ROMANOS 1:1 - Nuevo Testamento en Quichua Cañar 1996

¹ Jesucristopacta ruhuac Pablomi caita quillcani. Diosmanta alli huillaita huillachunmi, ñucataca Taita Diosca Jesusmanta huillac cachun c'ayashpa ch'icanyachirca.

Dios Rimashcata Quillcashcami

¹ Jesucristota servic, apóstol cangapac acllashca, alli huillaita huillachun Dios chicanyachishca Pablomi caita quillcani.

ROMANOS 1:1 ပူးပေါင်းရင်းမြစ်များ

MARCOS 1:14

Bautizac Juan carcelpi cacpimi, Jesusca Galilea llactaman chayashpa, Taita Dios mandacucmanta alli huillaita huillarca.

SAN JUAN 12:26

Maijanpish ñucapacta ruhuasha nishpaca, ñucata c'atichun. Ñuca maipimi cani, chaipimi paipish canga. Shinallatac maijanpish ñucapacta ruhuactaca ñuca Taitapish alli ningami.

SAN JUAN 15:15

Amopacta ruhuacca amo imata ruhuacushcata mana yachanchu. Chaimantami serviccunalla nishpaca, mana cancunataca c'ayani. Ñuca Taita tucui ima nishcacunata ñuca cancunaman huillashcamantami, ñucahuan apanacuccuna nishpa cancunataca c'ayani.

SAN JUAN 15:20

‘Maijan servicpish amotaca mana yallichu’ nishpa, ñacaman huillashcataca yuyarichic. Ñucatapish mana ricunachishpa llaquichircacunami. Shinallatacmi cancunatapish llaquichingacuna. Ñuca ima nishcata cazushca cashpaca, cancuna nishcatapish cazungacunami.

HECHOS 13:9

Saulopish Pablo shutimi carca. Paipac shungupi Diospac Espíritu junda cacpimi, chai brujota ricurashpaca:

HECHOS 20:24

Chashna llaquichishpa huañuchina cacpipish, ñucaca mana llaquirinichu, ashtahuancarin Taita Dios mai c'uyac cashcata Apunchic Jesús huillachun nishcataca, huañuna punzhacaman cushicushpa pactachinatacmi cani.

HECHOS 21:40

Shina nicpi pai huillachun saquicpica, chai gradapi Pablo shayarishpami, maquihuan gentecunata upallachirca. Paicuna ña upallacpica, hebreo*f** rimaipimi cashna nishpa huillarca:

HECHOS 22:21

Ñuca chashna nicpica, Apunchic Jesusca: ‘Rilla. Ñucami cantaca caru llactacunapi causac mana israelcunapacman*f** cachagrini’— nirca.

HECHOS 22:7

Chashna achicyachicpi, pambaman urmashpaca: ‘Saulo, Saulo, ¿ima nishpatac ñucata p'iñashpa llaquichicungui?’ nictami uyarcani.

HECHOS 26:1

Shina nicpi Agripaca: —Pablo, can ima shina cashcataca huillai— nirca. Shina nicpi, Pabloca maquihuan cashna rimai callarirca:

HECHOS 26:14

Chashna achicyachicpica, tucui riccunami pambaman urmarcanchic. Chashna urmashpaca: ‘Saulo, Saulo, ¿ima nishpatac ñucataca p'iñashpa llaquichicungui? Canca puya puntapi huagra jaitashpa chugriric shinami, canllatac llaquita apacungui’ nishpa, hebreo*f** rimaipi rimactami uyarcani.

HECHOS 27:23

Ñucaca Taita Diospac cashpami, paita servini. Chashna cashcamantami Taita Diosca cunan tuta paipac angelta cachashpaca:

HECHOS 9:15

Chashna nicpipish, cutinmi Apunchic Jesusca: —Rilla. Ñami paitaca acllarcani. Paimi mana israelcunamanpish,*f** jatun mandaccunamanpish, israelcunamanpish*f** ñucamanta huillanga.

ROMANOS 1:16

Alli huillaica puntaca israelcunata,*f** mana israelcunatapish*f** maijanpish crictaca quishpichingapac, imatapish ruhuaclla Taita Diosmanta shamushcami. Chaimantami alli huillaita huillanataca mana pingani.

ROMANOS 1:5

Jesucristomantami paimanta huillashpa alli canataca chasquircani. Tucui llactacunapi paita crishpa cazuccuna tiyachunmi, paimanta huillachun ñucataca acllarca.

ROMANOS 1:9

Ñuca cancunamanta punzhanta mañacushcataca Diosllatac yachanmi. Ñucaca tucui shunguhuan paipacta ruhuashpami, paipac Churimanta alli huillaita huillacuni.

ROMANOS 11:13

Shina cacpipish cancuna mana israelcunamanca caitami nisha nini: Taita Diosca ñucataca mana israelcunaman huillachun cachashcamantami, ñuca imata ruhuashcacuna yalli alli cashcata yachani.

ROMANOS 15:16

mana israelcunapac allipac Jesucristopacta ruhuachun ñucaman mingashcamantami cashna quillcani. Mana israelcuna Diosman cutirishpa, paipac Espíritu yuyaita cucpi, millaimanta anchurishpa Diospaclla cachunmi, quishpirinamanta alli huillaita huillashpa Diospacta ruhuacuni.

ROMANOS 15:29

Ñuca cancunapacman ricpi, Cristo yallita imatapish cuna cashcataca allitami yachani.

ROMANOS 16:18

Chashna ruhuaccunaca paicunapac munaicunallata ruhuashpami, Apunchic Jesuspactaca mana ruhuancuna. Paicunaca mishquilla, shinallatac uyanalla rimaicunata rimashpami, manarac alli yachac gentecunataca pandachincuna.

ROMANOS 16:25

¡Alli huillaita ñuca huillashca shina, shinallatac Jesucristomanta yachachishca shina cancunata alli c'aticta ruhuac Taita Diostaca alli nishunchic! Pai chashna ruhuashpaca, cai pachata manarac ruhuashca punzhamanta pacha pacashca tiyacushcatami ricuchin.

1 CORINTIOS 1:1

Taita Dios munashca shina, Jesucristomanta huillac cachun c'ayashca Pablomi cani. Jesusmanta huauqui Sosteneshuan pacta

1 CORINTIOS 9:1

Ñucaca Jesús acllashca huillac cashcamantaca, imatapish ruhuai pudinimi. Ñucanchic Apunchic Jesucristotapish ñucallatacmi ricurcani. Apunchic Jesucristomanta ñuca huillacpimi, cancunaca criccuna tucurcanguichic. Chaitaca cancunallatac yachanguichicmi.

2 CORINTIOS 1:1

Taita Dios munashcamanta Jesucristo acllashca huillac Pablomi cani. Jesusmanta ñucanchic huauqui Timoteohuan ishcai tucushpa, Corinto pueblopi Diospaclla tandanacushca criccunaman, shinallatac Acaya llactapi cac tucui criccunamanpish “allillachu canguichic” nishpami quillcanchic.

2 CORINTIOS 11:5

Chashna nishpaca, q'uipata huillangapac shamuc “jatun yachaccunami” nishca huillaccunamanta “yanga yangallami cani” ninataca mana ninichu.

2 CORINTIOS 11:7

Cancunata jatunyachingaraicu cancunamanta imata mana japishpa, yangalla tucushpa, Diosmanta alli huillaita huillashpaca, ima mana allitaca mana ruhuarcanichu.

2 CORINTIOS 12:11

Ñuca jatun tucushpaca, yuyai illac shinami tucuni. Cancunamantami chashnaca tucuni. Ñuca yangalla shina cashpapish, cancuna yuyashca shina chai jatun yachacmi nishca huillaccunahuan chimbapuracpica, paicunaca mana ñucamanta yallichu.

2 CORINTIOS 2:12

Troas pueblopi Cristomanta alli huillaita huillangapac chayacpica, Apunchic Jesusllatacmi imatapish huillachunca pungu pascashca shinata ruhuarca.

2 CORINTIOS 4:5

Ñucanchicca mana ñucanchic quiquinllamantatacchu huillacunchic, ashtahuanpish Apunchic Jesús Mandac cashcatami huillacunchic. Ñucanchicca Jesusta c'uyac cashcamantami, cancunata serviccuna canchic.

GÁLATAS 1:1

Ñucaca mana gentecunalla acllashcapac huillachun cachashcachu cani, ashtahuanpish Taita Diospish, shinallatac pai causachishca Jesucristopish huillachun cachashca Pablomi cani.

EFESIOS 1:1

Ñucaca Taita Dios munashcamanta Jesús acllashca huillac Pablomi, Efeso pueblopi maijanlla Jesucristota crishpa Taita Diospaclla caccunaman caita quillcani.

EFESIOS 1:13

Shinallatac cancunapish cashcata nic alli huillaita uyashpaca Cristota cricpimi, Taita Diosca pai cusha nishca paipac Espirituta cushpa, paipacllata ruhuashca.

EFESIOS 4:11

Chai shinami paillatac shuccunataca pai acllashca huillaccuna cachun, shuccunataca Dios ima nishcata huillaccuna cachun, shuccunataca quishpirinamanta alli huillaita huillaccuna cachun, shuccunataca criccunata pushaccuna cachun, cutin shuccunataca yachachiccuna cachun acllashpa, Diosmanta ruhuac canata curca.

FILIPENSES 1:1

Ñucanchicca Apunchic Jesucristopacta ruhuaccuna cashpami, Pablohuan Timoteohuan tucushpa, Filipos pueblopi causac tandanacushca criccunata pushaccunaman, ayudaccunaman, shinallatac Jesucristohuan shuc shinalla tucushca, Diospaclla cac tucui criccunamanpish caita quillcashpa cachanchic.

FILIPENSES 2:11

Taita Diosta “sumacmari cangui” nishpa, Jesucristotapish “tucuita Mandacmi cangui” nichunmi, chashnaca ruhuarca.

COLOSENSES 1:1

Ñucaca Taita Dios munashcamanta Jesucristo acllashca huillac Pablomi, Jesusmanta ñucanchic huauqui Timoteohuan tucushpa,

COLOSENSES 1:25

Taita Dios huillachun mingashpami, cancunapac allipac ñucataca tucui tandanacushca criccunata servicta ruhuashca. Chashnami, tucui pai huillasha nicushcataca pactachicuni.

1 TESALONICENSES 2:2

Filipos pueblopi ñucanchicta yallita c'amishpa, llaquichishca cashcataca yachanguichicmi. Shinallatac cancunapacman chayashpa ñucanchic llaquihuan cashpapish, Diosllatac mana manchashpa cancunaman paimanta alli huillaita huillachun yuyaita cushcatapish yachanguichicmi.

1 TESALONICENSES 2:8

Cancunata mai c'uyashpami, quishpirinamanta alli huillaita huillashpallapish mana saquishun nircanchic, ashtahuanpish quiquin causaitapish cunatami munarcanchic. Cancunataca maimi c'uyanchic.

1 TESALONICENSES 2:9

C'uyashca criccuna, ñucanchic micungapacca mana samarishpami, imatapish ruhuarcanchic. Chaitaca yuyaringuichicmi. Quishpirinamanta alli huillaita huillacushpaca, maijan cancunata micunata mañashpa mana llaquichingapacmi, tutapish, punzhapish imallata ruhuarcanchic.

1 TIMOTEO 1:1

Ñucanchicta Quishpichic Taita Dios, shinallatac Apunchic Jesucristo mandashcamanta, ñucanchic crishpa shunguta churashca Apunchic Jesucristo acllashca huillac Pablomi,

1 TIMOTEO 2:7

Tucui caicunata mana israelcunaman*f** huillashpa yachachichunmi, Jesusca ñucataca acllarca. Paicunamanca cashcata nic alli huillaita crichun nishpami yachachini. Ñucaca mana llullashpami, chashnatac cashcata nini.

2 TIMOTEO 1:11

Taita Diosmi cai alli huillaita huillanata ñucaman mingarca. Shinallatac huillac cachunpish, yachachic cachunpish ñucataca cacharca.

TITO 1:1

Diospacta ruhuac, shinallatac Apunchic Jesucristo acllashca huillac Pablomi caita quillcashpa cachani. Dios acllashcacuna cashcata nic huillashcata yachashpa, crishpa paipaclla causachunmi, chashnaca huillani.

HEBREOS 5:4

Maijan cura cashpapish, pai quiquinllatacca jatun mandac cura cangapacca mana acllarinchu, ashtahuanpish Taita Dios Aaronta shina alli cachun acllashcacunallami, jatun mandac cura canga.

HEBREOS 7:26

Ñucanchic charishun nishca shinami, Jesusca curacunata jatun mandac cura can. Paica jucha illac, ima mapa illac, ima millaita mana ruhuac, shinallatac juchayuccunamantapish anchurishcami can. Paitaca jahua cielomanta yalli jahuapimi Taita Diosca churashca.

SANTIAGO 1:1

Ñucaca Diospacta, Apunchic Jesuspacta ruhuac Santiagomi cani. Israelpac*f** chunga ishcai aillucuna shiguarishpa, caipi chaipi causac criccunata “allillachu canguichic” nishpami, cai quillcata cachani.

1 PEDRO 4:17

Taita Dios taripana punzhaca ñami chayamucun. Chaipica paipac huahuacunataracmi Taita Diosca taripanga. Chashna ñucanchictarac taripai callaricpica, Diosmanta alli huillaita mana cazuccunacarin, ¿imachari tucunga?

2 PEDRO 1:1

Ñucaca Jesús acllashca huillac, shinallatac Jesucristopacta ruhuac Simón Pedromi cani. Ñucanchic Dios Quishpichic Jesucristo cashcata ruhuac cashcamanta, ñucanchic shinallatac sumaimana crishcata chasquiccunamanmi, “allillachu canguichic” nishpa quillcashpa cachani.

SAN JUDAS 1:1

Jesucristopacta ruhuac, Santiagopac huauqui Judasmi, Taita Dios c'uyashpa c'ayashcacunata “allillachu canguichic” nishpa caita quillcashpa cachani. Cancunataca ima millaimantapish Jesucristomi huacaichicun.

APOCALIPSIS 1:1

Cai ricuchinataca Jesucristo paipacta ruhuaccunaman utca ima tucuna cashcata huillachunmi, Taita Diosca curca. Jesucristoca angelta paipacta ruhuac Juanpacman cachashpami caicunataca ricuchirca.

APOCALIPSIS 22:6

Chai q'uipaca chai angelca: —Cai ñuca rimashcacuna chashnatac cashcamanta shunguta churanallami. Diosmanta huillaccunaman yuyaita cuc Mandac Diosllatacmi, angelta ñalla ima tucuna cashcata paipacta ruhuaccunaman ricuchichun cacharca— nirca.

APOCALIPSIS 22:9

Shina alli nigricpica: —Ama chashna ruhuaichu. Ñucapish can shinallatac Diosmanta ñaupa huillaccuna shina, tucui cai libropi quillcachishcata cazuccuna shina, Diospacta ruhuacllami cani. Taita Diostami alli nina cangui— nirca.