchic, ashtahuanpish Diospac Espíritu yuyaita cushcallatac rimanchic. Shina cashpami Diosmanta yuyaita cushpa, paipac Espíritu yuyaita cushcallata Diosmanta yachanata munaccunamanca yachachinchic.

1 CORINTIOS 3:18

Maijanpish “ñucaca allimi cani” nishpaca, ama pandaringuichicchu. Cancunapuramanta maijanpish cai pacha gentecuna yuyashca shina “mai yachacmi cani” nishpa yuyacushpaca, imata mana yachac shinami tucuna canguichic. Chai shina tucushpami, mai yachaccunatac tucunguichic.

2 CORINTIOS 10:12

“Ñucanchicca allimi canchic” niccuna shinaca, mana cashun ninchicchu. Paicunapurapish mana cashun ninchicchu. Paicunapura ima shina cana cashcata ricushpa, caishuc chaishuc “¿maijantac ashtahuan alli canchic?” nishpaca, yuyai illaccuna shinami ruhuancuna.

2 CORINTIOS 11:19

Cancunaca “yalli yachacmi canchic” nishpa yuyashpapish, ¡yuyai illaccuna rimashcataca alli munaihuanmi chasquinguichic!

COLOSENSES 3:11

Chashna cashcamantami israelcuna*f** cashpa, mana israelcuna*f** cashpa, circuncisionta*f** ruhuashca cashpa, mana circuncisionta ruhuashca cashpa, carumanta cashpa, mana yachac nishca cashpa, servic cashpa, mana servic cashpapish tucuillatacmi chashnallatac canchic. Tucuimanta yallica Cristopac canami alli. Paica tucuihuanmi causacun.

2 TIMOTEO 2:10

Chaimantami Taita Dios tucui acllashcacuna Jesucristohuan shuc shinalla tucushpa, sumaimana huiñai causaita paicunapish japichun nishpa cai llaquicunataca apacuni.

TITO 3:3

Ñaupaca ñucanchicpish Diosta mana cazuc, yuyai illac, juchapi chingarishca, ñucanchic munaillata ruhuashpa cushicuna yuyaillapi huatashca shinami causacurcanchic. Chashna mana allillapi causacushpami, shuccuna ama charichun munashpa, caishuc chaishuchuan p'iñanacushpa causacurcanchic.