ROMANOS 1:13 - Nuevo Testamento en Quichua Cañar 1996

¹³ C'uyashca criccuna, tauca cutinmi cancunataca ricugrinata munarcani. Shina cashpapish imamantapish jarcarishpami, cancunataca mana ricugrircani. Chaitami yachachun munani. Ñucaca ima shinami shuctac llactacunapi granota tandachic shina criccunata tandachircani, chai shinallatacmi cancunapac llactapipish tandachinata munani.

Dios Rimashcata Quillcashcami

¹³ Cuyashca criccuna, shuctac llactacunapi huillashpa criccunata tandachishca shina, cancunapac llactapipish tandachingapacmi tauca cutin cancunata ricugrinata munarcani. Shina cashpapish, imapish jarcaicuna tiyashcamantami mana ricugri pudircani. Chaitami yachachun munani.

ROMANOS 1:13 ပူးပေါင်းရင်းမြစ်များ

SAN JUAN 12:24

Shuc trigo muyu allpapi urmashpa, jurayashpa chingarishpaca, achca granotami cun. Ashtahuanpish mana allpapi urmashpaca, paillami tiyacunlla. Chaica chashnatacmi can.

SAN JUAN 15:16

Cancunallatacca ñucataca mana acllarcanguichicchu, ashtahuanpish ñucami cancunataca acllarcani. Cancuna rishpaca, alli granota p'ucuc yura shina causaita ricuchichunpish, chai p'ucushcacuna ama chingarichunpish minganimi. Shina ruhuashpa, cancuna ñuca shutipi imata mañacpica, ñuca Taitaca cungallami.

SAN JUAN 4:36

Granota tandacca, japina cashcata charinmi. Shinallatac chai tandashca granoca huiñai causaipacmi. Chaimantami granota tandacca tarpuc-huan ishcai tucushpa cushicunga.

HECHOS 1:15

Chai punzhacunapica, Jesusta criccunaca pasac ishcai chunga shinami tandanacushca carcacuna. Paicunapac ñaupapimi Pedroca shayarishpa cashna nirca:

HECHOS 14:27

Antioquía puebloman chayashpaca, chaipi causac tucui criccunatami tandachircacuna. Chashna tandachishpami, Taita Dios paicunahuan cacpi ima allicunata ruhuashcatapish, shinallatac mana israelcunacaman*f** quishpirichun Taita Dios saquishcatapish parlarcacuna.

HECHOS 15:12

Shina nicta uyashpaca, tucui chaipi caccuna upalla tucushpami, Bernabé parlashcatapish, Pablo parlashcatapish uyarcacuna. Taita Dios paicunahuan cashcamanta mana israelcunapac ñaupapi pi mana ruhuaipaccunatapish, pi mana ricushcacunatapish ruhuashcatami parlarcacuna.

HECHOS 19:21

Chai q'uipami, Pabloca Macedonia llactata, Acaya llactata rishpa, Jerusalenman rinata yuyacurca. Chaimantaca: “Roma*f** pueblomanpish rinami cani” nicurcami.

HECHOS 21:19

Pablo chaipi caccunata “allillachu canguichic” nishca q'uipami, mana israelcunaman*f** Diosmanta huillacpi, Taita Dios ima ruhuashcata callarimanta tucui parlarca.

HECHOS 28:14

Chai pueblopi tauca criccuna tupashpaca: “Cai semanitata caipi saquirichic” nicpimi, saquirircanchic. Chai q'uipami Roma*f** pueblomanca rircanchic.

ROMANOS 1:12

Cancunapish, ñucapish chaillatatac cric cashcamanta caishuc chaishuc yuyachinacushpa alli c'atingapacmi, chashna shamusha nicuni.

ROMANOS 11:25

Ñuca c'uyashca criccuna, cancuna ama yachac tucushca cachunmi, manarac piman Dios yachachishcata huillani: Mashnalla crina cac mana israelcuna cringacamanmi, maijan israelcunaca*f** sinchi shungu tucushca.

ROMANOS 7:1

C'uyashca criccuna, Moisés mandashcacunataca cancunallatac yachanguichicmi. Chai mandashcacunaca shuc runa causacucllapimi, imatapish mandac cashcataca yachanguichic.

1 CORINTIOS 1:10

C'uyashca criccuna, Apunchic Jesucristopac shutipimi ama ch'icanyarinacushpa, shuc shinalla tucushpa causachun mañani. Tucui imapipish shuc yuyailla, shuc shinalla yuyarishpa, c'uyanacushpa causaichic.

1 CORINTIOS 10:1

C'uyashca criccuna, ñucanchic ñaupa taitacunaca p'uyu llandupi cashpami, Puca Cuchataca chimbarcacuna. Chaitaca amatac cungaringuichicchu ninimi.

1 CORINTIOS 12:1

C'uyashca criccuna, Diospac Espíritu imata ruhuac cachun cuc cashcatami yachachun munani.

1 CORINTIOS 14:20

C'uyashca criccuna, ama huahuacuna shina imatapish yuyaichicchu. Mana allita ama ruhuangapacca, llullu huahuacuna shinami cana canguichic. Ashtahuanpish allita yuyaringapacca, ña yuyaccuna shinami cana canguichic.

1 CORINTIOS 14:26

C'uyashca criccuna, tucui caicunamanta nishpaca, cancuna tandanacushpaca, shuccunaca salmocunata cantanguichicmi, shuccunaca yachachinguichicmi, shuccunaca Dios ima nishcata huillanguichicmi, shuccunaca jaicapi mana uyashca rimaicunata rimanguichicmi, shuccunaca chai rimai imata nisha nicushcata huillanguichicmi. Shina cashpapish criccuna ashtahuan Jesusta c'atishpa sinchiyachunmi, tucui caicunata ruhuana canguichic.

1 CORINTIOS 9:2

Shuccuna “mana Jesús acllashca huillacchu cangui” nicucpipish, cancuna Apunchic Jesusta crishpa, paihuan shuc shinalla tucushcamantaca, cancunamanca Jesús acllashca huillactacmi cani.

2 CORINTIOS 1:8

C'uyashca criccuna, ñucanchic Asia llactapi ima shina jatun llaquita apashcata yachachunmi munanchic. Chaipica mana apaipac yalli llaquita apashpami, “ña mana ashtahuan causashunchu” nishpa yuyarcanchic.

2 CORINTIOS 2:14

Cristohuan ñucanchic mishaccuna cashcata ricuchingapacmi, Taita Diosca tucuipac ñaupapi millaita mishashpa pushacun. Shinallatac mai llactapipish mishquilla ashnacuc shina Cristopac alli huillai ñucanchicmanta huillarichunmi, tucuipi pushacun. Chashna cashcamantami Taita Diostaca pagui nicunalla canchic.

GÁLATAS 3:15

C'uyashca criccuna, gentecuna ima shina causacushca shinami entendinallata parlagrini: Gentecunapurallapish imata ari nishpaca, shuc quillcatami ruhuachin. Chashna ruhuacpica pipish mana p'aquipac, shinallatac maita mana yallichipacmi can.

GÁLATAS 6:18

C'uyashca criccuna, ñucanchic Apunchic Jesucristoca paipac sumaimana c'uyaita tucui cancunaman cushca cachun ninchicmi. Chashna cachun.

FILIPENSES 1:22

Ashtahuanpish causashcacamanca, Cristopacta ruhuanaca allimi. Chashna cashcamanta maijanta acllanatapish mana pudinichu:

FILIPENSES 4:17

Cancuna ima cushcata chasquicunallataca mana yuyanichu, ashtahuanpish cancuna carashcamantaca Taita Diospac ñaupapi ashtahuan charichunmi munani.

COLOSENSES 1:10

Diosman mañacunchic. Chai shina yachacushpami, Jesucristopacta ruhuaccuna ima shina causana cashca shina causashpa, punzhanta Diostaca cushichinguichic. Chashnami grano alli p'ucuc shina, tucui imapipish allita ruhuashpa, Diosmantapish allita yachacunguichic.

COLOSENSES 1:6

Cai alli huillaita huillashcami alli grano p'ucuc shina, tucui llactacunapi mirarishpa c'aticun. Chai shinallatacmi cancunapurapipish Diospac c'uyaimanta parlanacucta uyashpa, Dios mai c'uyac cashcatatac yachashca punzhamanta pacha mirarishpa c'aticun.

1 TESALONICENSES 2:18

Taucapura ricuc shamushun nishpapish mana pudishpami, ñucallapish shamusha nishpa yuyacurcani. Tauca cutinmi ricugrinata munarcani. Shina cacpipish Satanasca*f** jarcarcami.

1 TESALONICENSES 4:13

C'uyashca criccuna, “huañushcacuna mana causaringachu” niccuna shina ama llaquilla cachunmi, huañushcacuna ima tucuna cashcata yachachun munanchic.

2 TESALONICENSES 2:7

Chai mana alli ruhuanaca ñami callarishca. Chaitaca Dios yuyaita cucllapimi yachac chayangacuna. Chai millai ricurinata jarcacucllapimi, manarac ricurin. Ña chai jarcacucta anchuchicpica,

2 TIMOTEO 4:17

Chashna cacpipish Apunchic Jesusca mana ñucallata saquishpami sinchiyachirca. Chaimantami quishpirinamanta alli huillaita allita huillashpaca, tucui mana israelcunapish*f** uyachun huillarcani. Chashnami Apunchic Jesusca ñucataca, huañuchiccunamantaca p'iña leonpac shimimanta shina anchuchirca.